تۆرکیأنینگ و دۆنیأنینگ گۆن ترتیبی ۳۸: ادلب و تۆرکیأنینگ ایشجِنگلیگی

جان آجون؛ سیاسات، ایقدیصادیه‌ت و جمغیت غازناسی- ستا

تۆرکیأنینگ و دۆنیأنینگ گۆن ترتیبی ۳۸: ادلب و تۆرکیأنینگ ایشجِنگلیگی

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز:

روسیا بیلن ایران ینگ قۇلداوی بیلن حؤکۆمت سوریأنینگ کؤپ سانلی شأهِرینی حاربی یۇللاردان یانگاداندان اله گچیردی. سوریأنینگ حاربی اپوزیسیونی و بؤلگه ده یاشایان ایلاتینگ حمص، غوطه، درعا و بیله کی شأهِرلردن چیقاریلیپ ادلب شأهِرینه گؤچۆریلمه‌گیندن سۇنگ ادلب هم حاربی هم ده حاربی دأل اپوزیسیون ینگ سۇنگقی مرکزینه اؤورۆلدی. ساواشدان اۇزال ۷۰۰ مۆنگ ایلاتی بۇلان ادلب ده ۳ میلیونا قۇلای ایلاتینگ باردیغی آیدیلیار. آستانا تاپغیری نینگ چأگینده ایغلان ادیلن ۴ سانی دارتغینلیغی آزالدیجی زۇلاغینگ سۇنگقیسی ادلب. آستانا تاپغیرینا لاییقلیقدا تۆرک یاراغلی گۆیچلری ادلب دأکی جپهه حاطیندا ۱۲ سانی گؤزه‌گچیلیک یری دؤره‌تدی.

ادلب ده روسیا بیلن ایران ینگ قۇلداو برمه‌گینده عسگری حرکت قوراماق باراداقی میلناما اوزاق مؤهلِتدن بأری گۆن ترتیبینده. قورالماغی أحتیمال حرکت سبأپلی ادلب ده تأزه بیر گؤچ تۇلقونی نینگ یۆزه چیقماغینا قاراشیلیار. میلیونلارچا ایلاتینگ تۆرکیأ تاراپ قاچماغی و گلمه گی میلله‌شدیریلیأندیگی بیلینیأر. تۆرکیأنینگ دۆنیأ بۇیونچا اینگ کؤپ بۇسغون قابول ادن یورت بۇلماغی تۆرکیأنینگ تأزه بیر بۇسغون تۇلقونینی قابول ادیپ بیلمه‌جِکدیگینی گؤرکِزیأر. ادلب حرکتی نینگ یۆزه چیقارجاق ییتگیلری و انسانی پاجیغاسی بۆتین دۆنیأنی آلادالاندیریان بۇلسا، مذاکره باشیندا و ساواش میلناماسیندا دارتغینلیغینگ اؤنگۆنی آلماق اۆچین دینگه تۆرکیأنینگ تاغاللا ادیأندیگی گؤرۆلیأر.

آستانا تاپغیرینا لاییقلیقدا ایران، روسیا و تۆرکیأنینگ یۇلباشچیلاری نینگ قوران ماصلاحاتی نینگ سۇنگقوسی تهران دا گچیریلدی. تهران ماصلاحاتی نینگ روس و تۆرک یۇلباشچیلاریندان حابارسیز گؤنی یایلیما بریلمه گی بیلن بۆتین دۆنیأ تۆرکیأنینگ جمهورباشلیغی رجب طیب أردۇغان ینگ بؤلگه ده هۆجۆملرینگ دوروزیلماغینی یۇلا قۇیماق و انسانی پاجیغانینگ اؤنگۆنی آلماق اۆچین ادیأن عادالاتدان داشاری تاغاللاسینی گؤردی. تهران ماصلاحاتیندا هۆجۆملرینگ دوروزیلماغینی روسیا بیلن ایران ینگ قارشیلیغی سبأپلی ایغلان ادیلمه دیک هم بۇلسا، یاراغ تاشلاماق اۆچین چاغیریش ادیلدی. شیله ده تۆرکیأنینگ اگیلشیکسیز توتومی نتیجه سینده ادلب شأهِرینه قورالماغی أحتیمال حرکت آزیندان ایزا سۆیشۆریلدی و گؤرۆلجک چأره لر اۆچین واغت اوتولدی.

یۆزه چیقماغی أحتیمال انسانی پاجیغا قارشی تۆرکیأ قۇلداو بریأن تۇپارلار بیلن بیله لیکده ایش آلیپ باریپ، ادلب ینگ مرکزینی اؤز ایچینه آلیان حۇوپسوز مرکز دؤره‌تمه‌ک اینگ بیر یرلیکلی حرکت بۇلار. اپوزیسیونینگ دۇلولیغینا یرسیز یورتسیز قۇیولماغی نینگ اؤنگۆنینگ آلینماغی، آدامزات پاجیغاسی نینگ اؤنگۆنینگ آلینماغی، پ. ک. ک/ پ. ی. د نینگ شرطلردن پیدالانماغی نینگ و سیاسی بأحبیت قازانماغی نینگ اؤنگۆنینگ آلینماغی تایدان مؤهۆم بۇلار. ادلبه قورالماغی أحتیمال حاربی حرکت اۆچین پ. ک. ک نینگ سوریه دأکی بؤله گی هم ایشجنگ تاغاللا ادیأر. اساسان دا ایرانا تابینلیقداقی یاراغلی گۆیچلر و حزب الله ینگ سوریأنینگ دموکراتیک گۆیچلرینه تابیلیقداقی پارتیزانلارا تعلیم بریأندیگینی بیلیأریس. اۇلارینگ هم اۇپراسیا قاتناشماغی میللِه‌شدیریلیأندیگی مألیم. اگر اۇلار هم اۇرپاسیا قاتناشان حالاتیندا عفرین شأهِرینه جپهه آچیپ عفرین ی یانگاداندان آلماق بۇیونچا میلنامالاری بار. تل رفعت ده گۆیچ ییغنایاندیقلارینی هم بیلیأریس. شیله لیکده بو حۇوپلار بارقا تۆرکیه ایشجِنگ حرکت اتمه‌لی و آصلا باسسیر- یوسسورلیغا یۇل برمه‌لی دأل.

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقادینگیز.

 



دِگیشلی حابارلار