تۆرکیأنینگ و دۆنیأنینگ گۆن ترتیبی ۵۲: تۆرکیه- آمریکانینگ سوریه و ی. پ. گ بارادا قاراری

آمریکا سوریه دن چکیلیأر، اۇندان سۇنگرا نأمه بۇلار

تۆرکیأنینگ و دۆنیأنینگ گۆن ترتیبی ۵۲: تۆرکیه- آمریکانینگ سوریه و ی. پ. گ بارادا قاراری

 

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز:

۲۰۱۸-نجی ییلینگ ۱۹-نجی دکابریندا آمریکانینگ جمهورباشلیغی دونالد ترامپ ینگ، آمریکان عسگرلری نینگ سوریه دن چکیلجکدیگیمی عایان اتمه گی بیلن بیرلیکده سوریه دأکی یاغدای تأزه دن شِکیللِنمأگه باشلادی. دونالد ترامپ ینگ بیاناتیندان سۇنگقی اِتاپدا تۆرکیأنینگ توتان یرلیلیگی اۆنسلری اؤزۆنه چکدی. پرزیدنت رجب طیب أردۇغان ینگ فیرات دریاسی نینگ گۆن دۇغارینا قارشی حاربی حرکتی نینگ گچیرجکدیگینی عایان اتمه گیندن سۇنگ، تۆرکیأنینگ یاراغلی گۆیچلری بیلن تۆرکیأنینگ سوریه ده بیله لیکده حرکت ادیأن میللی قشون حرکت اۆچین طایارلیقلاری نینگ گریمینی آرتدیردی. تۆرکیأنینگ هۇوا گۆیچلری پ. ک. ک نینگ عیراق داقی بارلیغینا قارشی هۇوا هۆجۆمینی قورادی. سوریه- عیراق سرحدی نینگ قۇلاییندا یرله شیأن سنجار داغی بیلن بیرلیکده مخمور بازاسینداقی قاراقاجاق داغینداقی ترورچیلارینگ یرلرینه هۆجۆم قورالماغی، تۆرکیأنینگ توتان یرلیلیگینی گؤرکِزدی.

۲۰۱۸-نجی ییلینگ ۱۴-نجی دکابریندا پرزیدنت رجب طیب أردۇغان بیلن آمریکانینگ جمهورباشلیغی دونالد ترامپ ینگ آراسیندا گچن تلفن آرقالی صؤحبِتدِشلیگینده آمریکانینگ جمهورباشلیغی دونالد ترامپ، آمریکان عسگرلرینی سوریه دن چیقارماق بارادا قارار قابول اتدی. تلفن صؤحبِتدِشلیگی نینگ بارشیندا دونالد ترامپ تۆرکیأنینگ جمهورباشلیغی أردۇغان دان داعش تۇپارینا قارشی گؤره شینگ تۆرکیه تاراپیندان اؤز اۆستۆنه آلینماغینی ایسله دی و أردۇغان بو ایسله گی قابول اتدی.

آمریکانینگ سوریه دن چکیلمه ک باراداقی قارار قابول اتمه گیندن سۇنگ، آمریکانینگ قورامالارینا، سوریه ده و گلوبال درجه ده تأثیری اولی بۇلدی. آمریکانینگ قۇرانماق وزیری جیمز متیس و داعشه قارشی گؤره ش بۇیونچا یؤریته وکیلی برت مک گرک وظیپه لریندن چکیلدی. آمریکانینگ ایزینا چکیلمه ک باراداقی قاراری نینگ ی. پ. گ/ پ. ک. ک آغضا ترورچیلارینگ قاراری تانقیت ادیپ، "آرقامیزدان پیچاقلاندیق" دیمه‌کلرینه سبأپ دؤره‌تدی.

آمریکانینگ جمهورباشلیغی دونالد ترامپ، ینگ سوریه دن چکیلمه ک باراداقی قاراری سوریه دأکی دنگ آغراملیغی عمومان آلناندا اۆیتگِتجه‌کدیگینی کؤرکِزیأر. آمریکان عسگرلری نینگ سوریه دن چیقماغی بیلن عمله گلجک بۇشلوغینگ کیم تاراپیندان دۇلدوریلجاقدیغی، سوریأنینگ گلجگی تایدان اؤرأن أهمیتلیدیر.

آمریکان عسگرلری نینگ چکیلمه گی، تۆرکیأنینگ ی. پ. گ/ پ. ک. ک- آ قارشی حرکت گچیرمه گی نینگ اؤنگۆنی آچماق بیلن بیرلیکده، روسیا و ایران تاراپیندان قۇلدانیان اسده تابینلیقداقی گۆیچلرینگ ی. پ. گ بیلن ایلالاشیپ، آمریکان عسگرلری نینگ باشلادان یرلرینه یرله شمه گینه هم التیپ بیلر.

پ. ک. ک دؤره دیلن گۆنۆندن بأری بشار اسد ماشغالاسی بیلن قاتناشیقدا بۇۆلماق بیلن بیرلیکده، سوریه دأکی ساواشینگ باشلان ماحالی، اسده تابینلیقداقی گۆیچلر تۆرکیه سرحدیندأکی اۆچ آیری بؤلگأنی ی. پ. گ تۇپارینا بردی. بیله کی تاراپدان تاراپلارینگ آراسیندا گچیریلن گپله شیکلرده ی. پ. گ نینگ تأزه یرلری آلماغی بیلن بیرلیکده اؤزباشداق قورلوشیق طالاپ ادندیگی و بو طالاپ اسد تاراپیندان قابول ادیلمأندیگی بیلینیأر.

آمریکان عسگرلری نینگ چکیلمه گی بیلن اسده تابینلیقداقی گۆیچلرین ی. پ. گ بیلن بۇلان طالاپلاری یۇقارلار و بو یاغدای، تاراپلارینگ تۆرکیأ قارشی ایلالاشماغینی قینلاشدیرار. موندان باشغا دا روسیا بیلن ایران ینگ ی. پ. گ بیلن اسد تابینلیقداقی گۆیچلرینگ آراسینداقی ایلالاشیغا نأحیللی قاراجاقدیغی هم اؤرأن مؤهۆمدیر.

بۇلماغی أحتیمال ی. پ. گ- اسد ایلالاشیغینا بؤوِت بۇلماق اۆچین تۆرکیه آمریکا بیلن آمریکان عسگرلری نینگ سوریه دن چکیلمه ک اتابینی بیله لیکده آلیپ بارمالیدیر. آمریکانینگ جمهورباشلیغی دونالد ترامپ ینگ سوسیال مدیا حاسابیندان برن بیاناتیندا، آمریکا عسگرلری نینگ سوریه دن چکیلمه ک اتابی نینگ خیال بۇلجاقدیغینی و تۆرکیه بیلن یۇقاری درجه ده بیله لیکده حرکت اتجکدیگینی بِلله مه گی، بۇشالجاق یرلرینگ باشغا گۆیچلر تاراپیندان دۇلدوریلماغی نینگ انگۆنه گچیلمه گی تایدان اؤرأن واجیپدیر.

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقادینگیز.

 

 



دِگیشلی حابارلار