توزحورماتو شأهِرینی تۆرکمن حأکیم دۇلاندیرار

حسن زین العابدین عیراغینگ تۆرکمن شأهِری نینگ حأکیمی بۇلدی

توزحورماتو شأهِرینی تۆرکمن حأکیم دۇلاندیرار

عیراغینگ تۆرکمنلری نینگ یاشایان یرلریندن بیری بۇلان توزحورماتو اترابی (شهرستانی- ولسوالی) اۆچین ۲۰۰۳-نجی ییلدان بأری ایلکینجی گِزِک بیر تۆرکمن حأکیم بِلله‌ندی.

اترابینگ تأزه حأکیمی حسن زین العابدین ایلکینجی ایشی نینگ اتنیکی و مذهبی تۇپارلارینگ آراسینداقی پاراحاتچیلیغی اساسلاندیرماق بۇلدیغینی آیتدی.

اوزاق ییلدان بأری هۆجۆملره سزه ور بۇلان و تاراپلارینگ آراسینداقی دارتیغنلیق سبأپلی یاشاییجیلارینگ اولی قینچیلیق چکندیگینی آیدان زین العابدین،

"اترابا یانگاداندان آسودالیق، دورنوقلیلیق و اومیت گتیرمه‌ک اۆچین بۆتین مۆمکینچیلیکلردن پیدالاناریس" دیدی.

حۇوپسوزلیغا (امنیته) اولی أهمیت بریأندیکلرینی نیغتان زین العابدین، عیراغینگ مرکزی حؤکۆمتینگ گۆیچلری نینگ کنترلینا گچمه گیندن سۇنگرا دورنوقلیلیغا قۇوشاندیغینی یاتلاتدی.

صلاح الدین و کرکوک ولایاتلاری نینگ آراسینداقی توزحورماتودا تۆرکمنلر بیلن بیله لیکده عاراپلار و کۆرتلر ده یاشایار.

ترور قوراماسی داعش ۲۰۱۴-نجی ییلینگ ۱۰-نجی ژوئن ینده عیراغینگ ۳-ده بیرینی آلیپدی. توزخورماتو بیر ییل سۇنگرا ۲۰۱۵-نجی ییلدا حشد شعبی و عیراغینگ کۆرت دۇلانشیغی نینگ گۆیچلری نینگ آراسیندا چاقنیشیغینا سبأپ بۇلوپدی.

 



دِگیشلی حابارلار