بلوچیستان داقی هۆجۆمده ۲۷ پاسدار آرادان چیقدی

ایران: آمریکا، ایسرائیل و اۇلارینگ بؤلگه‌دأکی ایشگأرلری بو هۆجۆمه قۇلداو بردی

بلوچیستان داقی هۆجۆمده ۲۷ پاسدار آرادان چیقدی

 

ایران دا دۆین آغشام آغدارلیشیق قۇراییجیلارینگ اتوبوسینا ادیلن اؤزۆندن گچمه‌لیک (انتحاری) هۆجۆمده ۲۷ پاسدار اؤلدی، ۱۳ پاسدار یارالاندی.

ایران ینگ دؤولت تلویزیونی نینگ حابارینا گؤرأ سیستان و بلوچیستان ولایاتی نینگ زاهدان بیلن خاش آراسینداقی یۇلوندا سپاه ینگ عسگرلرینی آلیپ باریان اتوبوسا اؤزۆندن گچمه‌لیک هۆجۆم قورالدی.

سپاه ینگ برن ماغلوماتینا گؤرأ بمبالی اولاغ (ماشین) بیلن ادیلن هۆجۆمده آغدارلیشیغی قۇراییش قشونی نینگ قوری یر گۆیچلری نینگ قدس قرارگاهینداقی سرحِت قۇراییجیلارینگ اتوبوسی نیشان آلیندی.

سپاه، ۲۷ عسگری نینگ اؤلِندیگینی و ۱۳ عسگری نینگ یارالاناندیغینی نیغتادی و هۆجۆمینگ اسرائیل و امپریالیست گۆیچلرینگ قۇلداوی بیلن قورالاندیغینی بیلدیردی.

ایران ینگ جمهورباشلیغی حسن روحانی دا "آق تام، تل آویو و اۇلارینگ بؤلگه دأکی ایشگأرلری" بو ترورچیلیق هۆجۆمینی اتدی دیدی.

ایران ینگ داشاری ایشلر وزیرلیگی نینگ مطبوغات گنگه شچیسی بهرام قاسمی بۇلسا بو هۆجۆمده بؤلگه دأکی یورتلارینگ الی نینگ باردیغینی بیلدیردی.

قاسمی "ایران حالقی نینگ چاغالاری حؤکمأن آرینی آلجاقدیر" دییپ آیتدی.

هۆجۆمینگ جیش العدل آدلی قوراما تاراپیندان ادیلندیگی حابار بریلدی.

جیش العدل اتوبوسداقی ۴۰ عسگرینگ ده بو هۆجۆمده اؤلِندیگینی اؤنگه سۆردی.

ایران ینگ داشاری ایشلر وزیری جواد ظریف توییتردان واقا بیلن باغلانشیقلی یازماچا بیانات بردی.

ظریف بو هۆجۆمه آمریکانینگ تاراپیندان قۇلداو بریلیأندیگینی آیتدی.

سیستان و بلوچیستان دا ۳ گۆنلۆک یاس ایغلان ادیلدی.



دِگیشلی حابارلار