أردۇغان بی بی سی کانالینا رِپرتاژ بردی

تۆرکیأنینگ جمهورباشلیغی گۆن باتارلی مدیانینگ یالانلارینی تانقیت اتدی

أردۇغان بی بی سی کانالینا رِپرتاژ بردی

تۆرکیأنینگ جمهورباشلیغی رجب طیب أردۇغان بی بی سی کانالینا بیانات بردی.

أردۇغان بیاناتیندا فت الله چی ترور قوراماسی (فتؤ) نینگ ۱۵-نجی ایول داقی آغدارلیشیغا سینانشیغی نینگ ایلکینجی ییللیغیندا گچیریلجک دابارالادا تۆرکیأنینگ نأحیللی جبیسلیک ایچرسینده بۇلاندیغی نینگ گؤرۆلجکدیگینی آیتدی.

أردۇغان بی بی سی نینگ هاردتالک پروگرامماسینا قاتناشدی.

پروگراممادا ۱۵-نجی ایول داقی حیاناتچیلیقلی آغدارلیشیغا سینانشیقدان فتؤ بیلن گؤره‌شِه، قطر دأکی دارتغینلیقدان تۆرکیه- اوروپا بیله له شیگی قاتناشیقلارینا چنلی کؤپ اوغورلی سۇراغلار سۇرالدی.

تۆرکیأنینگ جمهورباشلیغی، آننا گۆنی، شنبه و یکشنبه گۆنی گچیریلجک دابارالارا اۆنس چکدی.

أردۇغان،

"بۆتین دۆنیأ بو پروگراممالار بیلن بیله لیکده بیزینگ جبیسلیگیمیزینگ هایسی نقطه ده بۇلاندیغینی گؤرِر" دیدی.

فتؤ بیلن گؤره‌شدأکی توسساغلیقلاری تانقیت ادنلره قارشیلیق گؤرکِزن أردۇغان،

"گۆن دۇغار آلمانیا گۆن باتار آلمانیا بیلن بیرله‌شِنده ۵۰۰ مۆنگ آدام ایشیندن قۇویلدی. هیچ کیمینگ سسی چیقمادی. اِمما تۆرکیه ده آغدارلیشیق ادنلره قارشی ایشلر آلینماسین دییلیأر. شیله بیر زات قابول ادیلیپ بیلینمِز" دیدی.

تۆرکیه- اوروپا بیله له شیگی آراسینداقی قاتناشیقلار باراسیندا دا دوروپ گچن أردۇغان، اوروپا بیله له شیگی نینگ برن سؤزلرینی یرینه یتیرمأندیگینه اۆنس چکدی.

رجب طیب أردۇغان،

"اوروپا بیله له شیگی اگر بیزه قارشی آچ آچان بۇلوپ میثال اۆچین بیز تۆرکیأنی اوروپا بیله له شیگینه آلیپ بیلمریس دیسه، بو بیزینگ راحاتلادار. بیز ایکینجی و اۆچۆنجی پلانیمیزی دۆشۆنِریس. بیزینگ اۆچین اوروپا بیله له شیگی حؤکمأنی دأل" دییپ بِلله‌دی.

"تۆرکیأنینگ اؤز آیاقلاری نینگ اۆستۆنده دوران بیر یورت بۇلاندیغینی" بیلدیرن أردۇغان،

"شو واغت حالقیمیزینگ کؤپۆسی اوروپا بیله له شیگینی ایسله مه یأر و بیله له شیگینگ بیزه قارشی توتومی نینگ یۆرِکدن بۇلماندیغینی پیکیر ادیأر. مونگا قارامازدان اوروپا بیله له شیگینه قارشی یۆرِکدِنلیگیمیزی بیر واغتا چنلی دۇوام اتدریریس. گؤره‌یلی بیر یره یتجک می" دیدی.

أردۇغان گۆن باتار مدیاسینداقی تۆرکیأ قارشی کمپینلری یازغاریپ، "یالان سؤزلر بیلن دۆنیأنی آلادتمانگ" دیدی.

تۆرکیأنینگ پارس آیلاغیندا پاراحاتچیلیق و دورنوقلیلیق اۆچین تاغاللا ادندیگینی نیغتان تۆرکیأنینگ جمهورباشلیغی،

"تۆرکیه هیچ هاچان بو بؤلگه ده مسلمانلارینگ مسلمانلارا قیردیریلماغینی ایسله مِز. بیز شو واغتقی یاغدایدان یادادلیق. شو واغتقی یاغدای تۆرکیأ تؤله‌گ تؤله‌دیأر. شیله یاغدایی ایسله مه یأریس. قطرده ده شیله بیر یاغدایی آصلا قابول اتمه‌ریس" دییپ بِلله‌دی.

رجب طیب أردۇغان، تۆرکیأنینگ ترورچیلیق بیلن آحیرینا چنلی ساواشجاقدیغینی بیلدیردی و

"بیزینگ یکه تأک مسئلأمیز ترور قوراماسی پ. ک. ک و اۇنونگ سوریه بؤله‌گی پ. ی. د/ ی. پ. گ، داعش فتؤدیر. ترورچیلیغینگ نأمه بۇلاندیغی آیدیلمالی. هایسی ترور قوراماسی بۇلسا شۇل بیزینگ دوشمانیمیزدیر. شۇلار بیلن ده ساواشی آحیرینا چنلی دۇوام ادریس" دییپ آیتدی.

تۆرکیأنینگ جمهورباشلیغی نینگ میهمان بۇلان پروگرامماسی شو گۆن انگلستان دا یایلیما بریلر.



دِگیشلی حابارلار