ت. ر. ت ورلد ینگ سمپوزیومی گچیرلر

سمپوزیومینگ آچیلیش داباراسینا تۆرکیأنینگ جمهورباشلیغی قاتناشار

ت. ر. ت ورلد ینگ سمپوزیومی گچیرلر

 

ایستامبول، ۱۸-نجی اکتیابردا گلوبال مسئله لرینگ گنگه شیلجگی اولی بیر سمپوزیوما یر ایه چیلیگینی ادر.

سمپوزیومینگ آچیلیشینا تۆرکیأنینگ جمهورباشلیغی رجب طیب أردۇغان بادالغا برر.

بو سمپوزیوم تۆرکیأنینگ حالقارا یاغدایدا سسی بۇلان و انگلیس دیلیندأکی ت. ر. ت ورلد کانالی تاراپیندان گچیرلر.

ت. ر. ت ورلد ینگ گۆنده لیک، مدنی، سیاسی، ایقدیصادی و سوسیال مسئله لره چؤزگۆت اۆچین ایلکینجی گِزه‌ک قوراجاغی ت. ر. ت فۇروما کؤپ سانلی یورتدان ۴۰۰ سیاساتچی، ایشه وۆر، آکادمیسین، آکتیویست و ژورنالیست قاتناشار.

همیشه لیک گچیریلجک بۇلان بو فۇرومینگ ماضمونی "نأبِللیلیک عاصریندا اۆیتگِشمأگه ایلهام برمه‌ک".

ت. ر. ت. ورلد فورومدا چیقیش اتجکلرینگ آراسیندا، رفراندوم دارتغینلیغینی گچیریأن ایسپانیانینگ اۇزالقی باش وزیری خوزه لوئیس رودریگز زاپاته رو، مالکوم ایکس ینگ قیزی ایلیاسا شهباز، داشاری ایشلر وزیری مولود چاووش اۇغلی، گۆن اۇرتا آفریقانینگ قالقینیش وزیری باتابیل اولیو لامینی، ت. ر. ت نینگ باشلیغی ابراهیم ارن و رویال یونایتد سرویس انستیتو (روسی) نینگ باشلیغی کارین ون هیپل یالی شخصیتلار بار.

انگلستان ینگ داشاری ایشلر وزیرلیگینده اینانچ و جمغیتلرینگ جۇغاپکأرچیلیگیندن یوردونینگ غزه باراسینداقی سیاساتی سبأپلی استعفا ادن انگلستان ینگ ایلکینجی مسلمان زنانا وزیری بارونس سعیده ورسی ده بو سمپوزیومدا چیقیش ادر.

فورومدا گۆنده لیک سیاسی مسئله لر و مدیانینگ جۇغاپکأرچیلیگی باراسیندا دا چیقیش ادیلر و داشاری یورتلیلارا قارشی دوشمانچیلیق، اسلاموفوبیا، انسانی کؤمِک، حالقارا سیستمینگ یاشان دارتغینلیغینا قارالار و شولارا چؤزگۆت تکلیپلری بریلر.

۱۸-نجی اکتیابر آغشامیندا باشلاجاق "ت. ر. ت ورلد سیتیزن" پروژه سی نینگ تانادیلیشی بیلن، ت. ر. ت ورلدینگ انسانی دارتغینلیقلارا اۆنس چمکه ک اۆچین قوران جۇغغاپکأرچیلیک ایشجنگلیگی پروژه سی دا تانادیلار.



دِگیشلی حابارلار