ادلب: هۇوا هۆجۆمینده ۷ یؤنه کی رایات اؤلدی

هۆجۆمده کؤپۆسی چاغا و زنانالاردان عیبارات ۱۵ یؤنه کی رایات دا یارالاندی

ادلب: هۇوا هۆجۆمینده ۷ یؤنه کی رایات اؤلدی

 

سوریأنینگ ادلب شأهِرینه قورالان هۇوا هۆجۆمینده ۷ یؤنه کی رایات اؤلدی.

ادلب ینگ یؤنه کی رایات قۇراغ مۆدیری مصطفی حاج یوسف، دۆین آغشام ادلب ینگ خان السبل اۇباسینا هۇوا هۆجۆمی قورالاندیغینی و اینگ آز ۷ آسودا ایلاتینگ اؤلِندیگینی بیلدیردی.

هۆجۆمده کؤپۆسی چاغا و زنانالاردان عیبارات ۱۵ یؤنه کی رایات دا یارالاندی.

حاج یوسف هۆجۆملرینگ روس اوچارلاری تاراپیندان قورالاندیغینی اؤنگه سۆردی.

یاشاییش یرلرینه قورالان هۆجۆملرده اؤلِنلرینگ ۵-ی نینگ چاغا بۇلاندیغینی بیلدیرن حاج یوسف، یارالانانلارینگ بجرگی آستینا آلیناندیغینی آیتدی.

ادلب ینگ دارتغینلیغی آزالدیلان بؤلگه سینه سۇنگقی ۲۰ گۆنده ادیلن هۆۆملرده ۵۰-دن قۇوراق یؤنه کی رایات اؤلدی. ۱۵۰ یؤنه کی رایات دا یارالاندی.

سوریأنینگ دمیرقازیغیندا تۆرکیأنینگ سرحدینده یرله شیأن ادلب ولایاتی ۲۰۱۷-نجی ییلینگ ۴-۵-نجی مای آییندا آستانادا گچیریلن ماصلاحاتدا دارتغینلیغی آزالدیلان بؤلگه ایغلان ادیلیپدی.


اتیکتلر: روسیا , سوریه , ادلب

دِگیشلی حابارلار