چاووش اۇغلی: منبج ینگ حۇوپسوزلیغیندان تۆرکیه و آمریکا جۇغاپکأر بۇلار

چاووش اۇغلی: ی. پ. گ ترور قوراماسی منبج دن چیقمالیدیر

چاووش اۇغلی: منبج ینگ حۇوپسوزلیغیندان تۆرکیه و آمریکا جۇغاپکأر بۇلار

تۆرکیأنینگ داشاری ایشلر وزیری مولود چاووش اۇغلی، آیرالیقچی ترور قوراماسی پ. ک. ک نینگ سوریه دأکی بؤله‌گی ی. پ. گ نینگ منبج شأهِریندن چیقاندان سۇنگ شأهِرینگ حۇوپسوزلیغی نینگ تۆرکیه و آمریکا تاراپیندان بِرکیدیلجه‌کدیگینی آیتدی.

اؤزآرا دوشوشیقلار گچیرمه‌ک اۆچین روسیانینگ پایتاغتی مسکودا بۇلان چاووش اۇغلی، آمریکالی ایشدشی رکس تیلرسون بیلن ۱۹-نجی مارت دا واشنگتن دا گچیرجک دوشوشیغیندان سۇنگ منبج ینگ یاغدایی نینگ بِللی بۇلجاقدیغینی بیلدیردی.

"ی. پ. گ نینگ بار بۇلان یرلری نأحیللی حۇوپسوزلیغا قۇوشوریلار، کیم شۇل یرلری دۇلاندیرار" دیه‌ن چاووش اۇغلی، اساسی پرنسیبینگ رایات سانینا گؤرأ دۇلاندیریش بۇلاندیغینی آیتدی.

ی. پ. گ نینگ هیچ حیللی دۇلاندیریشدا بۇلوپ بیلمه‌جکدیگینی آیدان چاووش اۇغلی،

"منبج دن ی. پ. گ چیقاریلاندان سۇنگ آمریکا و تۆرک عسگرلری شۇل یرده بۇلار. ی. پ. گ نینگ چیقماغنی کنترل ادریس. شو یرینگ حۇوپسوزلیغینی کیم برجای ادر. آمریکا بیلن تۆرکیه. ایلکی بیلن شۇل یرده شیله ادریس، سۇنگ بۇلاس بیله کی یرلری ده گؤره‌ریس. بو رقه شأهِری و فرات دریاسی نینگ گۆن دۇغارینداقی ی. پ. گ نینگ کنترلی آستینداقی یرلرده ده شیله بۇلار" دیدی.

شیله لیک بیلن شۇل یرلرده حۇوپسوز بؤلگه لر بۇلجاقدیغینی آیدان و بۆتین ایشلرینگ تاریحی بیلن پلانلانجاقدیغینی نیغتان تۆرک داشاری ایشلر وزیری،

"۱۹-نجی مارت داقی ماصلاحاتینگ پلانی شیله، تاریحلاری بیلن بِللی بۇلار. هایسی تاریحدا نأمه ادیلر، بولار بِللی بۇلار. سۇنگقی دوشوشیقدا تاپاووتلی قاراییشلاریمیز بۇلوپ بیلر یؤنه ایلالاشماغا دۇغری گیدیلیأر" دیدی.

شو واغتا چنلی منبج باراسیندا اسد رژیمی نینگ هیچ حیلی ایسله گی بۇلماندیغینی آیدان مولود چاووش اوغلی، آمریکا تاراپیندان ی. پ. گ بریلن یاراغلارینگ ایزینا قایتاریلماغی باراسینی دا کنترل اتجکدیکلرینی بیلدیردی.

 

 



دِگیشلی حابارلار