زیتین شاحاسی حرکتی نینگ ایکینجی هپده سی

تۆرکیأنینگ گۆن ترتیبی: تۆرکیه عفرین ده ترورچیلیق بیلن ساواشینا دۇوام ادیأرکأ سوریأنینگ یاغدایی

زیتین شاحاسی حرکتی نینگ ایکینجی هپده سی
  • یازان: جان آجون

سوریه‌ده اینگ مؤهۆم واقالار بۇلوپ گچیأر. تۆرکیأنینگ یاراغلی گۆیچلری‌نینگ عفرین دأکی ترورچیلیق هینلرینی یۇق اتمه‌ک بارادا باشلادانی حرکت ایکینجی هِپده سینی تاماملادی. باشارجانگ یاغدایدا دۇوام ادن حرکته قۇشماچا، تۆرکیأنینگ یاراغلی گۆیچلری ادلب دأکی دارتغینلیغی آزالدیلان یرلری کنترل اتمه‌ک اۆچین ده کنترل مرکزلرینی قوریار. بؤلگه ده بۇلان واقالار آمریکانینگ سوریه دأکی رُلینا دا تأثیرینی قۇییار.

زیتین شاحاسی حرکتی بیر دومینو تأثیرینی قۇیوپ پ. ک. ک/ ی. پ. گ نی بیله کی بؤلگه لرده ده اولی مؤچبِرده گۆیچسیز ادر. منبج، حسکه، رقه و دیرالزور دا ترور قوراماسی تاراپیندان باسیش ادیلن حالق دیره‌نمأگه باشلادی. منبج دأکی حالق، ی. پ. گ ترور قوراماسینا قارشی بۇلماغا باشلادی. تۆرکیأنینگ آستانا اتابیندا روسیا و ایران بیلن سوریه ده چؤزگۆت بارلامالاری، آمریکانینگ یالنگیش یره مایا قۇیانی اۆچین شۇل یوردی یکه قۇیماغا دۇوام ادیأر. ایلایتا دا تۆرکیأنینگ یاراغلی گۆیچلری نینگ ادلب ده واغتلایین اتاپ بیلن باغلانشیقلی استراتژیک أهمیته ایه العیش دپه سینه گچمه گی، تۆرکیأنینگ سوریه دأکی گۆیچلی یاغدایینی ثبوت اتدی.

زیتین شاحاسی حرکتی تۆرک قشونی و سوریه لی محالیفلارینگ اؤنگه گیدیش اتمه‌گی بیلن دۇوام ادیأر. عفرین بؤلگه سی نینگ جغرافی تایدان قینچیلیقلارینا قارامازدان تۆرک قشونی و سوریه لی محالیفلار چالت یاغدایدا اؤنگه گیدیش ادیأر.

تؤوه‌رِگی گؤریأن دپه لر بیر بیر آلینیار و حاربی حرکت ایلکینجی اِتاپدا اینگ اولی تأثیرینی گؤرکِزیأر.

ی. پ. گ نینگ بؤلگه ده ینگیبمه‌دی بۇلاندیغی و دۇلولیغینا سیاسی تایدان قۇرالیاندیغی باراسینداقی قاراییش پوجا چیقدی. ی. پ. گ نینگ سوریه دأکی بو قاراییشی نینگ اساسی سبأبی و چشمه سی آمریکانینگ بو ترور قوراماسینا قۇلداو برمه‌گی. بیلینشی یالی ی. پ. گ نینگ کنترل آستینا آلان یرلری نینگ عمومان یاشاییجیلاری عاراپلار و تۆرکمنلر. ایلایتا دا بؤلگه ده داعش ینگ اولی مؤچبِرده آرادان آیریلماغیندان سۇنگ ی. پ. گ نینگ مشروعیتی یرلی حالق تاراپیندان سۇرالماغا باشلاندی. تۆرکیأنینگ عاراپ، تۆرکمن و کۆرتلردن عیبارات سوریه لی محالیفلار بیلن بیله لیکده حرکت اتمه‌گی بؤلگه اۆچین آلترناتیو بۇلدی.

ایلایتا دا منبج یالی یرلرده یرلی حالقینگ ی. پ. گ نینگ ظالیمجا بۇلان دیکتاتورلیغیندان بینجالیق بۇلوپ ی. پ. گ قارشی دیره‌نیش تۇپارلاری قورماغا و ایشه گیرمأگه باشلاندیغی گؤرۆلیأر. زیتین شاحاسی حرکتینده بۇلان هر عسگری ینگیش شۇل بیر واغتدا ی. پ. گ نینگ ظلمینا قارشی بۇلان عاراپ، تۆرکمن و کۆرت حالقینا گۆیچ بریأر.

زیتین شاحاسی حرکتی دینگه ی. پ. گ نی دأل، شۇل بیر واغتدا سوریه دأکی بۆتین مایاسینی ی. پ. گ نینگ اۆستۆنه قۇیان آمریکانی دا یکه له شدیریأر. آمریکانینگ تۆرکیه و عفرین حرکتینه دگیشلی تاپاووتلی بیاناتی، آمریکانینگ اؤز ایچیندأکی آغزآلالیغی گؤرکِزیأر.

آمریکان قورامالارینگ بیری بیریندن تاپاووتلی سیاساتلاری ایزارلاماغی اینگ سۇنگ سیا نینگ ی. پ. گ نی ترور قوراماسی ساناوینا آلماغی بیلن گؤرۆلدی.

روسیا، ایران و تۆرکیأنینگ ضامونلیغیندا دۇوام ادیأن آستانا اتابی نینگ داشیندا قالان آمریکا، أهمیتسیزلیک و یالنگیزلیغا دۇغری گیدیأر. بیر ترور قوراماسی بیلن بیله کی بیر ترور قوراماسینی یۇق اتمأگه سینانشان آمریکانینگ سیاساتلاری بؤلگه ده بینجالیق بریأر. ی. پ. گ نینگ سوریأنینگ تۇپراق بیتِولیگینی حۇوپلی یاغدایا گتیرن توتومی و آمریکانینگ بؤلگه ده سرحدی قۇراما قشونینی قورماق باراسینداقی پلانی؛ روسیا، ایران و تۆرکیه تاراپیندان قارشیلیق گؤردی. آمریکا ی. پ. گ باراسیندا، شۇل تۇپارینگ داعش بیلن ساواش بیلن چأکلی بۇلاندیغینی آیدیپدی. شیله ده آمریکا شو واغت سوریه ده کؤپ سانلی عسگری مرکز قوراپ قالماق ایسله یأر.

سوریه ده بیله کی مؤهۆم واقا دا تۆرک یاراغلی گۆیچلری نینگ ادلب شأهِرینه واغتلایین اتاپدا قوران کنترل مرکزی. گۆن اۇرتا حلب ده استراتژیک شأهِرچه العیش ده قورالان تأزه کنترل مرکزی دارتغینلیغی آزالدیلان یرلرده ادیلن ایلکینجی مؤهۆم ایش.

تۆرکیهه سۇنگقی دؤوۆرلرده ایلایتادا آستانا اتابی بیلن بیله لیکده، سوریأنینگ ایچرسینده و حالقارا جمغیتچیلیکده استراتژیک قارار برن بیر یره ایه بۇلدی.

تۆرکیه گۆیچلی یاغدایی بیلن بیر تاراپدان سوریه دأکی انسانلیق درامینی چؤزمأگه سینانشیار، بیله کی تاراپدان سوریأنینگ قۇوی بیر گلجگه ایه بۇلماغی اۆچین ایش آلیپ باریار.

تۆرکیأنینگ سوریه ده قارار برن بیر یاغدایا گلمه گی، ایلایتا دا سوریأنینگ حالقینا بۇلان قۇلداویندان چشمه آلیار. بیر تاراپدان دا اؤز سرحتلری نینگ ایچینده ۳ میلیون سوریه رایاتینا یر ایه چیلیگینی ادیأر بیله کی تاراپدان سوریأنینگ سرحدی نینگ ایچیندأکی ۴ میلیون سوریه لی نینگ یاشاییشینا دۇوام اتدیرمه‌گی اۆچین کؤپ سانلی کؤمِک بریأر.



دِگیشلی حابارلار