أردۇغان: ادلب شأهِرینه قورالجاق هۆجۆم بۆتین دۆنیأ حۇوپ دؤره‌در

أردۇغان وال استریت ژورنالا یازان ماقالاسیندا ادلب دأکی پاجیغا اۆنس چکدی

أردۇغان: ادلب شأهِرینه قورالجاق هۆجۆم بۆتین دۆنیأ حۇوپ دؤره‌در

 

تۆرکیأنینگ جمهورباشلیغی رجب طیب أردۇغان سوریأنینگ حؤکۆمتی نینگ ادلب شأهِرینه وقراجاق هۆجۆمی نینگ تۆرکیأ، اوروپانینگ قالان بؤله‌گینه و بیله کی یورتلارا انسانی هم ده حۇوپسوزلیق قینچیلیقلاری یۆزه چیقارجاقدیغینی بیان اتدی.

رجب طیب أردۇغان آمریکانینگ وال استریت ژورنال قازتینه یازان ماقالاسیندا "ادلبه هۆجۆم قورالما أحتیماللیغی گۆیچله‌نیأرکأ حالقارا جمغیتچیلیگی جۇغاپکأرچیلیگینی اۆنسدن دۆشۆرمه‌لی دأل. چِکینجه‌نگلیگینگ نتیجه سی آغیر بۇلار. سوریأنینگ حاقینی بشار اسدینگ مرحمتینه مجبور اتمه‌ریس" دییپ یازدی.

أردۇغان وال استریت ژورنال دا یازان "دۆنیأ اسدی دوروزمالی" آتلی ماقالاسیندا ادلب شأهِریندأکی سۇنگقی واقالار و تۆرکیأنینگ ایه‌له‌یأن پۇزیسیاسینی آنالیز اتدی.

تۆرکیأنینگ ادلب مسئله سینده الیندن گلن تاغاللانی ادندیگینه اۆنس چکن أردۇغان، بشار اسدینگ یۇلباشچیلیغینداقی حؤکۆمتینگ سوریه ده سۇنگقی ۷ ییلدا ادن ایشلری نینگ هممه لرینه مألیمدیگینی نیغتادی.

سوریأنینگ حؤکۆمتی نینگ ادلبه قوراماغی أحتیمال هۆجۆمینه اۆنسی چکن رجب طیب اردوغان،

"حؤکۆمتینگ ادلبه هۆجۆم قوراماقداقی ماقصادی ترورچیلیغا قارشی حاقیقی و نتیجه لی گؤره‌شمه‌ک دأل، محالیفلاری آراسیندا پارق قۇیمانی یۇق اتمه‌ک" دییپ یازدی.

تۆرکیأنینگ جمهورباشلیغی ماقالاسیندا، "ادلب کؤپرۆدن اۇزالقی سۇنگقی چیقالغا. اگر اوروپا بیلن آمریکا دِسسینه ایشه گیریشمه‌سه دینگه بیر بی گۆنأ سوریه لیلر دأل، بۆتین دۆنیأ اۇنونگ جریمه سینی تؤلِه‌مه‌لی بۇلار. تۆرکیه قۇلاییندا ادیلمه گی أحتیمال قیرغینچیلیغینگ اؤنگۆنی آلماق اۆچین الیندن گلنی اتدی" دییأر.

تۆرکیأنینگ ۳.۵ میلیون دان کؤپرأک سوریه لینی قابول ادیپ، اولی پیداکأرلیک ادندیگینه اۆنسی چکن أردۇغان،

"شۇل دؤوۆرده قۇلاییمیزدا ایش آلیپ باران ترور قورامالاری نینگ هۆجۆملرینه سزه ور بۇلدوق. تۇسلاما اسلام دؤولتی (داعش) و ترور قوراماسی پ. ک. ک. نه انسان پرور کؤمِکلرینگ آغیر قیمماتی نه ده حۇوپسوزلیق آلادالاری بیزه اگیلشیک اتدیریپ بیلمه‌دی" دییپ نیغتادی.

ادلب مسئله سینده آمریکا یۆزله‌نِن پرزیدنت أردۇغان، مسکو و تهرانا هم چاغیریش اتدی. أردۇغان ماقالاسسنا شیله دۇوام اتدی:

"شیمیایی هۆجۆملره اۆنسلی چمه‌له‌شیأن آمریکا، اؤلۆملرینگ آراسیندا ایسله‌گه باغلی تاپاووت قۇیمالی دأل. کنوانسیونال یاراغلار حاص آغیر ییتگیلره سبأپ بۇلیار. اِمما قۇنگشوداقی قیرغینچیلیغینگ اؤنگۆنی آلماق بۇرجی دینگه بیر گۆن باتارا دگیشلی دأل. آستانا تاپغیرینداقی حیذماتداشلاریمیز روسیا بیلن ایران هم انسانی پاجیغانینگ اؤنگۆنی آلماقدا دنگ درجه ده بۇرچلیدیر" دیدی.

أردۇغان ماقالاسیندا،

"سوریأنینگ حؤکۆمتی اؤز هۆجۆملرینی ترورچیلیغا قارشی گؤره ش آرقالی قانونیلاشدیرماغا سینانشیار. بو مسئله ده یالنگیشمالینگ. ترورچیلیغا قارشی گؤره‌شده تۆرکیأنینگ پوزیسیاسی أهلی یورتلارینقیدان بِرکدیر. بشار اسدینگ چؤزگۆدی یالنگیش. بی گۆنأ آداملار ترورچیلیغا قارشی باهاناسی بیلن پیدا ادیلیأر. اۇل دینگه بیر رادیکالیزما و تروریزما تأزه شرطلر دؤره‌دِر. داعش ینگ یۆزه چیقیشی سوریه ده باشدان گچیریلنلرینگ نتیجه سیدیر، سبأبی دألدیر" دییپ یازدی.



دِگیشلی حابارلار