ایتھنز: جنگل میں لگی آگ،ہلاکتوں کی تعداد 91 ہو گئی
یونانی دارالحکومت ایتھنز کے قریب لگنے والی آگ کے نتیجے میں ہلاک شدگان کی تعداد 91 ہو گئی ہے
1021881
یونانی دارالحکومت ایتھنز کے قریب لگنے والی آگ کے نتیجے میں ہلاک شدگان کی تعداد 91 ہو گئی ہے ۔
آگ بجھانے والے ادارے کا کہنا ہے کہ 25 افراد تاحال لا پتہ ہیں جن کی تلاش بدستور جاری ہے ۔
ادارے کی ترجمان استرا ولا مالیری نے بتایا ہے کہ آتشزدگی کی زد میں آکر ہلاک ہونے والے 59 افراد کی شناخت کر لی گئی جن کی آخری رسومات کا آغاز ہو چکا ہے۔
یاد رہے کہ ایتھنز سے 25 کلومیٹر کے فاصلے پر جنگل میں لگنے والی آگ تیز ہواوں کی وجہ سے زور پکڑ گئی جس کے نتیجے میں 180 سے زائد افراد زخمی ہوئے اور متعدد مکانات اور گاڑیاں بھی جل گئیں ۔