علی‌یف پوتین بیلن دوشوشدی

روسیا بیلن آذربایجان ینگ یۇلباشچیلاری دوشوشدی

علی‌یف پوتین بیلن دوشوشدی

 

روسیانینگ دؤولت یۇلباشچیسی ولادیمیر پوتین آذربایجان ینگ جمهورباشلیغی الهام علی یف بیلن دوشوشدی.

کرملین دن بریلن حابارا گؤرأ، بۆتین دۆنیأ فوتبال یاریشی نینگ آچیلیش داباراسینا قاتناشماق اۆچین مسکو باران علی یف پوتین بیلن دوشوشدی.

دوشوشیقدا علی یووینگ ۳۰-نجی آگوست دا روسیا ساپار قوراجاقدیغینی آیدان پوتین،

"قاتناشیقلاریمیز باشارجانگ یاغدایدا اؤسیأر. ۲۰۱۷-نجی ییلدا سؤودا موقداریمیز ۳۴.۴ گؤتریم یۇقارلادی. ۲۰۱۸-نجی ییلینگ ایلکینجی ۳ آییندا دا ۱۹ گؤتریم اؤسۆش بار. مونی قۇلداماق گره‌کلی" دیدی.

پوتین اؤزآرا قاتناشیقلارداقی سیاسی دورنوقلیلیغا دا اۆنس چکدی.

علی یف ده روسیا بیلن آذربایجان آراسینداقی قاتناشیقلارینگ اؤسمه‌گینه حۇشاللیق بیلدیردی.

آذربایجان ینگ روسیا بیلن دۇست، ایشدش و استراتژیک اۇرتاق بۇلاندیغینی نیغتان علی یف،

"شو ییل و گچنکی ییل ایقدیصادیه‌ت پوداغیندا قاتناشیقلاریمیز اؤرأن قۇوی. ایقدیصادی قاتناشیقلاریمیزی حاص هم اؤسدۆرمه‌ک اۆچین پلانلاریمیز بار. دمیرقازیق- گۆن اۇرتا پروژه سی نینگ قۇوی نتیجه لرینی گؤریأریس. روسیادان آذربایجانا یۆک ترانزیتی یۇقارلایار بو مسئله ده تاغاللالاریمیزینگ نتیجه سیدیر" دیدی.

 



دِگیشلی حابارلار