أردۇغان ینگ قدس مسئله‌سینده دیپلماتیک تاغاللالاری دۇوام ادیأر

أردۇغان دوشوشیقلاریندا قدس ینگ ایسرائیل ینگ پایتاغتی حؤکمۆنده تاناماغینگ یاقین گۆن دۇغارداقی پاراحاتچیلیق اِتابینا ضلل برجکدیگینی آیتدی

أردۇغان ینگ قدس مسئله‌سینده دیپلماتیک تاغاللالاری دۇوام ادیأر

 

تۆرکیأنینگ جمهورباشلیغی رجب طیب أردۇغان، آمریکانینگ قدس شأهِرینی ایسرائیل ینگ پایتاغتی حؤکمۆنده تاناجاقدیغی باراداقی بیاناتی بیلن باغلانشیقلی مالزیانینگ باش وزیری نجیب رزاق، تونس ینگ جمهورباشلیغی الباجی قائد السیبسی و ایران ینگ جمهورباشلیغی حسن روحانی بیلن تلفن آرقالی گۆررۆنگ اتدی.

أردۇغان دوشوشیقلاریندا قدس ینگ ایسرائیل ینگ پایتاغتی حؤکمۆنده تاناماغینگ یاقین گۆن دۇغارداقی پاراحاتچیلیق اِتابینا ضلل برجکدیگینی آیتدی.

أردۇغان، بؤلگه ده پاراحاتچیلیق و آسودالیق اۆچین ۱۹۶۷-نجی ییلداقی سرحتلرینگ ایچینده پایتاغتی گۆن دۇغار قدس بۇلان فلسطین دؤولتی نینگ قورالمالیدیغینی آیتدی.

ایسرائیل ینگ ۱۹۸۰-نجی ییلدا آلان قدس شأهِرینه اؤزۆنه دگیشلی اتمه‌گی نینگ حالقارا جمغیت و بیرلشن میللتلر قوراماسی تاراپیندان قابول ادیلمأندیگینی آیدان تۆرکیأنینگ جمهورباشلیغی، مسلمانلار اۆچین ده موقاددس بیر شأهِر بۇلان قدس ینگ اسلام یورتلاری اۆچین اؤرأن مؤهۆم بیر مسئله بۇلاندیغینا اۆنس چکدی.

دوشوشیقلاردا قدس ینگ حقوقی یاغدایی نینگ اۆیتگه‌دیلمأگی سینانشیلماغی نینگ اسلام دۆنیأسی تاراپیندان قارشیلیق گؤرجِکدیگی و پاراحاتچیلیق و دورنوقلیلیغا ضلل بریلجکدیگی آیدیلدی.

أردۇغان واقا بیلن باغلانشیقلی اسلام حیذماتداشلیق قوراماسی نینگ باشلیغی حؤکمۆنده ۱۳-نجی دکابردا اسلام یورتلاری نینگ یۇلباشچیلاری نینگ قاتناشماغیندا ماصلاحات گچیریلجکدیگینی ده سؤزلرینه قۇشدی.



دِگیشلی حابارلار