ایسرائیل ینگ آمریکا دۆشیأن قیمماتی

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایارسینگیز

ایسرائیل ینگ آمریکا دۆشیأن قیمماتی

 

ایسرائیل ینگ آمریکا دۆشیأن قیمماتی

آمریکاداقی گلوبال سیاساتا سِر سالانیمیزدا قادالار تایدان کؤپ سانلی تانقیدی بِللیکلریمیز بار هم بۇلسا، شۇل سیاساتینگ بأحبیدینه اساسلانیاندیغینی آنگساتلیق بیلن گؤرمه ک بۇلیار. آمریکانینگ یاقین گۆن دۇغار بۇیونچا سیاساتینا سر سالیناندا بۇلسا شۇل سیاساتینگ قادالار بیله ده دورسون، اؤز یوردونینگ، آمریکان حالقی نینگ بأحبیدینه بۇلاندیغینی آیتماق مۆمکین دأل.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایارسینگیز:

بۆتین دۆنیأ میللتلری نینگ قارشی دوریاندیغینا، بیرلشن میللتلر قوراماسینداقی سسه قۇیولشیقدا بیرنأچه گؤنۆکدیرمه دؤولتدن باشغا یکه یالنگیز قالاندیغینا قارامازدان آمریکانینگ قدس شأهِرینی ایسرائیلینگ پایتاغتی حؤکمۆنده ایغلان اتمه ک باراداقی قاراری آمریکان حالقینا قادالار درجه سینده و مادی تایدان نأحیللی بأحبیت گتیردیکأ؟

سوریه ده آمریکانینگ نأمه اتمه ک ایسله یأندیگی ماقصادی نینگ نأمه دیگی بارادا قاناغاتلانارلی دۆشۆندیریش بار می؟

اؤزی تاراپیندان هم ترور قوراماسی حؤکمۆنده ایقرار ادیلیأن پ. ک. ک نینگ تۆرکیه تاراپیندان سوریه دأکی بؤله‌گی حؤکمۆنده قابول ادیلیأن ی. پ. گ- أ آچ آچان قۇلداو برمه گی نینگ یرلیکلی دۆشۆندیریشی بۇلوپ بیلر می؟

تۆرکیأ آبای سیاسات...

سۇنگقی گِزِک آمریکانینگ جمهورباشلیغی ترامپ ترور قوراماسی ی. پ. گ- أ هۆجۆم ادن حالاتیندا ایقدیصادیه تینه آغیر ضاربا اورجاقدیغینی بیان ادیپ تۆرکیأ حمله آتدی.

البتده تۆرکیه آمریکانینگ آبای- سیاساتینا بۇیون اِگیپ، سرحِدینده ترور قوراماسی نینگ ایش آلیپ بارماغینا یۇل برمه‌ز. اۇنلارچا ییللاردان بأری اؤزۆنه و آسودا ایلاتینا قارشی أهلی ترور آکسیالارینی قوران قورامانینگ سرحدینده دؤولت قورماغینا سینچی بۇلوپ قالماز. آمریکانینگ آچ آچان آبای- سیاساتینا قارامازدان تۆرکیأنینگ اساسی ماقصادی بؤلگه دأکی ترور قورامالارینی یۇق اتمه ک بۇلاندیغی اۆچین آمریکا پاراساتلی چمه له شیأر. اِمما تۆرکیه چأره سیز دأل. گره ک بۇلان حالاتیندا آمریکا بیلن أهلی قاتناشیقلاری سلجریپ بیلر. تۆرکیه اؤز گلجگی تایدان حۇوپ عمله گتیریأن باشلانغیچلارینگ اؤنگۆنی آلماق اۆچین آمریکا بیلن أهلی قاتناشیقلاری بس اتمه ک بیلن بیرلیکده أهلی چأره لری سلجرر. تۆرکیه ایندی اۇزالقی تۆرکیه دأل.

آمریکانینگ یاقین گۆن دۇغارداقی تاپاووتلی و حاقیقاتدان اوزاق سیاساتی نینگ حاقیقاتا اساسلانیاندیغی دۇغری می؟

بو تایدان طبیغی یاغدایدا آمریکانینگ یاقین گۆن دۇغاردا نأمه سبأپدن نه قادالار، نه ده مادی تایدان اؤزۆنه پیدا گتیرمه یأن حاقیقاتدان اوزاق سیاسات آلیپ باریاندیغی سۇراغی یادا دۆشیأر.

قدس باراداقی قاراریندا بۇلشی یالی نأمه اۆچین بۆتین دۆنیأ میللتلرینه قارشی دوریارلار؟

تۆرکیأنی دۇلولیغینا ییتیرجکدیگینه قارامازدان اؤزی تارپدان هم ترور قوراماسی حؤکمۆنده ایقرار ادیلن پ. ک. ک نینگ سوریه دأکی بؤله گینی اۇنلارچا ییلدان بأری حیذماتداش قابول اتمه گی، ناتو آغضالیغینگ چأگینده سانلی یورتدا بیله لیکده ایشله شِن یوردی بۇلان تۆرکیأ قارشی نأمه اۆچین قۇلداو بریأر؟

نأمه سبأپدن تۆرکلر، عاراپلار و کۆرتلر تاراپیندان حالانمایان باشلانغیچلارا گیریشیأر؟

ترورچیلیغا آچ آچان قۇلداو بریأن آمریکا دۆشۆنجه سینی نأمه اۆچین دؤره دیأر؟

آمریکا بولاری نأمه اۆچین ادیأر؟

ایسرائیل فاکتوری؟

آمریکا تاراپیندان بولار بارادا داعش و ایران بیلن باغلی بیان نامالار بریلیأر. اِمما بو بیان ناما قناغاتلاندیریجی دأل.

آمریکانینگ چاقلانیلمایان، حاقیقاتدان اوزاق سیاساتلارینا سر ادیلنده بؤلگأمیزده عمومان ایسرائیل بیلن باغلی مسئله لرده شیله شۇوسیزلیقلارینگ یۆزه چیقیاندیغی گؤرۆلیأر. آمریکا ایسرائیل بیلن باغلی مسئله لرده اؤز بأحبیتلرینی هم بیر قیرا قۇییان حاقیقاتدان اوزاق قارایییشا ایه. مسئله ایسرائیل بیلن باغلی بۇلاندا آمریکانینگ یرلیکسیز سیاساتی نینگ شکسیز آمریکا، ایسرائیل، صهیونیست دأل، یهودیلر اۆچین هم قیمماتی آغیر بۇلیار.

ایسرائیل ینگ آمریکا دۆشیأن قیمماتی

آمریکانینگ بأحبیتلرینه أسگِرمِزچیلیک اتمه ک: حأضیرکی دؤوۆرده ییغی- ییغیدان داشاری سیاساتینگ میللی بأحبیتلر اۆچین آلینیپ باریلیاندیغی بیان ادیلیأر. مسئله ایسرائیل بۇلاندا آمریکا اؤز بأحبیتلریندن ال چکیأر.

عادالات، آزاتلیق، آدام حقوقلاری یالی أهلی عمومی قیمماتلیقلارینگ و پاراحاتچیلیغینگ یانیندا دوریان دۆنیأنینگ أهلی آداملارینا قارشی دورماغی: ایسرائیل ینگ باسیپ آلیجی و اکسپلولاتیرلاییجی سیاساتلاری نینگ شرطسیز قۇلدانماغی البنده بۆتین آدامزادینگ ویجدانینی یارالایار، آمریکا دوشمانچیلیغینی گۆیچلندیریأر.

بؤلگه ده یرله شیأن یورتلارا قارشیلیق دؤره‌تمِه‌گی: یاقین گۆن دۇغاردا دینگه بیر ایسرائیلا اساسلانیان سیاسات آلیپ بارماغی، بؤلگه ده یرله شیأن یورتلارا قارشی آبای- سیاسات اتمه گی یورتلار دیمیان هم بۇلسا بؤلگأنینگ حالقلاریندا آشاقارشیلیق دؤره‌دیأر.

آمریکانینگ داشاری سیاساتی نینگ ایسرائیل اۆچین قاراشسیزلیغینی ییتیرمه گی

ایسرائیلی چۇزوش اتمأگه هؤوِسلِه‌ندیرمه گی: آمریکانینگ ایسرائیلا بریأن دۆشنۆکسیز چمه لِشمه‌سی و قۇلداوی ایسرائیلینگ باسیپ آلیجیلیغی، هۆجۆمچی و ژنوسایدا چنلی باریپ یتیأن سیاساتلارینی گۆیچله‌ندیریأر.

آنتی سمیتیزم ینگ یایبانگلانماغی: ایسرائیلا بریلیأن شرطسیز قۇلداو ایسرائیلینگ مؤوجه‌یأن هۆجۆملری و پاجیغالی یاغدایلاری دۆنیأده یایبانگلانیان آنتی سمیتیزمینگ اساسی سبأپلریندن بیری. شکسیز شپهه سیز راسیزم کیمه قارشی بۇلاندیغینا قارامازدان و کیم تاراپیندان ادیلیأندیگینه قارامازدان قابول ادیلمه‌سیزدیر.

ایسرائیل ینگ حۇوپسوزلیق قۇرقوسینی آرتدیرماغی: آمریکانینگ ایسرائیلا شرطسیز قۇلداوی آصلینا سر ادیلنده ایسرائیلینگ حۇوپسوزلیغینا هم قۇشانت قۇشمایار، ترسینه حۇوپسوزلیق قۇرقوسی نینگ حاص دا یۇقارلاماغینا سبأپ بۇلیار.

اؤزۆنه قیسغا و اوزاق مؤهلِتده ایسرائیلا بۇلسا اوزاق مؤهلِتده آچ آچان زیان بریأندیگینه قارامازدان آمریکا ایسرائیلا بریأن دۇغرولاردان اوزاق قۇلداوی نأمه اۆچین شرطسیز دۇوام اتدیریأر؟ البتده بو موضوغ باشغا بیر یازغی نینگ موضوغی. حأضیرلیکچه ایسرائیل لابیسی نینگ گۆیجۆنه قارامازدان آمریکادا هممه لرینگ شۇل دۇغرولاردان اوزاق سیاساتی دۆنیأنینگ اینگ گۆیچلی یوردونینگ کیچیجیک یوردونگ ایزینا دۆشمه گینی قۇلدامایاندیغینی آیداسیم گلیأر.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایاردینگیز.

 

 



دِگیشلی حابارلار