تۆرکیأنینگ گۆن ترتیبی ۱۷: تۆرکیه‌دأکی سایلاو و یاقین گۆن دۇغار

جان آجون؛ سیاسات، ایقدیصادیه‌ت و جمغیت غازناسی- ستا

تۆرکیأنینگ گۆن ترتیبی ۱۷: تۆرکیه‌دأکی سایلاو و یاقین گۆن دۇغار

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز:

عیراق و سوریه دأکی واقالار تۆرکیأنینگ ایه له یأن توتومینی گۆیچله‌ندیرن هم ده اۇنونگ یۆکۆنی آغیرلاشدیریار. شیله مؤهۆم تاپغیرا تۆرکیأنینگ سایلاولار بیلن گیرمه گی حۇوپلی بۇلوپ بیلر. سایلاولارینگ ۲۴-نجی ژوئن ده گچیریلمه گی باراداقی قارارینگ قابول ادیلمه‌گینده ایچرکی مسئله لر یالی سرحت یاقاسیندا و بؤلگه ده باشدان گچیریلیأن واقالارینگ هم تأثیرلری بار. بؤلگه ده کارتالار (نقشه لر) یانگاداندان چیزیلیارقا تۆرکیه سایلاو کمپینلری بیلن گۆیمه‌نمه‌زدی.

تۆرکیأنینگ قۇیبرجک اینگ بیر یؤنه‌کِی سیاسی، حاربی، ایقدیصادی یالنگیشلیغی آمریکا و دموگرافیک اؤزگِرلیشیک ایسله یأن گۆیچلره تاریحی پورصات دؤره‌دِر. مؤهلِتیندن ایرکی سایلاوینگ گچیریلمه گی باراداقی قارار حۇوپا قارشی ادیلن گؤچۆمدیر.

عیراق داقی و سوریه دأکی سیاسی دنگ آغراملیقلار دورنوقلیلیق یۇلا قۇیولان حالاتیندا تۆرکیه اساسا ندا گۆن اۇرتا سرحدی بۇیونچا گۆیچلی داشاری سیاسات آلیپ بارمالی بۇلار. جغرافی یرله شیش سبأپلی تۆرکیأنینگ گۆن باتار یورتلاری یالی آلتی آیلاپ حؤکۆمتسیز قالماغا طاقادی یۇق. سیاسی دورنوقسیزلیغینگ جریمه سی آغیر بۇلان یاقین گۆن دۇغار بؤلگه سینده پروواکاتیو و نتیجه لی داشاری سیاسات آلیپ بارماق حؤکمأنیدیر. تأزه اولغاما گچیلجک ۲۴-نجی ایون داقی سایلاولارینگ تۆرکیأنینگ بؤلگه دأکی سیاساتینی حاص هم گۆیچلِندیرمه‌گینه قاراشیلیار.

۲ آیلیق قیسغا مؤهلِت هم تۆرکیأنینگ سایلاو کمپینلری بیلن گچیرجکدیگی گؤز اؤنگۆنده توتولاندا بؤلگه دأکی سرحدینگ اؤزگرمه‌گینه سبأپ بۇلوپ بیلر. اِمما عیراق و اساسا ندا سوریأنینگ گلجگی نینگ بیرنأچه ییلینگ دۇوامیندا شِکیللِنجه‌کدیگی گؤز اؤنگۆنده توتولیاندیغی اۆچین تۆرکیه سایلاولاری حاص اؤنگه سۆیشۆرمه‌ک بیلن، بؤلگه ده تأزه کارتالارینگ چیزیلیپ، باسسیر- یوسسورلیق ادیلمه‌گی نینگ اؤنگۆنی آلیپ بیلر.

سوریه ده آمریکانینگ پ. ک. ک نینگ سوریه دأکی شاحامچاسی بۇلان ی. پ. گ ترور قوراماسینا بریأن اوزاق مؤهلِتلی قۇلداولاری، روسیانینگ و ایران ینگ اسدینگ یاغدایینی گۆیچله‌ندیرمه‌ک اوغرونداقی تاغاللالاری و ایسرائیل ینگ بؤلگه ده بۇلان چمه‌له‌شمه‌سی تۆرکیأنی اؤز بأحبیتلرینی قۇراماق اۆچین گؤنۆکدیریپ بیلر. آستانا تاپغیری بیلن روسیا، ایران و تۆرکیه سوریه دأکی چاقنیشیقلاری بس اتمه‌ک هم ده سیاسی چؤزگۆده شرط دؤره‌تمأگه سینانشیان بۇلسا، آمریکا ی. پ. گ آرقالی باشغا ماقصاتلارینگ کۆل- کۆلۆنده. ۲۰۱۷-نجی ییلینگ آحیریندا آیلیقلاری گؤنۆدن گؤنی آمریکا تاراپیندان تؤله‌نیأن ۶۵ مۆنگ ی. پ. گ ترورچیسینا تعلیم برمه‌گی ماقصات ادن پنتاگون، سوریأنینگ تۇپراق بیتولیگینه و تۆرکیأنینگ میللی حۇوپسوزلیغینا وهیم سالیار.

سوریه ده داعش دن و ی. پ. گ دن باشغا ترور قورامالاری نینگ اساسان دارغادیلماغی حالقارا گۆیچلری اورشدان سۇنگقی اولغامینگ قورولماغی اۆچین ایشه گیریشمأگه گؤنۆکدیردی. بیرنأچه ییل دۇوام اتمه‌گینه قاراشیلیان تاپغیرینگ نتیجه سینده سوریأنینگ و بؤلگأنینگ ایقبالی کِسگیتله‌نِر.

سوریأنینگ و اساسی سرحِتدِشی تۆرکیأنینگ بو تاپغیرا گؤنۆدن دگیشلی بۇلماغی أهمیتلیدیر. سایلاوینگ اؤنگه سۆیشۆریلمه‌گی بیلن تۆرکیه شۇل تاپغیردا سایلاو کمپینلرینه گۆیمه‌نمه‌ز و حاص گۆیچلی داشاری سیاسات آلیپ بارار.

عیراق دا بۇلسا پ. ک. ک نینگ گۆیجی دۇوام ادیأر و تۆرکیأ گؤنۆدن حۇوپ سالیار. تۆرکیه حأضیرکی واغتدا پ. ک. ک قارشی عیراغینگ چأکلرینه حاربی حرکتلر قورایار. اِمما عیراق داقی سایلاولار سبأپلی حاربی حرکتلرینگ گِریمی چأکلی.

عیراق داقی سایلاولاردان سۇنگ تۆرکیه عیراغینگ مرکزی حؤکۆمتی بیلن بیرلیکده پ. ک. ک نینگ عیراق داقی گۆیچلرینی اۇرتادان آییرماغی ماقصات ادینیأر.

بیر تاراپدان قندیل داغلاری، بیله کی تاراپدان ثوار داغی پ. ک. ک تاراپیندان حاربی مرکز حؤکمۆنده اولانیلیار. تۆرکیه سایلاولاری اؤنگه سۆیشۆرمه‌ک بیلن عیراق دا پ. ک. ک قارشی قورالماغی أحتیمال بۇلان حاربی حرکتی اۆچین توتومینی و یاغدایینی گۆیچله‌ندیریأر.

عمومان آلیناندا بۇلسا، پارلمان سیستمیندأکی دموکراسیدان جمهورباشلیق دۇلانشیغی اولغامینا گچیش تاپغیری تۆرکیأنینگ بوروکراسیسینی و حؤکۆمتی اجیزله‌ندیریأردی. گچیش دؤورۆنینگ قیسغا واغتدا تاماملانماغی نتیجه سینده تۆرکیه حاص گۆیچلی و یۇقاری دپگینده دورنوقلی سیاسات آلیپ بارار. اساسان دا داشاری سیاساتدا اولغام گچیشینی تاماملاندان سۇنگ تۆرکیه راحاتلاجاقدیر.

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز.

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقادینگیز.



دِگیشلی حابارلار