13.09.2017

бу һәптилик чәт әл мәтбуатлирида асасий салмақни игилигән хәвәрлиримизниң асасий мәзмунлири төвәндикичә:

13.09.2017

ирандики ирана агнтлиқи «әрдоған: түркийә S-400  типлиқ мудапиә системисини русийәдин сетивалиду»сәрләвһилик хәвиридә муну учурларни оқурмәнлири билән ортақлашти: «җумһур рәис рәҗәп таййип әрдоған келишим имзалинип мусапә тамамланғандин кейин түркийәниң S-400 типлиқ мудапиә системисини русийәдин сетивалидиғанлиқлирини ейтти. қазақистан зийаритини түгитип түркийәгә қайтиш сәпиридә мухбирларниң соаллириға җаваб бәргән җумһур рәис рәҗәп таййип әрдоған, русийәдин S-400  типлиқ мудапиәсистемисини сетивелиш үчүн закаләт пулиниң төлинип болғанлиқини ейтип мундақ деди: S-400  типлиқ мудапиә системиси сетивелиш үчүн келишим һасил қилинди, келишимниң кейинки басқучида мудапиә системисини сетивелишта русийәдин түркийәгә берилидиған қәрзниң рәсмийити өтүлиду, һәм русийә пирезиденти путин һәм мән һәр иккилимиз бу келишимни вуҗудқа чиқириш үчүн қәтий қарарға кәлдуқ.»

әзәрбәйҗандики Trend агентлиқи «түркийә йавропа иттипақи тоғрулуқ байанат елан қилди»сәрләвһилик хәвиридә муну учурларға орун аҗратти: «йавропа иттипақи министири қошумчә баш музакиричи өмәр чәлик зийарәт үчүн йетип барған әнглийәниң пайтәхти лондонда радикал күчләрниң  мусулман, лайик, демократик қанун дөлити болған түркийә билән йавропа иттипақи мунасивәтлиригә бузғунчилиқ қилиш койида икәнликлирини тәкитләп мундақ деди: йавропа кеңиши баш катипи билән өткүзгән сөһбитимиз оңушлуқ өтти, йавропа иттипақи билән музакирә үстилигә олтуруп рәсмий сөһбәт өткүзимиз, бу йавропа иттипақиниң музакирә қабилийитигә бағлиқтур.»

русийә радийо вә хәвәр агентлиқи Sputnik «русийә түркийәдин пәмидор импорт қилиду»сәрләвһилик хәвиридә муну учурларни оқурмәнлириниң диққитигә сунди: «русийә йеза-игилик министирлиқи вә русийә йеза-игилик мәһсулатлири назарәт агентлиқи роселһозмадзор түркийәдин тәкрар пәмидор импорт қилишни пиланлимақта, русийә түркийәдин 2018-йилниң апрел вә май ейиғичә пәмидор импорт қилиду.»

америка авази «түркийә сайаһәтчиликтә әң көп арзу қилинидиған дөләтләр қатаридин орун алди»сәрләвһилик хәвиридә муну учурларни оқурмәнлири билән ортақлашти: «түркийәдики кесәлләр бурун давалиниш үчүн америка йаки йавропа дөләтлиригә баратти, һазир әһвал дәл әксичә болмақта, йавропалиқлар түркийәгә келишкә башлиди, бултур 550 миң чәт әллик давалиниш үчүн түркийәгә кәлди, бу йилниң ахириғичә бу санниң 750миңға йетиши мөлчәрләнмәктә, түркийә бәш йултузлуқ меһманханиларға охшаш бәш йултузлуқ дохтурханилар бәрпа қиливатқан йеганә дөләттур. барғанчә күчидин қеливатқан йавропаниң чиш, бәдән әзалирини көчүрүш вә өзини түзәшкә охшаш сәһийә мулазимәтлиридә баһаниң мувапиқ болуши вә әла мулазимәт сәвәбидин түркийәгә келидиғанлиқи билдүрүлмәктә.»

әзәрбәйҗандики Trend агентлиқи «түркийә қазақистан билән 26 лайиһәни бирликтә ишқа ашуриду»сәрләвһилик хәвиридә муну учурларни нәқил қилди: «җумһур рәис рәҗәп таййип әрдоған түркийә билән қазақистан оттурисидики сода омумий қиммитиниң тәхминән 2 милйард доллар икәнликини билдүрүп мундақ деди: <биз буни бурунрақ 5 милйард долларға йәткүзүш үчүн күч чиқириватимиз>, җумһур рәис рәҗәп таййип әрдоған қазақистан пирезиденти нурсултан нәзәрбәйайев билән мухбирларни күтүвелиш йиғини өткүзүп түркийә-қазақистан оттурисидики иқтисадий һәмкарлиқ тоғрулуқ тохталди. түркийә-қазақистан мунасивитиниң  2012-йили алий сәвийәлик истиратегийәлик һәмкарлиқ сәвийәсигә йүксәлгәнликини ейтқан җумһур рәис әрдоған мундақ деди: тунҗи қетимлиқ йиғинни 2012-йили дөлитмиздә, иккинчи қетимлиқ йиғинни болса қазақистанда зийарәттә болған чеғимда 2015-йили өткүздуқ, кейинки қетимлиқ йиғинни худайим буйриса һөрмәтлик нәзәрбайев келәр йили дөлитимизни зийарәт қилған чағда өткүзимиз.»

афғанистан азад радийоси «түркийә германийәни сайаһәт қилмақчи болған пуқралирини агаһландурди»сәрләвһилик хәвиридә мунуларни әскәртти: «түркийә германийәдә йашаватқан йаки бу дөләтни сайаһәт қилмақчи болған пуқралирини агаһландурди, ташқи ишлар министирлиқиниң байанатида түркийә пуқралиридин чәт әл дүшмәнлики йаки ирқчилиқ тәһдитлири мәсилисидә диққәт қилиш тәләп қилинди.»



مۇناسىۋەتلىك خەۋەرلەر