أردۇغان تلفن آرقالی روحانی بیلن دوشوشدی

تۆرکیه بیلن ایران‌ینگ جمهورباشلیقلاری تلفن آرقالی گۆررۆنگدِشلیک گچیردی

أردۇغان تلفن آرقالی روحانی بیلن دوشوشدی

 

ایران ینگ جمهورباشلیغی حسن روحانی بیلن تۆرک ایشدشی رجب طیب أردۇغان تلفن آرقالی گۆررۆنگدش بۇلدی.

تۆرکیأنینگ جمهورباشلیغی رجب طیب أردۇغان، ایران ینگ دورنوقلیلیق و آسودالیغی نینگ أهمیتینه اۆنس چکدی.

دوشوشیقدا ایران دان ۲۸-نجی دکابردان بأری دۇوام ادیأن یؤریشلر حاقیندا گۆررۆنگ ادیلدی.

اردوغان، تۆرکیأنینگ ایران ینگ عمومی آسودالیق و دورنوقلیلیغینا أهمیت بریأندیگینی نیغتادی.

تۆرکیأنینگ جمهورباشلیغی، ایرانلی ایشدشی نینگ حالقینگ پاراحاتچیلیقلی یؤریشلر قوران ماحالیندا قانونلارا صارپا قۇیمالیدیغی باراسینداقی بیاناتی نینگ یرلیکلی بۇلاندیغینی آیتدی.

ایران ینگ جمهورباشلیغی حسن روحانی دا أردۇغانا مینتدارلیق بیلدیردی و یؤریشلرینگ بیرنأچه گۆن ایچرسینده تاماملانماغینی اومیت اتدی.

روحانی بو یؤریشلر باراسیندا، اربت نیتی بۇلانلارینگ بی قانون یؤریشلرینه دیمماجاقدیقلارینی بیلدیردی.

ایران ینگ جمهورباشلیغی نینگ رسمی وب ساتیندا بریلن ماغلوماتا گؤرأ، روحانی بو دوشوشیقدا،

"ایران دا حالق قانون ایچرسینده، تانقیتلارینی ادیپ بیلیأر، حالقینگ تانقیت اتمه‌ک باراسیندا آزاتلیغی بار. حالقیمیزینگ حۇوپسوزلیغی (امنیتی) و آسودالیغی بیزینگ اۆچین أؤرأن أهمیتلیدیر و شونونگ اۆچین اربت نیتلیلرینگ آشاچی و بی قانون یؤریشلرینه دیمماریس" دیدی.



دِگیشلی حابارلار