تۆرکیأنینگ گۆن ترتیبی ۳۳: ایران و آمریکانینگ تحریم سیاساتلاری

جان آجون؛ سیاسات، ایقدیصادیه‌ت و جمغیت غازناسی- ستا

تۆرکیأنینگ گۆن ترتیبی ۳۳: ایران و آمریکانینگ تحریم سیاساتلاری

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز:

آمریکانینگ ایرانینگ اتمی ماقصاتناماسی سبأپلی احمدی نژادینگ زامانیندا قۇیان چأکلندیرمه لری ایرانینگ ایقدیصادیه تینه اولی ضلل یتیردی. ۲۰۱۳-نجی ییلدا جمهورباشلیق حؤکمۆنده سایلانان و عیلمی- رفورمیست حؤکمۆنده گؤرۆلن حسن روحانی بو جهتدن ایران ینگ حالقی اۆچین اولی وعده لر بریأردی. حسن روحانی زامانیندا ۵+۱ یورتلاری بیلن گچیریلن گپله شیکلرینگ نتیجه سینده ایران ینگ اتمی سیناغلارینی چأکلندیرمه گی و گؤزه‌گچیلیک اتمأگه روغصات برمه گی بیلن ایرانا قارشی قۇیولان چأکلندیرمه لرینگ قۇشادیلماغی بارادا قارارا گلینیپدی. بیرلشن میللتلر قوراماسی دا قۇل چکیلن شرطناما ایران ینگ حالقی و ایران ینگ ایقدیصادیه تی اۆچین اولی بیر اومیت چشمه سی بۇلوپدی. بو یاغدای ایران ینگ ایقدیصادیه تینه قیسغا مؤهلِتلیک بیر قالقینیشا سبأپ دؤره‌تسه ده دونالد ترامپ ینگ آمریکانینگ جمهورباشلیقلیغینا سایلانماغیندان سۇنگ ایران بیلن یانگاداندان جدلله شیکلر باشدان گچیریلمأگه باشلاندی.

آمریکا ۲۰۱۸-نجی ییلینگ ۸-نجی ماییندا بیر تاراپلایین حأصیه تده ایلالاشیقدان چیقاندیغینی ایغلان اتدی.

آمریکا، ایران بیلن باغلاشیلان ایلالاشیقدان چکیلندیگینی عایان اتمه گی بیلن یاغدای ایران ینگ ایقدیصادیه تینه یاراماز تأثیر یتیرمأگه باشلادی. ایران ینگ حؤکۆمتی دلارینگ کورسینی رسمی یاغدایدا ۴۲ مۆنگ ریال حؤکمۆنده کسگیتله نسه ده، ارکین بازاردا آمریکان دلاری نینگ هۆممه‌دی اؤرأن یۇقارلادی. ایران ینگ ریالی شو ییلینگ ژانویه آییندان باشلاپ والیونالارینا قارانینگدا شو ییلینگ باشیندان بأری ۱۵۰ گؤتریم هۆممه‌دی قاچدی. ۲۰۱۸-نجی ییلینگ یانوار آییندا ۴۴ مۆنگ ریال بۇلان ۱ آمریکان دلاری سۇنگقی گۆنلرده ۱۱۰ مۆنگ ریالدان گچدی.

آمریکانینگ جمهورباشلیغی دونالد ترامپ ینگ سیاساتی ایرانا قارشی قۇیان چأکلندیرمه‌لردن سۇنگ ایران ینگ حؤکۆمتینی اۆیتگه‌تمه‌کدن زیادا، ایران ینگ اۇرتا گۆن دۇغارداقی اکسانسیونیستیک سیاساتینی دوروزماق و ایرانی بؤلگه ده چأکلندیرمه‌کدن عیباراتدیر. پارس آیلاغی یورتلاری و اسرائیل ایران ینگ بؤلگه دأکی سیاساتیندان بینجالیق بۇلیاندیقلارینی و آمریکا بیلن بیله لیکده ایرانی چأکلندیرمه ک ایسله یأندیکلرینی گیزلأپ هم دورانوقلار.

ایرانی چأکلندیرمه لری نینگ اۆستی بیلن نیشانا آلیپ، بؤلگه دأکی وکیلچیلیکلی گۆیچلرینه بریأن پوللارینگ و چشمه لری نینگ چأکلدیرمه گی و شیله لیک بیلن ایران ینگ دۇلولیغینا چأکلندیریلمه گی ماقصات ادینیلیأر.

آمریکانینگ ایرانا قارشی قۇیان چأکلندیرمه لری بیلن ایران ینگ آمریکان دلاری، آلتین و بیله کی قیممات باهالی داشلار بیلن سؤودا ادیپ بیلمه گی نینگ اؤنگۆنی آلماق ماقصات ادینیلیأر. موندان باشغا دا چأکلندیرمه لرینگ چأگینده ایرانا اوچار و اوچارینگ بؤله کلری هم بریلمز. قۇیولان چأکلندیرمه لر بیلن ایران داقی اتومبیل پوداغی هم نیشانا آلیندی.

آمریکانینگ چأکلندیرمه لری سبأپلی ایران داقی مایا قۇیوملارینی بس ادن کأرحانالارینگ آراسیندا دایملر هم بار. دایملر کأرحاناسی مایا قۇیوملارینی آرتدیرماغی و ایران دا یۆک اولاغلارینی اؤندۆرمه گی میلله شدیریأن بۇلسا، آمریکان پرزیدنت دونالد ترامپ ینگ ایرانا قارشی چأکلندیرمه لر قابول اتمه گیندن سۇنگ کأرحانا ایران بیلن باغلی میلنامالارینی یانگاداندان گؤزدن گچیرمه لی بۇلدی. آمریکانینگ جمهورباشلیغی ترامپ، توییتر اۆستی بیلن برن بیاناتیندا چأکلندیرمه لره قارامازدان ایران بیلن سؤودا ادیأن کأرحانالارینگ آمریکا بیلن سؤودا ادیپ بیلمه‌جِکدیگینی حابار بردی.

آمریکانینگ سۇنگقی واغتلاردا چأکلندیرمه لرینی یۇقارلاتماغی آصلینا قارالاندا آمریکان داشاری سیاساتی نینگ اۆیتگه‌یأندیگینی گؤرکِزیأر. تۆرکیأ برانسون واقاسی اۆچین چأکلندیرمه گیریزیلجکدیگینی آیدیپ حمله آتان آمریکا شۇل بیر واغتدا روسیا قارشی هم چأکلندیرمه گیریزیأر. موندان باشغا دا حیتایا قارشی گیریزیلن سانکسیالارینی هم شۇل گؤرنۆشده قابول اتمه لیدیرس. فلسطین مسئله سینده بیرلشن میللتلر قوراماسینداقی یریندن بۆتین دۆنیأ حمله آتان آمریکانینگ چأکلندیرمه سیاساتی قیسغا واغتدا آمریکا اۆچین اۇنقین نتیجه برسه ده، اوزاق مؤهلِتده آمریکانینگ دۆنیأدأکی یرینی حۇوپ آستینا آتار و آمریکانی یالنگیزلاشدیرار.

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقادینگیز.



دِگیشلی حابارلار