آق‌تۇقای دا ماغتیم‌قولی پیراغی یاتلاندی

آق توقای دا تۆرکمنلرینگ میللی شاهیرینا باغیشلانان دابارالار گچیریلدی

آق‌تۇقای دا ماغتیم‌قولی پیراغی یاتلاندی

تۆرکمنلرینگ میللی شاهیری ماغتیم قولی پیراغی نینگ ۲۸۵-نجی دۇغلان ییلی نینگ قوتلاما دابارالاری شاهیرینگ و قاقاسی نینگ قۇنامچیلیغیندا اولی دابارا بیلن گچیریلدی.

ایران ینگ تۆرکمن صحرا بؤلگه سینده، گۆلیستان و دمیرقازیق خراسان ولایاتلاری نینگ دۆرلی شأهِرلرینده ماغتیم قولی هپده‌سی میناسیبتلی دۆرلی چأره لر گچیریلیپدی.

چأره لرینگ اینگ اولیسی بۇلسا پنج شنبه گۆنی آق تۇقای دا گچیریلدی.

دابارا ایران ینگ مدنیت وزیری بیلن بیله لیکده داشاری یورتلی میهمانلار دا قاتناشدی.

ایران ینگ مدنیت وزیری سیدعباس صالحی تۆرکمن ینگ میللی شاهیرینا باغیشلانان دابارادا برن بیاناتیندا ماغتیم قولا بۇلان سؤیگی‌نینگ دینگه تۆرکمنلرینگ آراسیندا دأل، ایسه‌م ایران و بۆتین دۆنیأ حالقلاری نینگ آراسیندا یۇقارلایاندیغینی بیلدیردی.

صالحی قۇلایدا تۆرکمنیستان دؤولتی بیلن بیله لیکده ماغتیم قولی پیراغی باراسیندا حالقارا کنفرانس گچیریلجکدیگینی ده سؤزلرینه قۇشدی.

دابارادا گۆلیستان ولایاتی نینگ حأکیمی سیدمناف هاشمی، کلالا و ماراوادپه شأهِرلری نینگ مجلیس وکیلی شهرام کؤسه غارراوی و ماراوادپه شأهِری نینگ حأکیمی اسماعیل تاجی دا چیقیش اتدی.

(صورات: ماغتیم قولی پیراغی نینگ آنکارانینگ تۆرکمنیستان پارکینداقی یأدیگأرچیلیگی )

 



دِگیشلی حابارلار