أردۇغان آمریکا قاضیه‌تینی برک تانقیت اتدی

آمریکانینگ تۆرکیه دأکی باش ایلچیسی داشاری ایشلر وزیرلیگینه چاغیریلدی

أردۇغان آمریکا قاضیه‌تینی برک تانقیت اتدی

تۆرکیأنینگ جمهورباشلیغی رجب طیب أردۇغان آمریکا دؤولتینه "قۇراغ پلیسی" مسئله سی اۆچین قارشیلیق گؤرکِزدی.

آمریکانینگ قاضیه‌تی أردۇغان ینگ ۱۶-نجی مای دا آمریکا قوران ساپاری نینگ دۇوامیندا یۆزه چیقان دارتغینلیق سبأپلی جمهورباشلیغینگ ۱۲ سانی قۇراغچیسی نینگ ساقلانماغی بارادا قارار چیقاریپدی.

تۆرکیأنینگ جمهورباشلیغی رجب طیب أردۇغان بو قارارا "بو نأحیللی حقوق؟ بو قۇراغچیلار منی قۇراپ بیلمه‌جِک بۇلسا آمریکا نأمه اۆچین آلیپ گیده‌یین" دییپ نأگیللیک بیلدیردی.

پرزیدنت أردۇغان ینگ آمریکا ساپاری نینگ دۇوامیندا باش بۇزار ترور قوراماسی پ. ک. ک نینگ تاراپیندان تۆرکیأنینگ واشنگتن شأهِرینده یرله‌شیأن ایلچیحاناسی نینگ اؤنگۆنده اۆیشن تۆرکلره هۆجۆم ادیلیپدی.

آمریکا یۇقاری درجه ده قورالیان ساپارلاردا گؤرۆلیأن حۇوپسوزلیق چأره لرینی گؤرمه‌دی.

هۆجۆمده آمریکان حۇوپسوزلیق گۆیچلری یتیرلیک چأرأنی گؤرۆپ بیلمأندیگی سبأپلی تۆرکیأنینگ جمهورباشلیغی نینگ قۇراغچیلاری ایشه گیریشدی.

واقادان سۇنگ آمریکانینگ پلیسی دِرنگِو ایشینه باشلاتدی.

هۆجۆم قوران تۇپاری دأل، ایسه‌م تۆرک رایاتلارینی و جمهورباشلیغینگ قۇراغچیلارینی گۆنأکأرله‌دیلر.

تۆرکیأنینگ جمهورباشلیغی قارارا "منینگ قۇراغچیلاریمدان ۱۲ سانی نینگ ساقلانماغی اۆچین قارار چیقاریپدیرلار. بو نأحیللی قانون، بو نأحیللی حقوق؟ اۇلار منی قۇراماجاق بۇلسالار من اۇلاری نأمه اۆچین آمریکا آلیپ گیده‌یین؟ آمریکانینگ هانس-ی جۇرج-ی بیلن قۇرایین می اؤزۆمی؟" دییپ برک قارشیلیق گؤرکِزدی.

تۆرکیأنینگ داشاری ایشلر وزیرلیگی هم قاراردان سۇنگ ایشه گیریشدی.

آمریکانینگ تۆرکیه دأکی ایلچیسی جان باس وزیرلیگه چاغیریلدی.

داشاری ایشلر وزیرلیگی نینگ اۇرونباساری اومیت یالچین قارارینگ دۆیپسیزدیگینی آیلچی نینگ دیققاتینا یتیردی.

ایلچیحانانینگ اؤنگۆنده داشاری ایشلر وزیری مولود چاووش اۇغلو جناپلارینا هۆجۆم ادن آمریکانینگ حۇوپسوزلیق ایشگأرلری بارادا هیچ حیلی درنگو ایشی نینگ قۇزغالمازلیغی نینگ عادالات دۆشۆنجه سینه باپ گلمه‌یأندیگی آمریکانینگ ایلچیسینه بیان ادیلدی.

داشاری ایشلر وزیرلیگیندن بریلن بیان نامادا "بیتاراپ و قاراشسیز درنگو ایشی نینگ نتیجه لی بۇلماندیغی آچ آچان مألیم بۇلان قارارینگ یرلیکسیزدیگی آمریکانینگ ایلچیسی نینگ دیققاتینا یتیریلدی" دییلیأر.



دِگیشلی حابارلار