سلیمان سۇیلو: پ. ک. ک تۆرکیأ گیرمأگه تأزه یۇل بارلایار

ایچری ایشلر وزیری: پ. ک. ک دنگیزدن تۆرکیأ گیرجه‌ک بۇلیار

سلیمان سۇیلو: پ. ک. ک تۆرکیأ گیرمأگه تأزه یۇل بارلایار

تۆرکیأنینگ ایچری ایشلر وزیری سلیمان سۇیلو آیرالیقچی ترور قوراماسی پ. ک. ک نینگ تۆرکیأ گیریپ بیلمه‌ک اۆچین تاغاللا ادیأندیگینی آیتدی.

سلیمان سویلو موغلانینگ کؤیجگیز اترابیندا حۇوپسوزلیق گۆیچلری نینگ ترور قوراماسی پ. ک. ک بیلن بۇلان چاقنیشیغی باراسیندا،

"ترور قوراماسی عیراغینگ دمیرقازیغیندان، ایران دان و عفرین دن ایچری گیرِنیندن سۇنگرا ایندی تأزه بیر یۇل بارلایار. ترور قوراماسی پ. ک. ک نینگ یۇلباشچی تۇپاری نینگ گؤرکِزمه سی بیلن ترورچیلار سوریأنینگ دنگیزیاقا شأهِری لاذقیه دن آق دنگیز و اژه یاقاسیندان موغلا، فتحیه و کؤیجگیز یالی دینچ آلیش مرکزلرینه گیرمه‌ک اۆچین سینانشیار" دیدی.

تۆرکیأنینگ بیک میللت مجلیسی نینگ ایچری ایشلر کمیسیونی نینگ ماصلاحاتینا قاتناشان سولو، کؤیجگیزده حۇوپسوزلیق گۆیچلری نینگ قوران حرکتی باراسیندا،

"ترور قوراماسی نینگ بو سینانشیغینا قارشی بۆتین حۇوپسوزلیق گۆیچلریمیز ایشله یأر" دیدی.



دِگیشلی حابارلار