حکومت بلاتفریق یکساں احتساب کا نظام لائےاورنیب کوسیاسی انتقام کے لیے استعمال نہ کیا جائے: بلاول بھٹو

بلاول بھٹو نے کہا ہے کہ اگر حکومت رٹ قائم نہیں رکھ سکتی تو نیا پاکستان کیوں بنایا تھا؟،گورنر راج کی دھمکی خاطر میں نہیں لاتے‘ دھمکیاں وہ دیتے ہیں جو خود کو غیر محفوظ تصور کرتے ہیں‘عوام کے مینڈیٹ پر ڈاکہ نہیں ڈالنے دیں گے

حکومت بلاتفریق یکساں احتساب کا نظام لائےاورنیب کوسیاسی انتقام کے لیے استعمال نہ کیا جائے: بلاول بھٹو

پیپلز پارٹی کے چیئرمین و رکن قومی اسمبلی بلاول بھٹو زرداری نے کہا ہے کہ قانون سب کے لئے برابر ہونا چاہئے۔

انہوں نے  کہا کہ سب کا احتساب بلا تفریق ہونا چاہیے، حکومت بلاتفریق یکساں احتساب کا نظام لائے ‘ہم تعاون کریں گے‘نیب کو سیاسی انتقام کیلئے بنایا گیاہے، حکومت رٹ قائم نہیں رکھ سکتی تو نیا پاکستان کیوں بنایا تھا؟،گورنر راج کی دھمکی خاطر میں نہیں لاتے‘ دھمکیاں وہ دیتے ہیں جو خود کو غیر محفوظ تصور کرتے ہیں‘عوام کے مینڈیٹ پر ڈاکہ نہیں ڈالنے دیں گے۔

انہوں نے کہا کہ  حکومت کے پاس نہ توخارجہ پالیسی ہے اور نہ ہی کوئی معاشی پالیسی، ان کے پاس صرف بھیک مانگنے کی پالیسی ہے۔

پارلیمنٹ ہاؤس اسلام آباد کے باہر میڈیا سے بات کرتے ہوئے بلاول بھٹو زرداری نے کہا کہ بد قسمتی سے ایوان میں کبھی قومی معیشت پر بات نہیں ہوئی، گیس اور تیل کی قیمتیں بڑھا کرحکومت نے عوام پر مہنگائی کا بوجھ ڈال دیا ہے، ایسا لگ رہا ہے کہ آئندہ آنے والے دنوں میں مہنگائی کا مزید طوفان آئے گا۔

بلاول بھٹو زرداری نے کہا کہ درحقیقت وزیراعظم کہتے کچھ ہیں اور کرتے کچھ اور ہیں، ہم تحریک انصاف کی انتخابی منشور سے واقف ہیں، عمران خان نے کہا تھا کہ ہم بھیک نہیں مانگیں گے، وہ کہتے تھے کہ بھیک مانگنے سے خودکشی کرنا بہتر ہے لیکن ابھی تک ان کی حکومت نے بھیک مانگنے کے علاوہ کوئی قابل ذکر کام نہیں کیا۔

چیئرمین پیپلز پارٹی کا کہنا تھا کہ حکومت کے پاس خارجہ اور معاشی پالیسی پر کوئی جواب نہیں، وزیراعظم کےدورہ چین پرتحفظات کو دور نہیں کیا گیا، سعودی عرب نے کن شرائط پر بیل آوٴٹ پیکج دیا، حکومت کے پاس کوئی جواب نہیں ہے، ریاست کی رٹ قائم کرنے پر بھی یوٹرن لیے جارہے ہیں، وزیر اعظم اپنی تقریر میں کچھ کہتے ہیں اور ان کے وزراء ملاقاتوں میں کوئی اور موٴقف اپناتے ہیں، پاکستان اور چین کے مابین مقامی کرنسی میں تجارت کی پالیسی آصف زرداری کی کہی ہوئی بات تھی تاہم حکومت اگر سابق صدر کی کہی ہوئی بات کوہی آگے بڑھاتی ہے تو اچھی بات ہے۔



متعللقہ خبریں