أردۇغان دۆنیأ یۇلباشچیلارینا تأزه ییل قوتلاغ یۆزلِنمهسینی ایبردی
تۆرکیأنینگ جمهورباشلیغی رجب طیب أردۇغان دۆنیأ یورتلاری نینگ یۇلباشچیلارینینگ تأزه ییلینی قوتلادی
تۆرکیأنینگ جمهورباشلیغی رجب طیب أردۇغان دۆنیأ لیدرلرینه تأزه ییللارینی قوتلاپ، یۆزلِنمه ایبردی.
أردۇغان آمریکانینگ جمهورباشلیغی دونالد ترامپ- آ بۆزلهنیپ "حۇرماتلی جمهورباشلیق، قادیرلی دۇستوم" دییپ باشلان تأزه ییل قوتلاغ یۆزلِنمه سینده ایزدا قالیپ باریان ۲۰۱۸-نجی ییلینگ تۆرکیه بیلن آمریکانینگ آراسیندا یۆزه چیقان مسئله لرینگ عهده سیندن گلینِن و ایکی تاراپلایین قاتناشیقلارینگ بۇلمالی درجه سینه یتمه گی اۆچین تاغاللا ادیلن بیر ییل بۇلاندیغینی بیان اتدی.
پرزیدنت أردۇغان یۆزلِنمهسینده "ایکی تاراپلایین حۇرمات و دۇستلوقلی دیالوگا اساسلانیان قاتناشیقلاریمیزی، استراتژیک حیذماتداشلیغینگ طالاپلارینا لاییق گلجک درجه سینه یتیرجکدیگیمیزه و حیذماتداشلیغیمیزینگ گلجگی نینگ موندان بیلأک حاص هم اؤزگِرجِکدیگینه اینانیارین. شو پورصاتدان پیدالانیپ تأزه ییلینگیز بیلن قوتلاپ، سیزه و دۇستلوقلی آمریکان حالقینا جان ساغلیق و پاراساتلیلیق دیله یأرین" دییپ بِلله دی.
أردۇغان روسیانینگ دؤولت باش توتانی ولادیمیر پوتین-آ یۆزلهنیپ یازان تأزه ییل قوتلاغیندا بۇلسا تۆرکیه- روسیا آراسینداقی ایکی تاراپلایین قاتناشیقلارینگ أهمیتینه اۆنسلری چکیپ اؤنگۆمیزدأکی ییلدا قاتناشیقلارینگ حاص هم آرتیپ دۇوام اتمه گینه قاراشیاندیغینی آیتدی.
تۆرکیأنینگ جمهورباشلیغی بیک بریتانیانینگ باش وزیری ترزا می-یه یازان قوتلاغ یۆزلِنمه سینده بۇلسا، گچیپ باریان ۲۰۱۸-نجی ییلینگ تۆرکیه- بیک بریتانیا حیذماتداشلیغی نینگ و عمومی تاغاللالارینگ حاص هم اؤزگِرِن بیر ییلی بۇلاندیغینی بیان اتدی.
رجب طیب اردوغان فرانسیانینگ جمهورباشلیغی امانوئل مکرونا ایبرن تأزه ییل قوتلاغ یۆزلِنمه سینده بۇلسا، اؤنگۆمیزدأکی ۲۰۱۹-نجی ییلدا ایکی تاراپلایین حۇرمات و دۇستلوقلی دیالوگا اساسلانیان ایکی تاراپلایین قاتناشیقلارینگ عمومی تاغاللالار بیلن حاص هم اؤزگِرتجکدیکلرینه اینانیاندیغینی بِلله دی.
أردۇغان "حۇرماتلی دؤولت باش توتانی قادیرلی دۇستوم" دییپ باشلان قوتلاغ حاطیندا، حیتای حالق جمهوریتی نینگ باشلیغی شی جی پینگ –ه ایکی یوردونگ آراسینداقی قاتناشیقلارینگ أهلی اوغورلاردا برکِهیأندیگینه شایات بۇلاندیغینی حابار بردی.
پرزیدنت أردۇغان، هیندیستان ینگ باش وزیری نارندرا مودی-یه یۆزلهنیپ ایبرن حاطیندا بۇلسا "گؤزهل یوردونگیزا ساپاریمیزینگ یاتدان چیقماجاق یاتلامالاریمی قۇراپ ساقلایارین" دییپ باشلادی.
تۆرکیه- هیندیستان آراسینداقی قاتناشیقلارینگ أهلی اوغورلاردا اؤردن گۆیچلهنیأندیگینی آیدان أردۇغان، "یورتلاریمیزینگ آراسینداقی تاریحا دایانیان دۇستلوقلی قاتناشیقلارینی حاص هم گۆیچلهندیریپ، میللتلریمیزینگ عمومی بأحبیتلرینه حیذمات اتجک یاغدایدا حاص یۇقاری درجأ یتیرجکدیگیمیزه اینانیارین. شو پورصاتدان پیدالانیپ تأزه ییلینگیزی قوتلایارین، سیزه و دۇستلوقلی هیندیستان ینگ حالقینا ساغلیق و پاراساتلیلیق دیله یأرین" دییپ نیغتادی.
