ہم پرپابندیاں ناجائزہیں:قطری وزیر خارجہ

قطرکے وزیر خارجہ  عبدالرحمن بن محمد الثانی نے کہا ہے کہ جن ممالک نے اجتماعی پابندیوں کا اطلاق کر رکھا ہے  ان کے  پس پردہ عوامل سے وہ ناواقف ہیں مگر ہمارا ماننا  ہے کہ بغیر کسی ثبوت کے یہ پابندیاں غیر انسانی اور ناجائز ہیں

758381
ہم پرپابندیاں ناجائزہیں:قطری وزیر خارجہ

قطرکے وزیر خارجہ  عبدالرحمن بن محمد الثانی نے  کہا ہے کہ  ان کا ملک  نا جائز  پابندیوں   کا شکار  ہے۔

  فرانس 24 چینل سے گفتگو کرتےہوئے قطری وزیر نے  کہا کہ  سعودی عرب، متحدہ عرب امارات،بحرین اور مصر  نے جن  اجتماعی پابندیوں کا اطلاق کر رکھا ہے  ان کے  پس پردہ عوامل سے یہ ممالک نا واقف ہیں  مگر ہمارا ماننا  ہے  کہ بغیر کسی ثبوت کے یہ پابندیاں غیر انسانی اور ناجائز ہیں۔

 الثانی نے  ترک صدر کے  سعودی فرماں روا سے ٹیلفون بات چیت کے دوران قطر پر عائد پابندیاں  ہٹانے سے  متعلق  کہا کہ   ترکی نے روز اول سے خطے میں کشیدگی کم کرنےکےلیے  کوششیں جاری رکھی ہوئی ہیں  جو کہ قابل  تعریف ہیں۔

 قطری وزیر خارجہ نے کہا کہ ہما  ری تین فضائی حدود کو تین جانب سے بند کر رکھا ہے اور ہم صرف ایران     کی فضائی حدود استعمال کر رہے  ہیں یہ ایک محاصرہ ہے  جبکہ ہمارے بحری جہازوں کو بھی بین الاقوامی پانیوں میں مزاحمت کا سامنا  ہے  مگر یہ ممالک جان لیں کہ ہم اپنی عوام  اور ملک کا  دفاع کرنے کا  تمام  انتظام  اور اختیار رکھتے ہیں۔

 

 

 



متعللقہ خبریں