"حوثیلارینگ سعودی عربیستانا قوران راکتلی هۆجۆمینده ۳ چاغا یارالاندی"

حوثیلار جازان شأهِرینه راکت بیلن هۆجۆم قورادی

"حوثیلارینگ سعودی عربیستانا قوران راکتلی هۆجۆمینده ۳ چاغا یارالاندی"

 

یمن ده حأکیمیتی اله گچیرن حوثیلارینگ سعودی عربیستان ینگ سرحت یاقاسینداقی جازان شأهِرینه قوران راکتلی هۆجۆمینده ۳ چاغا یارالاندی.

سعودی عربیستان ینگ رسمی حابار قوللوغی نینگ بریأن حابارینا گؤرأ، سعودی عربیستان ینگ یۇلباشچیلیغینداقی حیذماتداش گۆیچلرینگ مطبوغات گنگه شچیسی ترکی المالکی حوثیلار تاراپیندان یوردونگ یمن سرحدینأدکی جازان شأهِرینه قوران راکت هۆجۆمینده آسودا ایلاتینگ نیشانا آلیناندیغینی آیتدی.

راکتلی هۆجۆم سبأپلی ۳ چاغانینگ یارالاناندیغینی آیدان مالکی، یارالانانلاردان ۲ یاشینداقی زیاد قاسم سلیمان ینگ یاغدایی نینگ آغیردیغینی یاتلاتدی.

مالکی، "ایران تاراپیندان قۇلدانیان حوثیلار آسودا ایلاتی نیشانا آلماق بیلن حالقارا قادالارینی باسغیلاماغا دۇوام ادیأر" دیدی.

یمن ده حؤکۆمتی آغداران حوثیلار ۲۰۱۴-نجی ییلینگ سنتیابر آییندان بأری پایتاغت صنعا بۇلماق بیلن بیرلیکده بیرنأچه شأهِره گؤزه‌گچیلیک ادیأر.

سعودی عربیستان ینگ یۇلباشچیلیغینداقی حالقارا گۆیچلر هم ۲۰۱۵-نجی ییلینگ مارت آییندان بأری حوثیلارا قارشی ساواشدا قانونی حؤکۆمته قۇلداو برمأگه دۇوام ادیأر.


اتیکتلر: یمن , جازان

دِگیشلی حابارلار