عالمی سطح پر کورونا میں نمایاں کمی ہوئی ہے: عالمی ادارہ صحت

 عالمی ادارہ صحت کے ڈاریکٹر جنرل ٹیڈروس ایڈہانوم گیبریسیوس نے کہا ہے کہ عالمی سطح پر کورونا کے واقعات میں مسللس کمی کا رحجان جاری ہے۔

 گیبریسیوس نے ادارے کے جنیوا میں واقع دفتر میں منعقدہ پریس کانفرنس کے دوران کہا کہ اگلے سال جرمنی میں ہونے والے G7 اجلاس  تک دنیا کی ستر فیصد آبادی کورونا ویکسین لگوالے گی جس کے لیے گیارہ ارب خوراکیں درکار ہونگی ۔

انہوں نے کہا کہ  کورونا کی موجودہ عالمی صورتحال گزشتہ سات ہفتوں سے تسلی بخش نظر آتی ہے اور اس میں مسلسل کمی کا رحجان دیکھا جا رہا ہے  مگر وزاقعات جتنی تیزی سے کم ہو رہے ہیں اموات کی تعداد میں  اس حساب سے کمی سامنے نہیں آ رہی ،ہر دن دس ہزار لوگ ہلاک ہو رہے ہیں اور یہ حال ہے کہ اس وقت پریس کانفرنس کے انعقاد کے موقع پر ہی دنیا میں تقریبا 420 افراد ہلاک ہو چکے ہونگے۔

انہوں نے متنبہ کیا کہ   فی الوقت بعض ممالک میں کورونا واقعات اور اموات میں اضافہ قابل  تشویش ہے بالخصوص افریقہ میں ہمیں مزید اموات کا سامنا ہے جس کے لیے خطے میں ہمیں ویکسین، ٹیسٹ کٹس اور آکسیجن سیلنڈرز روانہ کرنے کی ضرورت ہے ۔