تۆرکیأنینگ گۆن ترتیبی ۳۲: اوروپادا راسیزم و اسلاموفوبیا گۆن سایین یایبانگلانیار

جان آجون؛ سیاسات، ایقدیصادیه‌ت و جمغیت غازناسی- ستا

تۆرکیأنینگ گۆن ترتیبی ۳۲: اوروپادا راسیزم و اسلاموفوبیا گۆن سایین یایبانگلانیار

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز:

اوروپادا راسیزم و اسلاموفوبیا گۆن سایین یایبانگلانیار. اوروپا بیله له شیگی نینگ اساسلاندیریجی یوردی آلمانیادا ناسیونال سوسیالیستلارینگ گچمیشینده شونگا منگزش اتابینگ نأحیللی یاغدایدا آلینیپ باریلاندیغی گؤرۆلیأر. آلمانیادا راسیزمینگ و اسلاموفوبیانینگ عاداتی یاغدایا گلمأگه باشلان گۆنلرینده باشدان گچیریلن مسعود اؤزیل واقاسی و آلمانیانینگ میللی ییغیندیسی فوتبال تۇپاری نینگ تۆرگنی مسعود اؤزیل ینگ آلمانیانینگ میللی ییغیندیسیندان آیریلماغی راسیزمینگ و اسلاموفوبیانینگ یتن درجه سینی گؤرکِزیأن اساسی واقالاردان بیری.

مسعود اؤزیل ینگ تۆرکیأنینگ جمهورباشلیغی رجب طیب أردۇغان ینگ بریتانیا قوران ساپاری نینگ چأگینده تۆرکیه جمهوریتی نینگ یۇلباشچیسی بیلن صورات آلدیرماغی آلمانینگ کؤپچۆلیکله یینگ حابار بریش سریشده لری و آلمانیاداقی سیاساتچیلار تاراپیندان آلمان جمغیتینده دۆنیأ قوبوغی نینگ اؤنگی سیراسیندا اساسی دارتغینلیق یاغدایینا گتیریلدی.

مسعود اؤزیل آصلیندا ۲۰۱۰-نجی ییلدان بأری هر پورصاتدا پرزیدنت أردۇغان بیلن بۇلان دوشوشیغیندا صورات آلدیریار. اؤزیل پرزیدنت أردۇغان بیلن صورات آلدیریاندیغی اۆچین راسیست هۆجۆملره سزه ور بۇلدی. اؤزیل اؤزی باراسینداقی کِمسیدیجی سؤزلره و حمله لره قارامازدان دیمماغی سایلاپ آلدی. آلمانیانینگ فوتبال فدراسیونی نینگ باشلیغی رینهارد گریندل ینگ طالابینا اونگین جۇغاپ برمه دی، ترسینه أردۇغان بیلن آلدیران صوراتی اۆچین اؤتۆنچ سۇرامادی.

آلمانیانینگ میللی ییغیندی فوتبال تۇپاری نینگ روسیادا گچیریلن دۆنیأ قوبوغی نینگ تۇپارآرا بأسله شیکلرینده ینگیلمه گی حابارینی آلمانیانینگ أهلی کؤپچۆلیکله یین حابار بریش سریشده لری مسعود اؤزیل ینگ صوراتی بیلن برمه کلری و آلمانیانینگ فوتبال فدراسیونی نینگ باشلیغی رینهارد گریندل ینگ آلمانیانینگ میللی ییغیندی فوتبال تۇپاری نینگ دۆنیأ یاریشلاریندا ینگیلمه گی نینگ اساسی جۇغاپأری حؤکمۆنده مسعود اؤزیلی گؤرکِزمه گی دارتیغینلیغی حاص دا یۇقارلاتدی. مسعود اؤزیل تۆرکیأنینگ جمهورباشلیغی أردۇغان بیلن آلدیران صوراتی نینگ اؤنگی سیراسیندا هم عمره زیاراتیندا آلدیران صوراتلاری سبأپلی راسیست هۆجۆملره و کِمسیتمه‌لره سزه ور بۇلوپدی.

اؤزیل راسیست هۆجۆملره و حمله لره برک قارشیلیق گؤرکِزدی و یؤریته جۇغاپ طایارلادی.

آصلیندا مسعود اؤزیل ینگ توییتر آرقالی انگلیس دیلینده یایرادان یۆزلِنمه سی، آلمانیاداقی راسیسم و اسلاموفوبیانینگ یتن درجه سینی آچیق آیدینگ گؤرکِزیأر.

مسعود اؤزیل جارناماسیندا "ینگیأرقا آلمان، ینگیلیأرکأ بۇسغون بۇلدوم" دییأر. مسعود اؤزیل آصلیندا جارناماسی بیلن بیرلیکده فوتبال ینگ محمد علی سی بۇلدی. آلمانیانینگ فوتبال فدراسیونینی برک تانقیت ادن اؤزیل شۇل بیر واغتدا آلمانیادا یاشایان تۆرک و مسلمان آزلیغینگ سسی بۇلدی.

مسعود اؤزیل جارناماسیندا آلمانیاداقی راسیزمه اۆنسی چکیأر و یۆره گی نینگ تۆرکیه هم ده آلمانیا اۆچین اوریاندیغینی آیراتین بِلله یأر. اؤزیل ینگ آلمانیا اۆچین فوتبالدا قازانان اۆستۆنلیکلرینه قارامازدان جمهورباشلیق رجب طیب اردوغان بیلن آلدیران صوراتی سبأپلی راسیست هۆجۆملرینه سزه ور بۇلاندیغینی آچیق آیدینگ بیان اتمه گی، آصلیندا آلمانیادا یاشایان تۆرکلرینگ قاراییشلارینی و دویغولارینی هم بیان ادیأر. آلمانیادا یاشایان آصلی تۆرک بۇلان آلمان رایاتلاری مسعود اؤزیله گۆیچلی قۇلداو بریپ اۇنی قاهرامان یالی قوتلادیلار.

اؤزیل ینگ جۇغابی آلمانیادا یاشایان تۆرکلرینگ و مسلمانلارینگ سسی بۇلان و اۇلارینگ قاراییشلارینی و دویغولارینی بیان ادن بۇلسا دا، نأمه اۆچین بیر فوتبالچی نینگ و نأمه اۆچین بیر مجلیس وکیلی نینگ تۆرک و مسلمان آزلیغینگ قاراییشلارینی و دویغولارینی بیان اتمه یأندیگی سۇراغی اۆنسلری اؤزۆنه چکیأر. آلمانیانینگ مجلیسیندأکی آصلی تۆرک وکیللرینگ و آلمانیاداقی سیاسی پارتیالارینگ تۆرک و مسلمان آزلیغینا وکیلچیلیک ادیپ بیلمه زلیگی، درتلرینه درمان بۇلمازلیغی آلمانیا اۆچین اساسی مسئله. بیر تاراپدا راسیزم و اسلاموفوبیا گۆن سایین یۇقارلایارقا، بیله کی تاراپدا آلمانیاداقی تۆرکلره و مسلمانلارا وکیلچیلیک ادیأن مجلیس وکیلی یۇق. شول سبأپلی هم آلمانیادا یاشایان تۆرکلر و مسلمانلارینگ حقوقلارینی قۇراماق و اۇلارا قۇلداو برمه ک اۆچین تۆرکیه آلمانیادا حاص تأثیرلی و ایشجنگ ساسیات آلیپ بارمالی.

تۆرکیه آلمانیاداقی تۆرکلر و مسلمانلار اۆچین گؤره شمه لی. تۆرکیه آلمانیاداقی تۆرکلره و مسلمانلارا روحی تایدان قۇلداو برجک و حاقیقاتلاری آچیق آیدینگ بیان اتجک مسعود اؤزیللرینگ سانی نینگ کؤپه‌لمه گی اۆچین تاغاللا اتمه لی.

تۆرکیه آلمانیادا حاص تأثیرلی و اکتیو سیاسات آلیپ بارمان حالاتیندا بۇلسا آلمانیاداقی تۆرکلر و مسلمانلار راسیزمه سزه ور بۇلماغا دۇوام ادر.

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقادینگیز.



دِگیشلی حابارلار