قبرس ینگ یۇلباشچیلاری گوترش بیلن دوشوشدی
گوترش قبرس کنفرانسی نینگ شو آی تأزه دن قورالماغی باراسیندا ایلالاشاندیقلارینی بیان اتدی
قبرس مسئله سینه اساسی چؤزگۆت تاپماغی ماقصات ادیأن دوشوشیقلار شو آی تأزه دن باشلایار.
دمیرقازیق قبرس تۆرک جمهوریتی نینگ جمهورباشلیغی مصطفی آقینجی بیلن گۆن اۇرتا قبرس روم دۇلانشیغی نینگ یۇلباشچیسی نیکوس آناستاسیادیس، بیرلش میللتلر قوراماسی نینگ عمومی یازمانی آنتونیو گوترش آمریکانینگ نیویورک شأهریندأکی بیرلشن میللتلر قوراماسی مرکزینده ماصلاحات گچیردی.
گوترش، آقینجی و آناستاسیادیس ۳ ساغاتدان کؤپرأک دۇوام ادن دوشوشیقدان سۇنگ اۇرتاق بیانات بردی.
گوترش قبرس کنفرانسی نینگ شو آی تأزه دن قورالماغی باراسیندا ایلالاشاندیقلارینی بیان اتدی.
حۇوپسوزلیق و گارانتیلار ماضمونلی اساسلارینگ ایکی تاراپ اۆچین ده أهمیتلی بۇلاندیغینی آیدان گوترش، یۇلباشچیلارینگ تۇپراق، ایه چیلیک، دۇلانشیق و گۆیچ پایلاشیغیندان باشلاپ ژنوده چؤزگۆده قاراشیان مسئله لری بیله لیکده گۆرله‌شجِکدیکلرینی نیغتادی.
بیرلشن میللتلر قوراماسی نینگ عمومی یازمانی، یونان، تۆرکیه، انگلستان و اوروپا بیله له شیگیندن ماقاملار بیلن ده دوشوشجاقدیغینی سؤزلرینه قۇشدی.
آقینجی و آناستاسیادیس مطبوغات گنگه شینده چیقیش اتمه‌دی.
