شهیتلر یأدیگأرلیگی آچیلیشا طایار
پایتاغت آنکارادا بأشدِپه دأکی "15-نجی ایول شهیتلر یأدیگأرلیگی" جمهورباشلیق کؤشگۆنینگ اولی گیرهلگِهسینده یرلهشیأر
تۆرکیأنینگ اؤتن ییل 15-نجی ژوئیه دأکی (15-نجی ایولداقی) آغدارلیشیغا سینانشیغینگ پوجا چیقماغینی سمبولیزه ادیأن شهیتلر یأدیگأرلیگی آچیلیشا طایار.
پایتاغت آنکارادا بأشدِپه دأکی "15-نجی ایول شهیتلر یأدیگأرلیگی" جمهورباشلیق کؤشگۆنینگ اولی گیرهلگِهسینده یرلهشیأر.
آنکارانینگ شأهِر حأکیمی ملیح گؤکچِک بو یأدیگأرلیگینگ 24 گۆنده تاماملاناندیغینی یاتلادیپ، آچیلیش داباراسی نینگ شو گۆن ارتیر نامازیندان سوُنگرا گچیریلجکدیگینی آیتدی.
گؤکچِک برن یازماچا بیاناتیندا، 15-نجی ایول داقی حیاناتچیلیقلی آغدارلیشیغا سینانشیغینگ قارشیسیندا تۆرک میللتی نینگ گؤرکِزن ساواشی نینگ و قازانیلان دموکراسی نینگ ینگیشی نینگ یاتلانماغی و گلجِککی نسیللره ده یاتلادیلماغی ماقصادی بیلن صونغات اوسسادی، سینان تورامان تاراپیندان قورالان یأدیگألیگینگ 24 گۆندأکی قورلوشیغیندا هر گۆن 500-ِه قوُلای آدامینگ ایشلأندیگینی آیتدی.