آغدارلیشیق سینانشیغینی میللت پوجا چیقاردی

تۆرکیه میللتی اؤز دؤولتینه و دموکراسیسینا ایه بوُلدی

آغدارلیشیق سینانشیغینی میللت پوجا چیقاردی

دربی داغین ادیلن آغدارلیشیق سینانشیغیندان سُونگرا تۆرکیأنینگ جمهورباشلیغی رجب طیب أردوُغان تۆرکیأنینگ جبیسلیگینه، بیتِولیگینه، بیرِک بیرکلیگینه، دوُغانلیغینا دایانیپ بیلمه یأنلرینگ ۱۵-نجی ایولدا دؤولتی اله گچیرمه ک باراداقی حرکتی نینگ یاراغلی حرکته اؤورِندیگینی آیدیپ واقانینگ بوُلان گیجه سینده ادن چاقیلیغینا یوردونگ دؤرت کۆنجه گیندن بۆتین واطانداشلارینگ سس برندیگینی و میدانلاری دوُلدوریپ فتح الله چی ترور قورماسی نینگ أدِن أدیمینی دارغاداندیغینی یاتلاتدی.

"بۆتین رایاتلاریمیز میدانلاری دوُلدوریپ اوُلارینگ تانک بیلن توُپی بار بوُلسا بیزینگ ده ایمانیمیز باردیر" دییپ اولارا قارشی دوردی. بو یاش دوُغانلاریمیزینگ تانکلارینگ تیگیری نینگ آشاغیندا یاتماغی یؤنه کی بیر زات دألدیر. بو بیر ایمانینگ ایلایتادا تشویق ادیشیدیر. و اولار بو ایشی اتدیلر" دیدی.

تۆرکیأنینگ بیک میللت مجلیسی نینگ باشلیغی عصمت قاهرامان دا میللت حؤکمۆنده یکه گؤوره بوُلاندیقلارینی یاتلاتدی و بو آجینی دؤره دِنلره حاق ادن جزالارینگ بریلجکدیگینی آیتدی.

قاهرامان "بو بیر حیلی ترورچیلیقدیر. ادیلن سینانشیق باشاریلیپ بیلینمه دی. دؤولت بو واقانینگ جوُغاپکأرچیلرینی و ایچرکی و داشارداقی قویروقلاری نینگ تاپیلماغی اۆچین ایشلر ادر و حقوغا باپ یاغدایدا بو ایش آلینیپ باریلار" دیدی.

باش وزیر و عادالات و اؤسۆش پارتیاسی نینگ باشلیغی بینالی ییلدیریم بوُلسا دموکراسیا ایه چیقان تۆرک حالقینا مینتدارلیق بیلدیریپ "گؤزلرینی قان بۆرأپدی. دألی بوُلوپدیلار. اِمما بیلمه دیک زاتلاری شودیر. میللتینگ اؤیۆنه ال اوزادانینگ الی یانار. ۲۴ ساغات گچمأنکأ اللری یاندی. هیچ حیلی آغدارلیشیق سینانشیغی سینانشانلارینگ پیداسینا بوُلمادی. موندان سوُنگرا دا شیله. هیچ کیم موندان سوُنگرا میللتینگ ایغتیارینا دؤنۆکلیک ادیپ بیلمز" دییپ بِلله دی.



دِگیشلی حابارلار