تاناپ پروژه‌سی آچیلدی

تۆرکیه انرژی باراسیندا اوروپا اینام بریأر

تاناپ پروژه‌سی آچیلدی
انرژی‌نینگ یۆپک یۇلی تاناپ آچیلدی
انرژی‌نینگ یۆپک یۇلی تاناپ آچیلدی

آذربایجان‌ینگ طبیغی گازینی تۆرکیه اۆستی بیلن اوروپا یتیرجک ترانس آسیا طبیغی گاز گچیریجی توربا اؤز ایشینه باشلادی

 

آذربایجان ینگ طبیغی گازینی تۆرکیه اۆستی بیلن اوروپا آلیپ بارجاق ترانس آناتولی طبیغی گاز گچیریجی توربانینگ (تاناپ) آچیلیش داباراسی اسکی شهیرده گچیریلدی.

دابارا تۆرکیأنینگ جمهورباشلیغی رجب طیب أردۇغان بیلن بیله لیکده آذربایجان ینگ جمهورباشلیغی الهام علی یف، دمیرقازیق قبرس تۆرک جمهوریتی نینگ جمهورباشلیغی مصطفی آقینجی، صربیستان ینگ جمهورباشلیغی آلکساندر ووچیچ و اوکرایتانینگ جمهورباشلیغی پترو پوروشنکو قاتناشدی.

تۆرکیأنینگ جمهورباشلیغی رجب طیب اردوغان دابارادا ادن چیقیشیندا ترانس آناتولی طبیغی گاز گچیریجی توربانینگ انرژی نینگ یۆپک یۇلی بۇلاندیغینی آیتدی.

انرژینی چاقنیشیق دأل، حیذماتداشلیق اۆچین بیر اولغام گؤریأندیگینی آیدان أردۇغان،

"تاناپ ایلکینجی اتاپدا ۱۶ میلیارد مکعب متر طبیغی گاز یتیرر. بو موقدارینگ ۶ میلیاردینی تۆرکیه آلار، ۱۰ میلیاردینی اوروپا آقدیرار" دییپ آیتدی.

أردۇغان بو توربانینگ مؤچبری نینگ ایکینجی اتاپدا ۲۲ میلیارد مترمکعب طبیغی گازا یتیریلجکدیگینی، سۇنگ بۇلسا مایاقۇیوملار بیلن بو موقدارینگ ۳۱ میلیارد مکعب متره یتیریلجکدیگینی آیتدی.

أردۇغان تۆرکیأنینگ تاناپ پروژه سی بیلن ترانزیت یورت دأل، ایسه م اؤندۆریجیدن اولانیجا چنلی هر اتاپدا ایش آلان یورت حؤکمۆنده گؤرۆلندیگینی نیغتادی.

تۆرکیأنینگ جمهورباشلیغی، ۲۰۱۹-نجی ییلینگ ژوئن آییندا یونانا طبیغی گاز بریلمأگه باشلانجاقدیغینی یاتلاتدی.

تاناپ پروژه سی اۆچین ۱۸۵۰ کیلومتر توربا اولانیلدی.

بو توربا آرداحان ولایاتیندان ادیرنه ولایاتینا چنلی ۲۰ ولایات و ۶۷ شأهِردن گچیأر.

توربالارینگ ۸۰ گؤتریمی تۆرکیه‌ده اؤندۆریلدی، ۱۳ مۆنگ آدام ایشه آلیندی.

تاناپ پروژه سی تۆرکیه بیلن بیله لیکده اوروپانینگ دا أحتیاچلارینی گؤرِر.



دِگیشلی حابارلار