أردۇغان پوتین بیلن دوشوشدی

ایکی یۇلباشچی مطبوغات گنگه‌شینی گچیردی

أردۇغان پوتین بیلن دوشوشدی

 

رسمی ساپار بیلن روسیاننیچ سوچی شأهِرینه باران تۆرکیأنینگ جمهورباشلیغی رجب طیب أردۇغان، ایشدشی ولادیمیر پوتین بیلن دوشوشدی.

بیله لیکدأکی مطبوغات ییغناغیندا چیقیش ادن پوتین، گپله‌شیکلرینگ اؤزآرا قاتناشیقلاری سلجرمه‌ک و موندان سۇنگقی ایشلری آرا آلیپ ماصلاحاتلاشماق تایدان نتیجه لی پورصات بۇلاندیغینی آیتدی.

بؤلگه له یین مسئله لری سوریه مسئله سی نینگ چؤزگۆدی بیلن بیرلیکده سلجرِندیکلرینی بیان ادن پوتین، "اؤزآرا قاتناشیقلاریمیزا گلنیمیزده، دارتغینلیقدان اۇزالقی سپگیده یتیلدی. اۇنونگ اینگ قۇوی گؤرکِزیجیسی سؤودا قاتناشیقلاریمیز. بیز اۆستۆمیزدأکی ییلینگ آحیرینا چنلی عمله گلن یتمزچیلیگینگ عوضینه دۇلونجاقدیغینا اینانیاریس. أردۇغان بیلن قازانان ایلالاشیغیمیزا لاییقلیقدا تۆرکیه تۆرکیه‌دن اۇبا حۇجالیق اؤنۆملری‌نینگ ساتین آلینماغی یانگاداندان باشلار. قالان چأکلِندیرمه‌لرینگ آیریلماغی بیلن باغلی ایشلری شو گۆن گۆن ترتیبیمیزه گتیردیک" دیدی.

انرژی پوداغیندا استراتژیک حیذماتداشلیق مسئله سینی دگیشلی وزیر و ادارالارینگ یۇلباشچیلاری بیلن بیله لیکده سلجریأندیکلرینی نیغتان روسیانینگ جمهورباشلیغی، "بو تایدا أهلی زاتدان اۇزال روس گازینی اوروپا آقدیرجاق تۆرک آقیمینی آغزاپ گچمه‌ک گِرِک. تۆرکیه ده آق قویی اتم بِکِدی نینگ قورولماغی بۇیونچا ایشلره باشلانیپ بیلینر" دیدی.

سوریه دأکی مسئله لرینگ چؤزگۆدی بارادا آستانا تاپغیری نینگ حمایاتکأرلری حؤکمۆنده روسیا، تۆرکیه و ایرانینگ ایشلری اۆستۆنلیک بیلن دۇوام اتدیریأندیگینی یاتلادان پوتین،

"ایشلر اۆستۆنلیکلی دۇوام ادر. شونونگ نتیجه سینده سوریه ده دارتغینلیق آزالدی. حۇرماتلی أردۇغانا نتیجه لی ایشلر  سبأپلی ساغ بۇلسون آیداسیم گلیأر. دوشوشیقلاریمیز ایندی اندیگه اؤورۆلدی. بو دوشوشیقلاری یۇقاری دپگینده، بروکراسیدان چتده قۇوی اتمسفرده دۇوام ادیأر" دیدی.

پوتین دان سۇنگ سؤز سؤزلأن أردۇغان هم قاتناشیقلارینگ چونگلاشدیریلماغی بۇیونچا ایلالاشاندیقلارینی نیغتاپ،

"سیاسی دیالوگیمیزا پارالللیکده ایقدیصادی قاتناشیقلاریمیزینگ دپگینی هم گۆیچلندی. مارت آیینداقی ساپاریمدا کأبیر اۇبا حۇجالیق اؤنۆملری‌نینگ روسیا گتیریلمه‌گینه روغصات بریلمه‌گی، رایاتلاریمیزینگ ایش روغصاتلاری نینگ بریلمه گی باراسیندا حۇرماتلی دۇستوم پوتین ینگ برن حۇش حاباری بیزی بگندیردی. آرادان گچن مؤهلِتده اؤزآرا ایقدیصادی حیذماتداشلیغیمیزینگ اؤنگۆندأکی أهلی بؤکدِنچلرینگ آیریلماغی اۆچین تاغاللامیزی دۇوام اتدیردیک" دیدی.

تۆرکیه دن روسیا اۇبا حۇجالیق اؤنۆملرینه قۇیولان سۇنگقی چأکلندیرمه لرینگ دوروزیلماغینی طالاپ ادن أردۇغان،

"بیز ایلکی بیلن ۱۰۰ میلیارد دلار حؤکمۆنده کِسگیتلِه‌نن ماقصادا یتمه ک اۆچین ایشه وۆر آداملاریمیزینگ اؤنگۆندأکی ویزا بؤکدِنچلیگی بیلن بیرلیکده أهلی چأکلِندیرمه لرینگ آیریلماغینی ایسله یأریس. ویزا دۆزگۆنی نینگ اۇزالقیسی یالی بۇلماغینی ایسله یأریس. بیله کی تاراپدان شو گۆنکی دوشوشیغیمیزدا اؤرأن مؤهۆم بۇلان تۆرک آقیمی و آق قویی باراداقی حیذماتداشلیغیمیز حاقیندا پیکیر آلیشدیق. شۇل تاسلامالارینگ بِلله‌نِن واغتدا تاماملانماغینا آیراتین اولی أهمیت بریأریس" دیدی.

روسیا بیلن مدنی و سیاحاتچیلیق پوداغینداقی حیذماتداشلیقلاری حاص هم اؤسدۆرمه‌ک ایسله یأندیکلرینی آیدان أردۇغان،

"اۆستۆمیزدأکی ییلینگ ۹ آییندا ۴ میلیوندان قۇوراق روس سیاحاتچی یوردومیزا گلدی. ۲۰۱۹-نجی ییلدا ایکی تاراپلی یاغدایدا گچیریلجک مدنیت ییلی اۇنگا اولی قۇشانت قۇشار" دیدی.



دِگیشلی حابارلار