13.09.2017

bu heptilik chet el metbuatlirida asasiy salmaqni igiligen xewerlirimizning asasiy mezmunliri töwendikiche:

13.09.2017

irandiki irana agntliqi «erdoghan: türkiye S-400  tipliq mudapie sistémisini rusiyedin sétiwalidu»serlewhilik xewiride munu uchurlarni oqurmenliri bilen ortaqlashti: «jumhur reis rejep tayyip erdoghan kélishim imzalinip musape tamamlanghandin kéyin türkiyening S-400 tipliq mudapie sistémisini rusiyedin sétiwalidighanliqlirini éytti. qazaqistan ziyaritini tügitip türkiyege qaytish sepiride muxbirlarning soallirigha jawab bergen jumhur reis rejep tayyip erdoghan, rusiyedin S-400  tipliq mudapiesistémisini sétiwélish üchün zakalet pulining tölinip bolghanliqini éytip mundaq dédi: S-400  tipliq mudapie sistémisi sétiwélish üchün kélishim hasil qilindi, kélishimning kéyinki basquchida mudapie sistémisini sétiwélishta rusiyedin türkiyege bérilidighan qerzning resmiyiti ötülidu, hem rusiye pirézidénti putin hem men her ikkilimiz bu kélishimni wujudqa chiqirish üchün qetiy qarargha kelduq.»

ezerbeyjandiki Trend agéntliqi «türkiye yawropa ittipaqi toghruluq bayanat élan qildi»serlewhilik xewiride munu uchurlargha orun ajratti: «yawropa ittipaqi ministiri qoshumche bash muzakirichi ömer chelik ziyaret üchün yétip barghan engliyening paytexti londonda radikal küchlerning  musulman, layik, démokratik qanun döliti bolghan türkiye bilen yawropa ittipaqi munasiwetlirige buzghunchiliq qilish koyida ikenliklirini tekitlep mundaq dédi: yawropa kéngishi bash katipi bilen ötküzgen söhbitimiz ongushluq ötti, yawropa ittipaqi bilen muzakire üstilige olturup resmiy söhbet ötküzimiz, bu yawropa ittipaqining muzakire qabiliyitige baghliqtur.»

rusiye radiyo we xewer agéntliqi Sputnik «rusiye türkiyedin pemidor import qilidu»serlewhilik xewiride munu uchurlarni oqurmenlirining diqqitige sundi: «rusiye yéza-igilik ministirliqi we rusiye yéza-igilik mehsulatliri nazaret agéntliqi rosélhozmadzor türkiyedin tekrar pemidor import qilishni pilanlimaqta, rusiye türkiyedin 2018-yilning aprél we may éyighiche pemidor import qilidu.»

amérika awazi «türkiye sayahetchilikte eng köp arzu qilinidighan döletler qataridin orun aldi»serlewhilik xewiride munu uchurlarni oqurmenliri bilen ortaqlashti: «türkiyediki késeller burun dawalinish üchün amérika yaki yawropa döletlirige baratti, hazir ehwal del eksiche bolmaqta, yawropaliqlar türkiyege kélishke bashlidi, bultur 550 ming chet ellik dawalinish üchün türkiyege keldi, bu yilning axirighiche bu sanning 750minggha yétishi mölcherlenmekte, türkiye besh yultuzluq méhmanxanilargha oxshash besh yultuzluq doxturxanilar berpa qiliwatqan yégane dölettur. barghanche küchidin qéliwatqan yawropaning chish, beden ezalirini köchürüsh we özini tüzeshke oxshash sehiye mulazimetliride bahaning muwapiq bolushi we ela mulazimet sewebidin türkiyege kélidighanliqi bildürülmekte.»

ezerbeyjandiki Trend agéntliqi «türkiye qazaqistan bilen 26 layiheni birlikte ishqa ashuridu»serlewhilik xewiride munu uchurlarni neqil qildi: «jumhur reis rejep tayyip erdoghan türkiye bilen qazaqistan otturisidiki soda omumiy qimmitining texminen 2 milyard dollar ikenlikini bildürüp mundaq dédi: <biz buni burunraq 5 milyard dollargha yetküzüsh üchün küch chiqiriwatimiz>, jumhur reis rejep tayyip erdoghan qazaqistan pirézidénti nursultan nezerbeyayéw bilen muxbirlarni kütüwélish yighini ötküzüp türkiye-qazaqistan otturisidiki iqtisadiy hemkarliq toghruluq toxtaldi. türkiye-qazaqistan munasiwitining  2012-yili aliy sewiyelik istiratégiyelik hemkarliq sewiyesige yükselgenlikini éytqan jumhur reis erdoghan mundaq dédi: tunji qétimliq yighinni 2012-yili dölitmizde, ikkinchi qétimliq yighinni bolsa qazaqistanda ziyarette bolghan chéghimda 2015-yili ötküzduq, kéyinki qétimliq yighinni xudayim buyrisa hörmetlik nezerbayéw kéler yili dölitimizni ziyaret qilghan chaghda ötküzimiz.»

afghanistan azad radiyosi «türkiye gérmaniyeni sayahet qilmaqchi bolghan puqralirini agahlandurdi»serlewhilik xewiride munularni eskertti: «türkiye gérmaniyede yashawatqan yaki bu döletni sayahet qilmaqchi bolghan puqralirini agahlandurdi, tashqi ishlar ministirliqining bayanatida türkiye puqraliridin chet el düshmenliki yaki irqchiliq tehditliri mesiliside diqqet qilish telep qilindi.»


خەتكۈچ: qazaqistan , türkiye , Trend , S-400

مۇناسىۋەتلىك خەۋەرلەر