chet el metbuatlirida bu hepte: 11.10.2017

bu heptilik chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

chet el metbuatlirida bu hepte: 11.10.2017

amérikidiki taratqu orgini AP «erdoghan tutulghan amérika konsolxa xadimining jasos ikenlikini, dédi»serlewhilik xewiride munu uchurlarni oqurmenliri bilen ortaqlashti: «jumhur reis rejep tayyip erdoghan türkiye dairiliri teripidin tutulghan amérika konsolxanisining xadimining jasos ikenlikini, shunga türkiyening mushundaq <ichki tehdit> aldida choqum tigishlik qedemlerni tashlash hoquqi barliqini eskertti. sirbiyening paytexti bélgradta muxbirlarning soallirigha jawab bergen erdoghan yene mundaq dédi: bu jasoslar amérika konsolxanisigha qandaq soqunup kirdi? eger ular soqunup kirmise ularni kim bu jaygha orunlashturdi?»

rusiyediki riya nososti (RİA NOVOSTİ) géziti «türkiye bash ministiri idlibte oq chiqirishni toxtitishni nazaret qilidighan orunlarning berpa qilinidighanliqini , dédi»serlewhilik xewiride munu uchurlarni oqurmenlirining diqqitige sundi: «bash ministir binali yildirim türkiye eskerlirining idlibte oq chiqirishni toxtitish kélishimige riaye qilip qilmighanliqini nazaret qilidighan orunlarning berpa qilinishi üchün 8-öktebirdin buyan istixbarat xizmetlirining élip bériliwatqanliqini bildürdi. adalet we tereqqiyat partiyesi parlamént guruppa yighinida söz qilghan yildirim enqere bilen washingtion otturisida yüz bergen diplomatik kirizsidin kéyin türkiye puqralirigha wiza bérishni toxtatqanliqini jakarlighan amérikining bu ishining ikki dölet otturisidiki istiratégiyelik hemkarliqqa toghra kelmeydighanliqini éytti.»

irandiki irana agéntliqi «erdoghan jenubiy chégrayimizda térrorluq karidori berpa bolushigha qetiy yol qoymaymiz, dédi»serlewhilik xewiride munu uchurlargha orun ajratti: «jumhur reis rejep tayyip erdoghan türkiyening jenubiy chégrasi we süriyening shimaliy rayonlirida térrorluq karidorining berpa bolushigha qetiy yol qoymaydighanliqlirini eskertip munularni qeyt qildi:< bu jaylarda dölet qurush üchün jiddiy xizmetler élip bériliwatidu. hazir bu ishqa süküt qilsaq kelgüside resmiy dölet shekillinidu>, süriyening idlib shehiridiki toqunushmasliq rayonigha esker ewetilidighanliqini puritip ötken erdoghan sözini dawamlashturup mundaq dédi: bu jehette her qandaq bir mesile yüz bermestin bizning qollishimiz we süriye erkin armiyesining hemkarliqi astida xizmetler ongushluq élip bériliwatidu.»

rusiyediki xewer we radiyo agéntliqi Sputnik «séntebirdimu istanbulni sayahet qilghan chet ellik sayahetchi sani yaz éyidikige oxshashla köp boldi»serlewhilik xewiride munu uchularni oqurmenliri bilen ortaqlashti: «istanbul 9 ay ichide texminen 8 milyon chet ellik sayahetchige sahibxanliq qildi, séntebirde istanbulni sayahet qilghan chet ellik sayahetchi sani bulturqining oxshash mezgilige sélishturghanada %30 ashti, istanbul séntebirde 1 milyon 45ming 896 chet ellik sayahetchige sahibxanliq qildi, bu yilning deslepki 9 éyida istanbulni sayahet qilghan chet ellik sayahetchi sani bulturqining oxshash mezgilige sélishturghanda %13 ashti, istanbul bu yil yanwardin séntebirghiche bolghan mezgilde 7 milyon 997ming 982 chet ellik sayahetchini kütüwaldi.»



مۇناسىۋەتلىك خەۋەرلەر