اکتبر آییندا تۆرکیأنینگ داشاساتووی یۇقارلادی
تۆرکیأنینگ داشاری سؤوداداقی دنگ آغرامسیزلیغی آزالیار
تۆرکیأنینگ داشاساتووی اکتبر آییندا ییللیق ۱۳ گؤتریم یۇقارلادی و ۱۵ میلیارد ۷۱۹ میلیون دلارا یتدی.
تۆرکیأنینگ حاسابات قوراماسی بیلن سؤودا وزیرلیگی ۲۰۱۹-نجی ییلینگ اکتبر آیینا چنلی بۇلان داشاساتوو باراسیندا حابار چاپ اتدی.
شونگا گؤرأ تۆرکیأنینگ صادراتی (داشاساتووی) اؤتن ییلینگ اکتبر آیینا گؤرأ ۱۳ گؤتریم یۇقارلادی و ۱۵ میلیارد ۷۱۹ میلیون دلارا بارابار بۇلدی.
تۆرکیه شو دؤوۆرده داشاری یورتلاردان ساتین آلان اؤنۆملرینی ده ۲۳.۸ گؤتریم آزالتدی و ۱۶ میلیارد ۱۷۶ میلیون دلارا یتیردی.
بو دؤوۆرده سؤودا دنگ آغرامسیزلیغی دا ۹۳.۸ گؤتریم آزالدی و ۴۵۶ میلیون دلارا یتدی.
داشاساتووینگ ساتین آلینان اؤنۆملره گؤرأ موقداری اؤتن ییل اکتبر آییندا ۶۵.۶ گؤتریم بۇلوپدی، شو سان بو ییلینگ اکتبر آییندا ۹۷.۲ گؤتریم بۇلدی.
تۆرکیأنینگ داشاساتووی یانوار- اکتبر آرالیغیندا دا ۷.۶ گؤتریم یۇقارلادی و ۱۳۸ میلیارد ۷۰۰ میلیون دلار بۇلدی.
۱۰ آیلیق دؤوۆرده تۆرکیأنینگ داشاری یورتلاردان آلان اؤنۆملری ده ۰.۱ گؤتریم یۇقارلادی و ۱۹۰ میلیارد ۳۲۷ میلیون دلارا بارابار بۇلدی.
شۇل دؤوۆرده سؤودادا دنگ آغرامسیزلیق ۱۵.۷ گؤتریم آزالدی و ۵۱ میلیارد ۶۲۷ میلیون دلار بۇلدی.
۱۰ آیلیق دؤوۆرده داشاساتووینگ موقداری ساتین آلینان اؤنۆملرینگ ۷۲.۹ گؤتریمینه بارابار بۇلدی.