أردۇغان: دمیرقازیق عیراق داقی ایله سۇراغ بی‌قانوندیر

تۆرکیه بیلن ایران ینگ جمهورباشلیقلاری تهران دا مطبوغات گنگه شینی گچیردی

أردۇغان: دمیرقازیق عیراق داقی ایله سۇراغ بی‌قانوندیر

تۆرکیأنینگ جمهورباشلیغی رجب طیب أردۇغان عیراغینگ کۆرت دۇلانشیغیندا 25-نجی سنتیابردا بی قانون یاغدایدا گچیریلن قاراشسیزلیق رفراندومینی دینگه ایسرائیل ینگ ایقرار ادندیگینی بِللأپ "موساد بیلن اۇتوریلیپ بریلن قارار قانونا لاییق دأل، بی قانوندیر" دیدی.

رسمی ساپار بیلن ایران ینگ پایتاغتی تهرانا باران تۆرکیأنینگ جمهورباشلیغی، ایشدشی حسن روحانی بیلن گچیرن ایکی چأک و تۇپارآرا گپله شیکلردن سۇنگ مطبوغات ییغناغینی گچیردی.

روحانی بیلن گچیرن گپله شیگی بارادا ماغلومات برن أردۇغان، "البتده بؤلگه آرا (منطقه ای) مسئله لر حأضیرکی واغتدا گۆن ترتیبیمیزده. عیراق مسئله سی اؤنگۆمیزدأکی ایلکینجی ماددا حؤکمۆنده گۆن ترتیبیمیزه اۇرناشدی" دیدی.

"عیراغینگ کۆرت اؤزباشداق حؤکۆمتی نأمأنینگ ایله سۇراغینی (رفراندومینی) گچیریأر؟ اؤزۆنی ایسرائیل دان باشغا ایقرار ادیأن یورت یۇق" دیه ن أردۇغان "موساد بیلن اۇتورلیپ بریلن قارار قانونا لاییق دأل، بی قانوندیر" دیدی.

سوریه ده تۆرکیه، ایران و روسیا حؤکمۆنده آستانا اتابی نینگ چأگینده کِسگیتله‌نن "چاقنیشیقسز بؤلگه لره" أهمیت بریأندیکلرینی بِللأن تۆرک یۇلباشچی، ایران بیلن ادیلیأن ایکی تاراپلایین قاتناشیقلارینگ هم اۆستۆنده دوروپ گچدی.

"ایقدیصادی قاتناشیقلاریمیزی بار بۇلان داشاری یورت پولی نینگ باسیشیندان حالاص بۇلماق اۆچین یرلی پول بیلن سؤودا اتمه‌ک اتابینی دورموشا گچیرمه ک بارادا قارار قابول اتدیک" دیه ن تۆرکیأنینگ جمهورباشلیغی، "مرکزی بانکلاریمیز اؤنگۆمیزدأکی هپده بیر یره اۆیشۆپ بو باباتدا شرطناما باغلاشارلار" دیدی.

اؤی ایه سی جمهورباشلیق حسن روحانی هم گپله شیکلرینگ نتیجه لی گچندیگینی بِللأپ، اساسی ماقصادینگ بؤلگه ده پاراحاتچیلیغی و آسودالیغی قۇیماقدیغینی، عیراغینگ و سوریأنینگ تۇپراق بیتولیگی نینگ تاراپداریدیقلارینی نیغتادی.

یوردونینگ تۆرکیه ده مایا قۇیماغا طایاردیغینی آیدان روحانی، اؤزلری نینگ هم تۆرک مایادارلارینا گرِک بۇلان قۇلداوی برجکدیکلرینی بیان اتدی.

"ییللیق 30 میلیارد دلار سؤودا موقدارینا یتمه‌گی ماقصات ادینیأریس" دیه ن حسن روحانی، گۆمرۆک گچلگه لری نینگ 24 ساغات ایشلِجِکدیگینی بِلله دی.

ایکی یوردونگ آراسیندا باشدا انرژی بۇلماق بیلن کؤپ ساندا شرطناما قۇل چکیشیلدی.



دِگیشلی حابارلار