پ. ی. د/ ی. پ. گ ترور قوراماسی‌نینگ حاقیقی یۆزی

آدامزات حقوغیندان سؤز ادن گۆیچلر، ترورچی تۇپارا نأمه اۆچین قۇلداو بریأر؟

پ. ی. د/ ی. پ. گ ترور قوراماسی‌نینگ حاقیقی یۆزی

پ. ی. د/ ی. پ. گ آدام حقوقلارینی باسغیلاماغا دۇوام ادیأر

پ. ک. ک / ک. ج. ک قوراماسی دؤره‌دیلن گۆنۆندن بأری گۆن دۇغار و گۆن اۇرتا گۆن دۇغار آناتولی دا یاشایان رایاتلارینگ باسیش آرقالی و جانینا قاصت اتمه‌ک آرقالی اؤزلرینه تابین بۇلماغی اۆچین یؤریته استراتژی آلیپ باریار. قورامانینگ سوریه دأکی بؤله گی پ. ی. د/ ی. پ. گ هم سوریه ده ادیل شۇل استراتژینی آلیپ باریار.

پ. ی. د/ ی. پ. گ ترور قوراماسی بؤلگه ده یکه اؤزی حؤکۆم سۆرمه‌ک ماقصادی بیلن کۆرتلر، عاراپلار، تۆرکمنلر و یزیدیلر یالی بیله کی اتنیک جمغیتلره قارشی اتنیکی صاپلاییش بیلن بیرلیکده آدامزات جنایاتینی ادیأر. یۇقاردا آدی آغزالیان باسغیلامالار حالقارا آدام حقوقلاری تاراپیندان بِللیگه آلینیار و بو مسئله بۇیونچا حابارنامالار طایارلانیار. ترور قوراماسی پ. ی. د/ ی. پ. گ نینگ ظلمی سبأپلی حالق یرینی یوردونی ترک ادیپ باشغا یرلره گؤچمه‌لی بۇلدی. پ. ی. د/ ی. پ. گ نینگ ظلمیندان قاچانلار تۆرکیأنینگ سوریه لیلر اۆچین آلیپ باریان آچیق قاپیلار سیاساتینا لاییقلیقدا اینامدار یورت حؤکمۆنده تۆرکیأنی سایلاپ آلدیلار.

پ. ی. د/ ی. پ. گ نینگ ادن جنایاتلارینا و آدام حقوقلارینی باسغیلایاندیغینا قارامازدان داعش تۇپارینا قارشی گؤره‌ش باهاناسی بیلن ترور قوراماسینا قۇلداو بریأن داشاری گۆیچلر آدی آغزالیان باسغیلامالاری گؤرمه‌دیکسیریأر. ترور قوراماسی داعشه قارشی کؤره‌ش باهاناسی بیلن بریلن یاراغ و اۇق دأری کؤمگی نینگ اساسی بؤله‌گی بؤلگه ده یاشایان کۆرت، عاراپ و تۆرکمنلر یالی بیله کی حالقارا قارشی اولانیلیار.

موصل اۆچین سوریه آدام حقوقلاری قوراماسی تاراپیندان ۲۰۱۶-نجی ییلینگ یانوار (ژانویه) آییندا چاپ ادیلن حابارنامادا پ. ی. د/ ی. پ. گ نینگ گؤزه‌گچیلیگی آستینداقی شأهِرلرده اتنیکی صاپلاییش ادیلیأندیگی، حالقینگ اللرینه یاراغ آلماغا یادا گؤچمأگه زۇرلانیاندیغی نیغتالیار.

حابارنامانینگ چاپ ادیلن گۆنۆنه چنلی ۵۱-ی چاغا، ۴۳-ی زنانا و ظلم سبأپلی اؤلِن ۱۶ آدام بیلن بیرلیکده آسودا ایلاتدان آزیندان ۴۰۷ آدامینگ پ. ی. د/ ی. پ. گ تاراپیندان اؤلدۆریلندیگی بِللیگه آلینیپدیر.

آدام حقوقلاری قوراماسی‌نینگ ۲۰۱۴-نجی ییلینگ ایون آییندا چاپ ادن "Under Kurdish Rule: Abuses in PYD-Run Enclawes of Syria" آدلی حابارناماسیندا هم، پ. ی. د/ ی. پ. گ ترور قوراماسی نینگ سیاسی تایدان اؤزۆنه بأسدِه‌ش گؤریأن آداملارینی ییغی- ییغیدان ضامون آلیناندیغی و اؤلدۆریلندیکلری نیغتالیار. حابارنامادا پ. ی. د – نینگ قارشیداشی محالیف پارتیا بۇلان سوریأنینگ کۆرت دموکراتیک پارتیاسی پ. د. ک. س نینگ آغضالارینا اربت دارالاندیغی و هیچ حیلی سبأپسیز توسساغ ادیلندیگی بِلله‌نیلیأر.

پ. ی. د/ ی. پ. گ نینگ اتنیکی صاپلاییش ادیأندیگینی و آدام حقوقلارینی باسغیلاماغینی ثبوت ادیأن کأبیر میثاللار؛

 

اپوزیسیونلارینگ جانینا قاصت ادیلمه‌گی

 

سوریأنینگ هایسیدیر بیر قورامانینگ دؤره‌دیلمه‌گینه روغصات برمه یأن ترور قوراماسی پ. ی. د/ ی. پ. گ اپوزیسیونلارینگ جانینا قاصت ادیأر.

ترور قوراماسی پ. ی. د/ ی. پ. گ اپوزسیونلارینگ حانینا قاصت اتمأگه ۲۰۱۱-نجی ییلینگ اکتیابر آییندا سوریه‌دأکی اپوزیسیونلار کۆرتلردن عیبارات گلجگینگ پارتیاسی نینگ یۇلباشچیسی میشل تمون ینگ حانینا قاصت اتمه‌ک بیلن باشلایار. اسده تابینلیقداقی گۆیچلر بیلن بیرلیکده حرکت ادیأندیگی گؤرلِن ترور قوراماسی نینگ قاصت ادیلشیکلری بؤلگه دأکی کۆرتلرینگ قارشیلیغینا سبأپ بۇلیار.

پ. ی. د/ پ. ک. ک نینگ شۇل قاصت ادیلشیگیندن سۇنگ محالیفلارا قارشی قورایان هۆجۆملری دۇوام ادیأر. اولی تیره طایپاردان بیری نینگ یۇلباشچیسی عبدالله بدرو بیلن سوریه کۆرتلری دموکراتیک جبیسلیک پارتیاسی نینگ حلب دن جۇغاپکأر یۇلباشچیسی شهرزاد حاج رشید ترور قوراماسی تاراپیندان اؤدۆریلیأر.

موندان باشغادا سوریه کۆردیستان دموکرات پارتیاسی نینگ باشلیغی صلاح بدرالدین ترور قوراماسی نینگ باسیشی سبأپلی آلمانیانینگ اۆستی بیلن اربیل شأهِرینه قاچیار.

سوریه ده ساواشدان اؤنگ ۱۲ کۆرت تۇپار بار بۇلسا، حأضیر دینگه پ. ک. ک/ پ. ی. د قالدی.

یۆزمۆنگلرچه کۆرت باسیش سبأپلی پ. ک. ک/ پ. ی. د نینگ گؤزه‌گچیلیغی آستینداقی شأهِرلردن گؤچمه‌لی بۇلدی. سوریه لی ۳۵۰ مۆنگ کۆرت تۆرکیأ گلدی و تۆرکیه‌ده یاشاماغا دۇوام ادیأر.

موندان باشغا دا عموده ده ۲۰۱۳-نجی ییلینگ ۲۷-نجی ایون یندا پ. ی. د/ ی. پ. گ قوراماسینا قارشی قورالان یؤریشده پ. ی. د/ ی. پ. گ- أ آغضا ترورچیلارینگ پروتستچیلارا قارشی اۇد آچماغی سبأپلی ۳ گۆنده ۸ آدام اؤلدی. شۇل یؤریشلرده یکیتی پارتیاسینا آغضا ۵۰ آدام پ. ی. د/ ی. پ. گ تاراپیندان ی. پ. گ نینگ مرکزینه آلیپ گیدیلدی و ینجیلدی.

 

توسساغ ادیلنلرینگ یادا ساقلانانلارینگ آدام حقوقلاری باسغیلاندی

 

ترور قوراماسی نینگ پلیس قوللوغی حؤکمۆنده آدلاندیریلان آسایش هم آدام حقوقلارینی باسغیلاندیغی آدام حقوقلارینی قۇرایجی قورامالار تاراپیندان بِللیگه آلیندی.

ساقلانان یادا توسساغ ادیلن شخصلارا اربِت دارالدی و اۇلارا ظلم ادیلدی، اۇلارینگ کأبیری نینگ توسساغلیقدا اؤلِندیگی آنیقلاندی. HRW-نینگ حابارناماسینا گؤرأ، عفرین ده ساقلانان حنان حمدوش، بیرنأچه واغت سۇنگ اؤدۆریلیپدیر، اِمما پ. ی. د/ ی. پ. گ تارزاپیندان کله سینی دیوارا اوراندیغی سبأپلی اؤلِندیگی اؤنگه سۆرۆلیپدیر. ۲۰۱۴-نجی ییلینگ فورال آییندا سرکانیه شأهِرینده باشدان گچیریلن واقادا بۇلسا ۲۴ یاشینداقی روشن آتاش پ. ی. د تاراپیندان اؤلدۆریلیپدیر.

حابارناما گؤرأ، ۲۰۱۲- ۲۰۱۴-نجی ییللارینگ آرالیغیندا پ. ی. د/ ی. پ. گ-أ قارشی توتوم آلیپ باراندیقلاری سبأپلی بؤلگه‌ده باشدان گچیریلن ۹ جنایاتینگ و درکسیز ییتمه واقاسی نینگ جۇغاپکأری‌نینگ پ. ی. د/ ی. پ. گ بۇلاندیغی باراسیندا هیچ شک یۇقدیر.

 

زنانالار و چاغالارا قارشی ادیلن ظلم

 

ترور قوراماسی پ. ی. د/ ی. پ. گ سوریه ده اله گچیرلن شأهِرلرده حأکیمیتینی قوراپ ساقلاماق ماقصادی بیلن اساسان زنانالارا و چاغالارا باسیش ادیأر.

پ. ی. د/ ی. پ. گ نینگ بو باسیشی سوریه آدام حقوقلاری قوراماسی نینگ ۲۰۱۶-نجی ییلینگ یانوار آیینداقی حابارناماسیندا هم یر آلیار. دگیشلی حابارنامادا ۲۰۱۱- ۲۰۱۶-نجی ییلارینگ آرالیغیندا ۴۲ زنانانینگ پ. ی. د/ ی. پ. گ-أ آغضا ترورچیلار تاراپیندان اؤلدۆریلندیگی نیغتالیار. شۇل زنانالاردان حلب ینگ سیقول اۇباسیندا یاشایان نبیه الصلاح ۲۰۱۵-نجی ییلینگ ۱۴-نجی آگوستیندا پ. ی. د/ ی. پ. گ- لی ترورچیلار تاراپیندان رقه – تل عبید یۇلونینگ اوغروندا ۳ گۆلـله بیلن آتیلیپ اؤلدۆریلیأر.

حابارنامادا ۵۸ یاشینداقی طرفه خلیل الحسودینگ هم آدامسینی اؤلدۆرن پ. ی. د/ ی. پ. گ-لیلاردان گیزلِنمأگه چالیشیارقا اؤیۆنده اؤلدۆریلندیگی نیغتالیار. موندان باشغا دا دگیشلی حابارناما گؤرأ، پ. ی. د/ ی. پ. گ ۲۰۱۴-نجی ییلینگ یانوار آییندان ۲۰۱۵-نجی ییلینگ اکتیابر آیینا چنلی حسکه، قامیشلی، عفرین یالی شأهِرلرده "مجبوری قشون قوللوغی" آدی بیلن ۸۸ زنانا ساقلانیپدیر.

 

اتنیکی صاپلاییش و حالقی زۇر بیلن گؤچۆرمه‌ک

 

پ. ی. د/ ی. پ. گ ترور قوراماسی نینگ تأثیرلی بۇلان شأهِرلرینده عاراپلار و تۆرکمنلر بیلن بیرلیکده سریانی و ارمنی یالی اتنیکی تۇپارلار یاشایار.

اله گچیرلن یرلرینده اؤز حأکیمیه‌تینی گۆیچلِندیرمأگه سینانشان ترور قوراماسی شۇل شأهِرلرده یاشایان حالقینگ باشغا یرلره گؤچمه گی اۆچین باسیش ادیأر. کأبیر یرلری ییقیپ دموگرافیک قورلوشینی اۆیتگِه‌دیأر.

سوریه آدام حقوقلاری قوراماسی نینگ حابارناماسیندا حسکه ده ۱۰۰-ِه قۇلای تۆرکمن ماشغالانینگ ظلم و باسیشا سزه ور بۇلاندیغی نیغتالیار. تۆرکمنلر ایلکی یوردونگ باشغا یرلرینه گؤچمه لی بۇلیار، سۇنگ بۇلسا دیسه‌نگ آغیر شرطلرده تۆرکیأ گلیأر.

سوریه آدام حقوقلاری قوراماسی تاراپیندان ۲۰۱۶-نجی ییلدا طایارلانان حابارنامادا پ. ی. د/ ی. پ. گ نینگ یاشاییش یرلرینه گیریپ حالقی تالاندیغی، کۆرت ایلاتینگ یاشامایان شأهِرلرینده اتنیکی صاپلاییش ادندیگی، اؤیلرینگ یاقیلیپ ییقیلاندیغی و انسانلارا باشغا یرلره گؤچمه‌کلری اۆچین باسیش ادیلندیگی بِلله‌نیلیأر.

حابارناما گؤرأ، اساسی بؤله‌گی عاراپ، اۇن مۆگلرچه آدام پ. ی. د/ ی. پ. گ تاراپیندان باشغا یرلره گؤچۆریلیأر. اؤیلری ییقیلیار. شۇل آکسیالارینگ رم شرطناماسی نینگ ۸-نجی مادداسینا لاییقلیقدا حاربی جنایات، آدمزادا قارشی ادیلن جنایات و حالقارا آدام حقوقلاری نینگ باسغیلانماغی مانیسینی آنگلادیاندیغینا اۆنس چکیلیأر.

حابارناما گؤرأ ۹ یاشاییش یری دۇلولیغینا ییقیلیپدیر و یاشاییجیلاری یرینی یوردونی ترک اتمه‌لی بۇلوپدیر. ۱۹ اۇبا یۇق ادیلیپدیر. ایسله‌نمه‌یأن آداملار شۇل یرلردن سۆرگۆن ادیلیپدیر. موندان باشغا دا پ. ی. د/ ی. پ. گ ترور قوراماسی اله گچیرن اۇبالاریندا اتنیکی صاپلاییش ادیپدیر. حالقا حمله آتیپدیر و ظلم آرقالی کۆرت بۇلمایان ایلاتی باشغا یرلره گؤچۆریپدیر. سوریه آدام حقوقلاری قوراماسی تاراپیندان طایارلانان حابارناما گؤرأ آزیندان ۴۹ یردن اۇن مۆنگرلرچه آدام سۆرگۆن ادیلیپدیر.

پ. ی. د/ ی. پ. گ ترور قوراماسی ۲۰۱۵-نجی ییلینگ ۲۶-نجی مای ییندا حسکه اترابی نینگ گۆن اۇرتاسیندا یرله شیأن ۲۶-دان قۇوراق اۇبادا یاشایان حالقا اۇبالاری ترک اتمه ک اۆچین ۲۴ ساغاتلیق مؤهلِت بریپدیر. شۇل اۇبالاردان بیرینده یاشایان شایادینگ آیتماغینا گؤرأ، پ. ی. د/ ی. پ. گ-أ آغضا ترورچیلارینگ اۇبا گلمه‌کلری بیلن بیرلیکده عاراپلارا قارشی توتوم آلیپ باریپدیر و تۇسلاما کۆردیستان دا عاراپلارا و تۆرکمنلره یرینگ یۇقدیغی آیدیلیپدیر و بیرنأچه اؤی ترورچیلار تاراپیندان ییقیلیپدیر.

حابارنامادا یر آلان باشغا بیر میثال بۇلسا ۲۰۱۵-نجی ییلینگ فورال آییندا باشدان گچیریلیأر.

واقا حسکه ده ۱۰۰ تۆرکمن ماشغالانینگ توسساغ ادیلمه‌گی و ماشغالا آغضالارینا ظلم ادیلمه‌گی بیلن آراباغلانشیقلی. آدی آغزالیان ماشغالالار اؤیلرینی ترک ادیپ تۆرکیأ گلدی. حالقارا گۆنأ گچیلشیک قوراماسی نینگ ۲۰۱۵-نجی ییلینگ اکتیابر آییندا شایاتلارینگ دۆشۆندیریشینه و عملی همرا آرقالی آلینان ویدئو یازغیلارا اساسلانیان "گیدره باشغا یریم یۇق" آدلی حابارناماسیندا هم ترور قوراماسی پ. ی. د/ ی. پ. گ نینگ ادن جنایاتلارینی، اتنیکی صاپلاییشلارینی سۆرگۆنلرینی گؤرکِزیأر.

حابارنامادا تل خمیس شأهِرینده یرله شیأن عاراپ اۇباسی حسینیه ده اؤیلری ییقیلان اۇبالار بیلن گچیریلن گۆررۆنگدِشلیکلره هم یر بریلیپدیر. حابارنامادا شیله هم اۇبانینگ ۲۰۱۴-نجی ییلینگ ایون آییندا و ۲۰۱۵-نجی ییلینگ ایون آیینداقی یاغدایلارینی گؤرکِزیأن هملی همرا (ماهواره) آرقالی دۆشۆرلن فتوصوراتلارا یر بریلیپدیر. فتو صوراتلار ۲۲۵ اؤیلی اۇبانینگ ۱ ییلدا ۹۴ گؤتریمی نینگ ییقیلاندیغینی دینگه ۱۴ جایینگ اؤز دورقونی قۇراپ ساقلایاندیغینی گؤرکِزیأر.

حالقارا گۆنأ گچیلشیک قوراماسی نینگ هۆنأرمنی لما فقیه " پ. ی. د/ ی. پ. گ آسودا ایلاتینگ اؤیلرینی و اۇبالارینی دۇلولیغینا ییقیپ یوموریار، یاشاییجیلاری نینگ یرینی یوردونی ترک اتمه‌کلری اۆچین باسیش ادیأر، حالقارا حقوق قادالارینی باسغیلایار" دیدی.

 

چاغا ساواشچیلار

 

پ. ی. د/ ی. پ. گ ترور قوراماسی سوریه ده قوران ترورچیلیقلاری هۆجۆملری نتیجه سینده اله گچیرلن شأهِلرینده کؤپ سانلی چاغانینگ الینه یاراغ بریپ اۇلاری چاقنیشیقلاردا اؤنگ حاتاردا ساواشدیردی.

حالقارا شرطنامالاردا میثال اۆچین ۱۹۴۹-نجی ییلدا باغلاشیلان ساواش دؤورۆنده آسودا ایلاتینگ قۇرالماغی باراداقی ژنو شرطناماسیندا، ۱۹۸۹-نجی ییلدا باغلاشیلان بیرلشن میللتلر قوراماسی نینگ چاغالارینگ حاق حقوقلاری شرطناماسیندا بِلله‌نیشی یالی چاغالارینگ ساواشدیریلماغی قاداغان. اِمما پ. ی. د/ ی. پ. گ نینگ بو قاداغانچیلیغا قارامازدان چاغالاری ساواشدیریاندیغی حالقارا قورامالارینگ حابارناماسیندا نیغتالیار.

بیرلشن میللتلر قوراماسی نینگ چأگینده ایش آلیپ باریان حالقارا قاراشسیز سوریه عیلمی بارلاغ کمیسیونی نینگ ۲۰۱۳-نجی ییلینگ ۱۶-نجی آگوستیبندا چاپ ادن حابارناماسیندا عفرین و حسکه اتراپچاریندا پ. ی. د/ ی. پ. گ نینگ ۱۲-نجی یاشینداقی قیزلاری و اۇغلانلاری ساواشدیریاندیغی یاتلادیلیار.

بیرلشن میللتلر قوراماسی نینگ سوریه دأکی چاغالار و یاراغلی چاقنیشیقلار آتلی حابارناماسیندا حسکه اترابیندا ۱۴-۱۷ یاش آرالیغینداقی چاغالارینگ ترور قوراماسی نینگ حاتاریندا ساواشیاندیقلاری نیغتالیار.

آمریکانینگ ۲۰۱۶-نجی ییلینگ ایون آییندا چاپ ادن انسان سؤوداسی حابارناماسیندا، پ. ی. د/ ی. پ. گ ترور قوراماسینی ۱۵ یاشینا یتمه‌دیک قیزجاغازلاری و اۇغلانجیقلاری ترور قوراماسی نینگ آغضاسی حؤکمۆنده اۇلارا حاربی ساپاق برلندیگی یاتلادیلیار.

شۇل حابارناما گؤرأ، ۲۰۱۵-نجی ییلینگ آپرل آییندا عفرین ده ترور قوراماسی تاراپیندان ۱۶ یاشینداقی قیزجاغاز ماشغالالاری نینگ نأراضیلیغینا قارامازدان پ. ی. د/ ی. پ. گ تاراپیندان ضامون آلینیپدیر.

آدام حقوقلاری قوراماسی نینگ ۲۰۱۴-نجی ییلدا چاپ ادن "کۆرت دۇلانشیغی آستیندا" آدلی حابارنامادا پ. ی. د/ ی. پ. گ نینگ ۱۸ یاشینا یتمه‌دیک چاغالاری قورامانینگ آغضاسی حؤکمۆنده ساواشدیراندیغی یاتلادیلیار.

آدام حقوقلاری قوراماسی نینگ چاغا ساواشچیلار بارادا ۵۹ چاغادان عیبارات یؤریته ساناوی نینگ باردیغی و آدی آغزالیان چاغالاردان ۱۰-ی نینگ ۱۵ یاشیندان کیچیدیگی نیغتالیار.

 



دِگیشلی حابارلار