чәт әл мәтбуатлирида бу һәптә: 10.01.2018

бу һәптилик чәт әл мәтбуатлиридин таллап тәййарлиған муһим хәвәрлиримизниң қисқичә мәзмунлири төвәндикичә:

чәт әл мәтбуатлирида бу һәптә: 10.01.2018

түркийә авази радийоси: сербийәдә чиқидиған «‹ Blic› гезити», «әрдоған парижда түркийәниң йавропа иттипақиниң әнқәрәни әзалиққа қобул қилишини күтүштин зериккәнликини ейтти» сәрләвһилик хәвиридә, төвәндики мәлуматларға орун аҗратти:

җумһур рәис рәҗәп таййип әрдоған парижда түркийәниң йавропа иттипақиниң әнқәрәни әзалиққа қобул қилишини күтүштин зериккәнликини ейтти. фирансийәдә бир күнлүк зийарәттә болған әрдоған макрон билән өткүзгән қошма ахбарат елан қилиш йиғинида, әнқәрәниң ахирғичә йавропа иттипақиға әза болушни күтмәйдиғанлиқини тәкитләп мундақ деди: «биз 1963 – йили тунҗи қәдәм ташлиған идуқ, аридин 54 йил өткән болсиму, толиму әпсуски, түркийә техичә йавропа иттипақиниң ишики алдида әза болушни күтмәктә, бизму, дөлитимизму буниңдин толиму зериктуқ.»

германийәниң «‹ DPA › хәвәр агентлиқи», «габриел германийәниң түркийә билән болған истиратегийәлик дийалог һәққидә қайта сөһбәт елип бериш лазимлиқини ейтти» сәрләвһилик хәвиридә, төвәндики учурларни оқурмәнлири билән ортақлашти:

германийә ташқи ишлар министири сигмар габриел билән түркийә ташқи ишлар министири мәвлүт чавушоғлу берлин – әнқәрә оттурисидики һәмкарлиқни күчәйтишни үмид қилидиғанлиқлирини билдүрди. чавушоғлуниң гослар зийаритидә чавушоғлу билән габриел иқтисад ишлири министирлириға германийә – түркийә иқтисадий ишлар комитетиниң аридин узун вақит өткәндин кейин қайтидин бир йәргә җәм болушни тәвсийә қилди. буниңдин башқа йәнә, габриел  ташқи ишлар министирлири сәвийәсидә истиратегийәлик һәмраһлиқ һәққидә қайта сөһбәт елип беришни халайдиғанлиқлирини тәкитлиди.

америкиниң түрк тилида хәвәр тарқитидиған интернет тор бети: «пенсилванийәниң арқисида америка бар» сәрләвһилик хәвиридә, төвәндики учурларни оқурмәнлири билән ортақлашти:

җумһур рәис рәҗәп таййип әрдоған фирансийә зийаритини ахирлаштуруп түркийәгә қайтишида айропиланда ахбарат васитилириниң соаллириға җаваб бәргәндә, вашингтон һөкүмитиниң фәтһуллаһчи террорлуқ тәшкилатиниң каттибеши фәтһуллаһ гүлән мәсилисидә қәдәм ташлимаслиқини тәнқид қилип мундақ деди: «пенсилванийәниң арқисида америка қошма иштатлири бар. фәтһуллаһчи террорлуқ тәшкилатиниң каттибешини америкида беқип, униңға 400 дөнүмлүк земинни бәргән америка толиму әпсуски, бир қәдәмму ташлиғини йоқ, әмма биз бу һәқтә давамлиқ қәдәм ташлаймиз.»

германийәниң «‹ DW › хәвәр тори», «түркийәлик вә германийәлик министирлардин иҗабий сигнал» сәрләвһилик хәвиридә, төвәндики мәлуматларни оқурмәнлири билән ортақлашти:

ташқи ишлар министири мәвлүт чавушоғлу германийәгә қилған бир күнлүк зийаритиниң наһайити мувәппәқийәтлик өткәнликини, зийарәт мунасивити билән икки тәрәп мунасивәтлири, районлуқ мәсилиләр һәққидә сөһбәт елип бериш пурситигә еришкәнликлирини әскәртти һәмдә түркийә билән – германийәниң бәзи мәсилиләрдә охшаш қарашқа игә әмәсликини тәкитләп мундақ деди: «бәзи мәсилиләрдә қисмән ихтилаплар оттуриға чиқти, һәтта мунасивәтлиримиз йириклишип кәтти, бирақ биз қийин өткәлдин дийалог арқилиқ өтәләйдиғанлиқимизға ишәндуқ. җүмлидин мунасивәтлиримизни өзара чүшиниш, дийалог вә сәмимий һәмкарлиқ асасида тәрәққий қилдуралайдиғанлиқимизға ишинимиз.»

 



مۇناسىۋەتلىك خەۋەرلەر