علی عزت بگوویچ یاتلاندی
عزت بگوویچ آرادان چیقماغیندان ۱۳ ییل سۇنگرا ینه یوردوندا حۇرمات بیلن یاتلاندی
عؤمری بۇیونچا تاغاللا ادیپ بۆتین قینچیلیقلارا قارامازدان بۇسنیا هرزگوین-ی بیر دؤولته اؤوۆرن مرحوم علی عزت بگوویچ حاطیرالاندی.
عزت بگوویچ آرادان چیقماغیندان ۱۳ ییل سۇنگرا ینه یوردوندا حۇرمات بیلن یاتلاندی.
"عالیم پاتشا" لاقامی بیلن تانالیان عزت بگوویچینگ حزبی (پارتیاسی) اۇزالقی یوگسلاوینینگ بۇسنیا هرزگووین جمهوریتینده ۱۹۹۰-نجی ییلدا ۲۴۰ مجلیس وکیلدن ۸۶-سینی اؤزۆنه دگیشلی ادیپدی.
عزت بگوویچ اسلوونی و کرواسینینگ قاراشسیزلیغینی ایغلان اتمهگیندن سۇنگ بۇسنیا هرزگوینینگ قاراشسیزلیغینی ایغلان اتدی.
۱۹۹۲-نجی ییلینگ ۲۹-نجی فورال- ۱-نجی مارت آرالیغیندا قاراشسیزلیق رفراندومینی گچیرن عزت بگوویچ، حالقینگ ۶۴ گؤتریمینینگ سس بریلشیگه قاتناشماغی و شۇلارینگ ۹۹.۴۴ گؤتریمینینگ قاراشسیزلیغی قابول اتمهگیندن سۇنگ قاراشسیزلیق ایغلان اتدی.
۱۹۹۲-نجی ییلینگ ۵-نجی آپرلده قاراشسیزلیق ایغلان ادن بۇسنیا، ۶-نجی آپرلده اوروپا بیلهلهشیگی، ۷-نجی آپرلده آمریکا تاراپیندان قابول ادیلدی.
موندان سۇنگرا صرپ یۇلباشچی رادوان کاراجیچ قیرغینچیلیق باشلاتدی.
شیله لیک بیلن بۇسنیالیلار عزت بگوویچینگ یۇلباشچیلیغیندا ایسلهمهدیکلری بیر ساواشا مجبور بۇلدولار و مسلمان بۇسنیالیلار قیرغینچیلیق ادیلدی.
و بۆتین قینچیلیلارا قارامازدان مسلمان بۇسنیالیلار علی عزت بگوویچ ینگ یۇلباشچیلغیندا قاراشسیزلیغا یتدیلر.
۲۰۰۰-نجی ییلدا کسلی سبأپلی جمهورباشلیق وظیپهسیندن آیریلان عزت بگوویچ، شۇل ییلینگ ۱۹-نجی اکتیابریندا بو دۆنیأ گؤزۆنی یومدی.
عزت بگوویچ ینگ آرادان چیقماغیندان اؤنگ دوشوشان سۇنگقی یۇلباشچیسی تۆرکیأنینگ جمهورباشلیغی رجب طیب أردۇغاندی.
آلله رحمت اتسین، یاتان یری یاغتی بۇلسون.
دِگیشلی حابارلار
دۆنیأده باهار مؤوسۆمی قیزغین گچیأر
2024-نجی ییلینگ 105 گۆنۆندن 69 گۆنی گلوبال یاغدایدا اوُرتاچا ییلیلیق رکوردی قوُیولدی