أردۇغان: ایستامبول کیچی بیر تۆرکیه‌دیر

تۆرکیأنینگ جمهورباشلیغی رجب طیب أردۇغان میللتینگ و واطانینگ آسودالیغی برجای ادیلینچأ ترورچیلیق بیلن گؤره‌شینگ دۇوام اتجکدیگینی بیلدیردی.

ایستامبول ینگ فتح ادیلمه‌گی نینگ ۵۶۴-نجی ییللیغی سبأپلی قورالان آغزآچارا قاتناشان تۆرکیأنینگ جمهورباشلیغی، شۇل یرده ادن چیقیشیندا ایستامبول ینگ فتحی نینگ ییللیغینی قوتلادی و شول اۇوادان شأهِری تۆرکیأ قۇشان فاتیح سلطان محمت حان و قوتلی قشونینی رحمت و شکران بیلن یاد ادندیگینی آیتدی.

ایستامبول ینگ کیچی بیر تۆرکیه بۇلاندیغینی نیغتان أردۇغان،

"تۆرکیأنینگ ۸۰ ولایاتی نینگ هممه سی نینگ ده ایستامبول بیلن انسانی و فیزیکی باغلاری بار. شیله بۇلاندا ایستامبولی آنگلاتماق، تۆرکیأنی آنگلاتماق دیمه‌کدیر. ایستامبولا حیذمات اتمه‌ک تۆرکیأ حیذمات اتمه‌ک دیمه‌کدیر" دیدی.

تۆرکیأنینگ جمهورباشلیغی، ایلایتا دا فت الله چی ترور قوراماسی فتؤ، داعش و آیرالیقچی ترور قوراماسی پ. ک. ک باشدا بۇلماق بیلن ترورچیلیق قورامالاری نینگ ایستامبولا برن ضلِللرینی یۇق اتجه‌ک، شۇلاری ینه بیر گِزِک بو شأهِره ضلل یتیرمه‌جک یاغدایا گتیرمه‌ک اۆچین چالت یاغدایدا ایش آلینیپ باریلیاندیغینی بیلدیردی.

دۆنیأنینگ تأزه دن قورالماق اۆچین سانچلانیاندیغینی بیلدیرن أردۇغان،

"تۆرکیأ و شۇنونگ ویترینی بۇلان ایستامبولا شول اتاپدا اولی جۇغاپکأرچیلیک دۆشیأر. بیز بو یاغدایی گؤرِنیمیز اۆچین دموکراسیدا و ایقدیصادیه‌تده تأزه أدیملر اۆچین طایارلیق گؤریأریس. مونونگ اۆچین ایلکی بیلن ۲۰۱۹-نجی ییلا چنلی بۇلان دؤوری اینگ پیدالی یاغدایدا گچیرمه‌ک ضروردیر. ۲۰۲۳-نجی ییل، ماقصاتلاریمیز بیزی چاغداش (دؤوره باپ- معاصر) مدنیتینگ اۆستۆنه داشاجاق بیر دؤوۆردیر. شو گۆنه چنلی بۇلشی یالی، موندان سۇنگراقی ماقصاتلاریمیزینگ دا لکوموتیوی ینه ایستامبول بۇلجاقدیر" دیدی.