ییلدیریم: آمریکانینگ قدس باراسینداقی قاراری دۇغری دأل

تۆرکیأنینگ باش وزیری آمریکانینگ قدس توتومی باراسیندا دویدوریش بردی

ییلدیریم: آمریکانینگ قدس باراسینداقی قاراری دۇغری دأل

 

تۆرکیأنینگ باش وزیری بینالی ییلدیریم آمریکانینگ ایسرائیل داقی ایلچیحاناسینی قدس شأهِرینه گچیرمه‌گی یادا بو شأهِری ایسرائیل ینگ پایتاغتی حؤکمۆنده قابول اتمه‌گی نینگ قانون تایدان، حقوق تایدان دۇغری بۇلماجاقدیغینی آیتدی.

رسمی ساپار بیلن گۆن اۇرتا کره ده بۇلان و یوردونگ باش وزیری لی ناک یئون بیلن دوشوشان ییلدیریم، اۇرتاق مطبوغات گنگه شینده چیقیش اتدی.

باش وزیر، "بیلینشی یالی قدس اسلامیت، مسیحیت و یهودتینگ موقاددس یریدیر، شو سبأپلی هر حیلی بیر اۆیتگِشمه هم فلسطین- ایسرائیل آراسیندا چؤزگۆتسیز دۇوام ادن فلسطین دؤولتی نینگ قورالماغی باراسینداقی دوشوشیقلارینی نتیجه سیز قۇیار هم ده یانگاداندان دینلرینگ آراسیندا چاقنیشیغا سبأپ بۇلار" دیدی.

بینالی ییلدیریم آمریکانینگ بو توتومی نینگ مسئله لری چقالغاسیز اتجکدیگی باراسیندا دویدوریش بردی.

ییلدیریم تۆرکیأنینگ شو گۆنکی گۆنه چنلی بۇلشی یالی موندان بیلأک ده بۆتین اسلام عالمی بیلن بیله لیکده فلسطینلیلره حاقلی تاغاللالاریندا قۇلداو برجکدیگینی آیتدی.



دِگیشلی حابارلار