تۆرکیأنینگ و دۆنیأنینگ گۆن ترتیبی ۵۱: تۆرکیه و سوریأنینگ دمیرقازیغی

تۆرکیه سوریأنینگ دمیرقازیغیندا ترورچیلیق حرکتلرینه گؤزۆنی یوموپ بیلمه‌ز

تۆرکیأنینگ و دۆنیأنینگ گۆن ترتیبی ۵۱: تۆرکیه و سوریأنینگ دمیرقازیغی

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز:

تۆرکیأنینگ جمهورباشلیغی رجب طیب أردۇغان ینگ بیاناتی بیلن تۆرکیأنینگ فیرات دریاسی نینگ گۆن دۇغارینی ترور قوراماسی پ. ک. ک/ ی. گ. گ دن صاپلاماق اۆچین حرکت قورالجاقدیغی رسمی تایدان ایغلان ادیلدی. تۆرکیأنینگ جمهورباشلیغی نینگ بیاناتیندان سۇنگ بؤلگه ده حرکتلی گۆنلر باشدان گچیریلدی. بو شرطلرده سوریه ده حرکته سبأپ بۇلان تاپغیر و آمریکانینگ سوریه سیاساتی بیلن تۆرکیأنینگ آمریکا تکلیپ ادن آلترناتیوی نینگ أهمیتی یۇقارلایار.

تۆرکیأنینگ فیرات دریاسی نینگ گۆن دۇغاری بۇیونچا ایشه گیریشمه‌گینده منبج ینگ اؤرأن اولی تأثیری بار. اساسان دا حرکتدن سۇنگ منبج و فیرات ینگ گۆن دۇغاری مسئله سی گۆن ترتیبینه گلیپدی. تۆرکیه حاربی تایدان منبجه تاراپ حرکته گچمأگه باشلاپدی. آمریکا شرطلره گؤز یتیرندیگی اۆچین تۆرکیه بیلن ماصلاحات اتمه لی بۇلدی و ایش میلناماسی دۆزۆلدی. شۇل ایش میلناماسینا بیله لیکدأکی گؤزه‌گچیلیکلره باشلامالیدی، اِمما اساسان دا ی. پ. گ آغیر یاراغلارینی تاشلاپ فیرادینگ گۆن دۇغارینا چکیلمه لیدی و منبج ده یرلی طایپالاردان عمله گلجک مجلیس دؤرهیلمه‌لیدی. اِمما آمریکانینگ بو مسئله ده تۆرکیأنینگ گۆیمه‌مأگه سینانشاندیغی، آغراس چمه له‌شیأندیگی و ی. پ. گ نینگ انته‌گِم بؤلگه ده قالماغا دۇوام ادیأندیگی گؤرۆلدی. اۇل هم تۆرکیأنینگ آمریکا بۇلان اینامینی دیسه‌نگ آزالتدی. اساسان دا تۆرکیأنینگ جمهورباشلیغی رجب طیب أردۇغان آمریکا بۇلان قاراییشینی اؤزگِرتمه‌گینه سبأپ بۇلدی. تۆرکیه اگر ده من دیپلماسی آرقالی آمریکا بیلن بیله لیکده ی. پ. گ حۇوپونی آزالدیپ بیلمه یأن بۇلسام، اۇندا حاربی تایدان ایشه گیریشمه‌لی و نأچه قاراشسان اۇنونگ دۆشجک قیمماتی هم شۇنچا یۇقاری بۇلان دییلن دۆشۆنجأ لاییقلیقدا ایشه گیریشدی.

آمریکا سوریه دأکی حاربی گۆیچ گتیرمه گینی بیرنأچه رسمی سبأبه اساسلاندیریار. داعش - ه قارشی گؤره ش، سۇنگ داعش ینگ یانگاداندان یۆزه چیقماغی نینگ اؤنگۆنی آلماق، ایرانی بؤلگه دن چیقارماق و حؤکۆمته دگیشلی گۆیچلری بؤلگأ گتیرمه‌زلیک. تۆرکیه بۇلسا آمریکا آلترناتیو حؤکمۆنده شولاری بیان ادیأر؛ پ. ک. ک نینگ هژمونیاسی بیلن عاراپ ایلاتینگ کؤپچۆلیکله یین یاشایان یرلرینده دورنوقلیلیق نأحیللی اۆپجۆن ادیلر؟ اۇنسوز هم بؤلگه ده دورنوقلیلیق یۇلا قۇیولماندی. هنیزم ایران بیلن ایشله شیأن پ. ک. ک نینگ اۆستی بیلن ایرانا قارشی نأحیلی باسیش ادیلرکی؟ سوریأنینگ حؤکۆمتی بیلن اوزاق ییللاردان بأری ایشله شیپ گلیأن ی. پ. گ بیلن حؤکۆمته قارشی نأحیلی گؤره‌شیلر؟ ۲۰۱۱-نجی ییلدان سۇنگقی تاپغیردا عین العرب، عفرین و قامیشلی اتراپلارینی هم ده یاراغلی ی. پ. گ-أ سوریأنینگ حؤکۆمتی بریپدی. آمریکا اؤنگده قۇیان اۆچ ماقصادینی پ. ک. ک نینگ اۆستی بیلن ایش یۆزۆنه گچیریپ بیلمه یأر.تۆرکیه بۇلسا آمریکا آلترناتیو یاغدایدا پ. ک. ک یالی ترور قورامالاری نینگ بیله لیکده یۇق ادیلمه گینی، سوریه ددکی محالیفلارینگ قانونی بۇلماق بیلن دؤره دن سوریأنینگ گچیش حؤکۆمتینه تابینلیقدا دؤره دیلن عاراپلار، تۆرکمنلر و کۆرتلردن عمله گلیأن میللی قشون بیلن بیله لیکده فیرادینگ گۆن دۇغاریندا دورنوقلیلیغینگ اۆپجۆن ادیلمه گینی ایسله یأر. آمریکانینگ گیزلی ماقصاتلاری بۇلماسا شۇل ایسله گه اۇنگین قارالمالی. اِمما تۆرکیأنینگ آمریکا هؤدۆرلأن چیقالغاسی نینگ آمریکا تاراپیندان رت ادیلمه گی آمریکانینگ سوریه دأکی اساسی ماقصادی بیلن باغلی سۇراغلاری یۆزه چیقاریار.

عمومان آلناندا، تۆرکیأنینگ فیرات ینگ گۆن دۇغارینا اۇپراسیا قوراما ایسله گی نینگ اساسی سبأبی نینگ آمریکانینگ سوریه سیاساتی نینگ تۆرکیأنینگ حۇوپسوزلیغینا وهیم سالیاندیغینا قارامازدان آمریکانینگ تۆرکیه بیلن دیپلماتیک تایدان قازانیلان ایلالاشیقلاری برجای اتمه یأندیگی و تۆرکیأنینگ هؤدۆرله یأن آلترناتیولارینا یاقین دورمازلیغی نینگ تۆرکیأنینگ آمریکانینگ سوریه سیاساتلاری نینگ ماقصاتلارینا بۇلان آلاداسی نینگ آرتماغینا سبأپ بۇلدی. تۆکریه اؤز ایقبالینی اؤز الینه آلیپ، فیرات دریاسی نینگ گۆن دۇغارینی ترور قوراماسی پ. ک. ک/ ی. پ. گ دن صاپلاماقدا ایغرارلی و توتان یرلی.

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقادینگیز.



دِگیشلی حابارلار