جرمنی میں آج ووٹر بیلٹ بکسوں کا رُخ کر رہے ہیں
ملک میں 61 ملین 5 لاکھ رجسٹرڈ ووٹر جرمنی بھر میں 299 حلقوں میں 598 نئے اسمبلی ممبران کے تعین کے لئے دو ووٹوں کا استعمال کریں گے
جرمنی میں وفاقی اسمبلی کے نئے ممبران کے تعین کے لئے ووٹر آج بیلٹ بکسوں کا رُخ کر رہے ہیں۔
ووٹ ڈالنے کا عمل مقامی وقت صبح 8 بجے شروع ہوا اور شام 6 بجے تک جاری رہے گا۔
ملک میں 61 ملین 5 لاکھ رجسٹرڈ ووٹر جرمنی بھر میں 299 حلقوں میں 598 نئے اسمبلی ممبران کے تعین کے لئے دو ووٹوں کا استعمال کریں گے۔
ووٹر پہلا ووٹ اپنے علاقے کے اسمبلی ممبر امیدوار کے لئے جبکہ دوسرا ووٹ اپنی منتخب کردہ پارٹی کو دیں گے۔
16 ریاستوں میں تقریباً73 ہزار 500 بیلٹ بکسوں پر 6 لاکھ 50 ہزار سکیورٹی اہلکار متعین کئے گئے ہیں۔
ملک بھر سے 42 پارٹیوں سے 4 ہزار 828 امیدوار انتخابات لڑ رہے ہیں جن میں 92 امیدوار ترک الاصل ہیں۔
انتخابات میں 7 لاکھ 20 ہزار ووٹر اپنے ووٹ کا استعمال کریں گے۔
حالیہ سروے کے نتائج کے مطابق کرسچئین ڈیموکریٹ یونین پارٹی کے 34 فیصد، سوشل ڈیموکریٹ پارٹی کے 21 فیصد ، انتہائی دائیں بازو کی جرمنی کے لئے الٹرنیٹو پارٹی کے 31 فیصد ، لیفٹ پارٹی کے 11 فیصد ، لبرل ڈیموکریٹس پارٹی کے 9 فیصد اور گرین پارٹی کے 8 فیصد ووٹ حاصل کرنے کی توقع کی جا رہی ہے۔