أردۇغان: قدس ایه سیز دألدیر، یکه دألدیر

تۆرکیأنینگ جمهورباشلیغی رجب طیب أردۇغان قدس شأهِری نینگ ایه سیز و یکه دألدیگینی بۆتین دۆنیأ گؤرکِزِندیکلرینی نیغتادی.

أردۇغان ایستامبول داقی اسلام حیذماتداشلیق قوراماسی نینگ عاداتدان داشغاری ماصلاحاتیندان سۇنگرا فلسطین ینگ دؤولت یۇلباشچیسی محمود عباس و قورامانینگ باشلیغی احمد العصیمین بیلن اۇرتاق مطبوغات گنگه شینی گچیردی.

أردۇغان ادن چیقیشیندا،

"بو تاریحی ماصلاحات بیلن ینه بیر گِزِک قدس ینگ یکه بۇلماندیغینی بۆتین دۆنیأ گؤرکِزِندیگیمیزه اینانیارین " دیدی.

أردۇغان،

"قدس – ی ایسرائیل ینگ پایتاغتی حؤکمۆنده تانایان آمریکا موندان بیلأک ایسرائیل- فلسطین آراسیندا آراچیلیق ادیپ بیلمز. مونی شیله بیلینگ" دیدی.

أردۇغان اسلام یورتلاری نینگ باشلیقلاری حؤکمۆنده ایستامبول دا قۇیلان توتوما توتان یرلی یاغدایدا دۇوام ادیلمه‌لیدیگینی آیتدی و

"بو بارادا توتومیمیز قدس ینگ بیزینگ قیزیل چیزیغیمیز بۇلاندیغنی ایغلان اتمه‌کدیر و مونی ایغلان اتدی. آمریکان دۇلانشیغی بۆتین قارشیلیقلارا قارامازدان قدس بیلن باغلانشیقلی بی قانون و آحلاغینگ داشیندا بیر بیانات بردی. بو بیاناتینگ ویجدان، آحلاق و حقوق تایدان قابول ادیلیپ بیلینمه‌جِکدیگینی ایلکینجی گۆندن بیان اتدیک. آمریکان یۇلباشچی ترامپ ینگ بو بیاناتی بیزینگ اۆچین هیچ زاتدیر" دیدی.

تۆرکیأنینگ جمهورباشلیغی بو ماصلاحاتینگ آمریکان دۇلانشیغی نینگ ادن قیق چیق چیقارجاق بیاناتی نینگ دارتغینلی یاغدایینی گؤرکِزمه ک اۆچین تاریحی بیر أدیم بۇلاندیغینی سؤزلرینه قۇشدی.