امریکی سینٹ میں داعش مخالف منصوبے کی منظوری

اوباما کے داعش منصوبے کی سینٹ نے منظوری دے دی ہے۔
امریکی صدر باراک اوباما کے داعش کے خلاف شام کے مخالف گروہوں کی اسلحہ اندوزی اور تربیت کے منصوبے کی ایوانِ نمائندگان کے بعد سینٹ نے بھی منظوری دے دی ہے۔
سینٹ میں ہونے والی رائے دہی میں اسے 22 کے مقابلے میں 78 ووٹوں کے ساتھ منظور کر لیا گیا ہے۔
سینٹ کی منظوری کےساتھ پایہ تکمیل کو پہنچنے والا یہ سلسلہ اب صدر اوباما کے دستخط کے بعد قانونی ماہیت حاصل کر لے گا۔
جس کے بعد اوباما نے اپنے بیان میں کہا ہے کہ سینٹ کا یہ اقدام امریکہ کے داعش کے خلاف جدوجہد میں مصمم ہونے کا مظہر ہے۔
ان کا کہنا تھا کہ "اگر آپ میرے ہم وطنوں کو نقصان پہنچائیں گے، امریکہ اور ہماری اتحادیوں کو دھمکیاں دیں گے تو ایسی نازیبا حرکات ہمارے درمیان دوری کی بجائے قربت لائیں گی۔
امریکی صدر نے مزید کہا کہ کولیشن کے دائرہ کار میں عراقی قوتوں سے تعاون، انسانی امداد اور دیگر معاملات میں عرب ملکوں سمیت 40 سے زائد ممالک نے امداد کی پیش کش کی ہے۔