ت.ر.ت تلویزیون


یوردونگ ایچینه بریلیأن یایلیم‌لار

ت.ر.ت-۱ (ماشغالالارینگ کانالی)

ت.ر.ت-۱-ینگ بیرینجی ماقصادی، تـﯚرکیه ده باشدا ماشغالا‌لار بولماق بیلن دورلی یاشداقی، کأردأکی، بیلیم و مدنیت درجهسینه ایه بولان توماشاچی کؤپچولیگینینگ شوولنگلی واغیت گچیرمهگینی یولا قویماغینگ یانی بیلن اولارا ماغلومات برمک. کانال شول ساندا توماشاچیلارینگ کأمیللشمگینه، آرقالاشیق و جبیس‌لیک دویغیلارینینگ برچینلشمگینه، میللی مدنییتینگ بوتوویلشمگینگ یولا قویولماغینا قوشانت قوشماق، حابار برمک و آیدیم-ساز ایسلگلرینی قاناغاتلاندیرماغی ماقصات ادینیأر.

ت.ر.ت-۱ کانالینینگ یایلیملاری بیلیم، مدنیت، دراما، آیدیم-ساز، شووله نگ و اسپورت پروگراممالاری بیلن حابارلاردان عیباراتدیر. بو کانالدا رکلاما‌لارا (تبلیغاتا) اورون بریلیأر.

ت.ر.ت-۱-ینگ یایلیم مرکئزی آنکارا تلهویدنیاسیدیر…

ت.ر.ت-۲ (مدنیت-صونغات، حابار)

ت.ر.ت-۲-نینگ ماقصادی، توماشاچینینگ مدنیت و صونغات تایدان ایسلهگینی قاناغاتلاندیریپ بیلمک اوچین تـﯚرک مدنیتی و صونغاتی بارادا ماغلومات برمک، دووره باپ مدنیت و صونغات آقیملارینا یربرمک. کانال، تـﯚرک مدنیت‌دیر صونغاتینینگ، دونیأ مدنیتینینگ و صونغاتینینگ ایچیندأکی یرینی کسگیتله مک، اساساندا چاغالارینگ و یاشلارینگ میللی مدنیت‌دیر صونغات قیمماتلیکلاریمیزا ایه چیقیپ، دووره باپ قیمماتلیقلارینگ سینتزینه ایه بولان شاحص ‌لار حؤکمونده اؤسوپ یتیشمگینه قوشانت قوشماغی ماکصات ادینیأر.

ت.ر.ت-۲-نینگ یایلیملاری، بیلیم، مدنیت (دوکومنتال فیلملر، صونغات و مدنیت باراداقی گپلشیکلر بیلن مدنی دیسکوسییا‌لار) حابار، (آکتوال، ایقتصادیات، صونغات و مدنیت، حابار گپلشیکلری) اسپورت، آیدیم-ساز (سازینگ أهلی گؤرنوشی و دراما (سئرییال‌لار، ادبیات‌دان بؤلکلر، تـﯚرک و دونیأ کینوسین‌دان سایلاما اثرلر، چاغا‌لار اوچین سریال‌لار و مولتی فیلملر) گپلشیکلریندن عیبارات.

ت.ر.ت-۳

ت.ر.ت ۳ -ینگ بیرینجی ماقصادی، توماشاچیلارینگ اساساندا اسپورت چأره لریندن حابارلی بولماقلارینی یولا قویماق…

ت.ر.ت-۳ کانالینینگ یایلیملاری، ت.ر.ت-گاپ و ت.ب.م.م تی وی (تـﯚرکیه بییک میللت مجلیسی تلویزیونی) بیلن قئزئقلشیق‌لی گؤرنوشده بریلیأر. ماضمونی اسپورت گپلشیکلری اساسی یر بریلمک بیلن، بیلیم، مدنیت و آیدیم-سازلی گپلشیکلردن، شیلده حابارلاردان عیباراتدیر. رئلاما‌لارا هم اورون بریلیأر. مون‌دان باشغادا بو کانالدا، هپدأنینگ دووامیندا بللی ساغت‌لاردا کسگیتلنن مؤهلتده تـﯚرک رایاتلارینینگ گونده‌لیک دورموشلاریندا اولانیان دیللرینده و لهچهلرینده مدنیت، حابار و سازلی گپلشیکلربریلیأر.

ت.ر.ت-۳-اونگ یایلیم مرکزی آنکارا تله ویدنیاسیدیر…

ت.ر.ت چاغا‌لار

ت.ر.ت چاغا‌لار کانالی، تـﯚرکیأنگ گلجگی بولان چاغالاریمیز اوچین؛ چاغا‌لارا ماحصوص، چاغا‌لار اوچین یؤریته آچیلان تلویزیون کانالی.

گوندیز ۰-۱۴ یاش آراسینداقی چاغا‌لارا نیتلهنن یایلیملار بریأن ت.ر.ت چاغا‌لار کانالی، آغشاملارینا بولسا ۱۵-۲۴ یاش آراسینداقی یاش‌لارا نیت لنن پکیری اؤسدورمه گی، سوسیال کأمیل‌لیگی، دویغینی اؤسدورمه گی ماقصات ادینیپ، آحلاقا و میللی قیمماتلیک‌لارا أهمیت بریأر.

ت.ر.ت چاغالارینگ یایلیم مرکزی ایستامبول تلهویدنیاسیدیر…

ت.ر.ت- گاپ

ت.ر.ت-گاپ- نگ بیرینجی ماقصادی، گـﯚناورتا- گـﯚندوغار آنادولی تاسلاماسینینگ(گاپ) راسیونال (دوغری) گؤرنوشده اساسلاندیریلیپ بیلینمهگی اوچین، سبیتده دگیشلی سوسیال، مدنی، موسیقی آتموسفرانینگ عامالا گتیریلمگینه، سبیتینگ ایقتصادی و سواتلی لیق درهجسینینگ یوقارلاندیریلماغینا قوشانت قوشماق. بو چأکده، گـﯚندوغار و گـﯚن اورتا-گـﯚن دوغار آنادولی سبیتینده یاشایانلارینگ ایسلگلرینی قاناغاتلاندیریپ، گاپ- ینگ سبیته و یوردا قوشیان قوشانتلارینینگ، یانی بیلن آلیپ گلن اؤزگرلیشیکلرینینگ توماشاچی‌لارا یتیریلمه گینه یاردام برمگی ماقصات ادینیأر.

ت.ر.ت-گاپ-ینگ یایلیملاری، گـﯚن دوغار و گـﯚن اورتا-گـﯚن دوغار آنادولی سبیتینده یاشایان ایلاتینگ ایسلگلرینی قاناغاتلاندیریان و سبیتینگ آیراتینلیقلارینا گؤرأ تاییارلانان تربییه چی‌لیک أهنگیندأکی، مدنی، دراما، سازلی گپلشیکلر بیلن حابارلاردان عیباراتدیر.

ت.ر.ت-گاپ-ینگ یایلیملاری ت.ر.ت-۳ گپلشیک کانالین‌دان ت.ر.ت-۳ و ت.ب.م.م تلویزیونی بیلن قیزیقلشیق‌لی گؤرنوشده بریلیأر.

ت.ر.ت-گاپ-ینگ یایلیم مرکزی آنکارا تلهویدنیاسیدیر…

تله گـﯚن

تله گـﯚن یایلیمینینگ ماقصادی، جمغییتینگ (ماییپ‌لار بیلن بیرلیکده) ایسلگ بیلدیرمگ أحتیماللیغینا ایه، گونونگ حابارلارینی، هووا و یول ماغلوماتی، اسپورت، آکتوال مسله لر، رادیو و تلویزیون گپلشیک لری، مدنیت و صونغات چأره لری، توریستیک و سیاحات یرلری بیلن ایقتصادیات یالی اوغورلاردا تله تکست‌لی تلویزیونلاردان ایسلندیک پورصاتدا ماغلومات آلینماغینا مومکینچی‌لیک دؤره تمک…

تله گـﯚن یایلیملاریندا رکلاما‌لارا و بیلدیریشلره هم یر بریلیأر.

تله گـﯚن یایلیمی، تله تکست حؤکمـﯚنده ت.ر.ت-۱، ت.ر.ت-۲ و ت.ر.ت-اینت یایلیم اولغامیندان عامالا آشیریلیار.

تله گـﯚنینگ یایلیم مرکزی آنکارا تله ویدنیاسیدیر...

ت.ر.ت-داتا (دیتا) یایلیمچیلیقی

داتا یایلیمچیلیقینینگ ماقصادی، ماغلومات چشمه لری بیلن باغلاشیلان شرطناما‌لارا لاییقلیقدا سُوودا و تربیهلییجی ماقصادا ایه بولان داتالاری، تلویزیون یایلیملارینداقی دیک قارالدیش بوشلوقلارین‌دان (WBY) پیدالانماق آرقالی آبونهمنتلرینگ شحصی کومپیوترلرینه یـِتیرمک…

آنادولی حابار قوللوغی بیلن باغلاشیلان شرطناما لاییقلیقدا ت.ر.ت-۱ و ت.ر.ت-۲ یایلیم اولغاملاریندان داتا یایلیمچیلیق یبریلیأر.

یایلیم مرکزی (حابار بؤلیمینینگ جوغاپکأرچیلیگینده) آنکارا تله ویدنیأسیدیر.


داشاری یورت تله ویدنیا یایلیمی

ت.ر.ت-İNT

ت.ر.ت-اینت کانالینینگ یایلیملاری بیلیم، مدنیت، دراما، آیدیم-ساز، شووالانق و اسپورت پروگراممالاری بیلن حابارلاردان عیباراتدیر. رکلاما‌لارا اورون بریلیأر.

ت.ر.ت-اینت یایلیمیندا، هر ساغادینگ باشیندا حابار پروگراممالاری بریلیأر. گرهک بولان حالاتیندا کأبیر گپلشیکلر بیلن رکلاما‌لار داشاری یورت دیللرینده یازغیلی گؤرنوشده بریلیپ بیلینیأر. شول ساندا نوباتینا گؤرأ کسگیتلنن گپلشیکلرینگ DWS- (همرا –آیچا چاناق- آرقالی اؤیجوکلی-دیجیتال- یایلیمچیلیق) استاندارتلارینا لاییقلیقدا کؤپ دیللی دونلیاژی ادیلیپ، یایلیما بریلمگی یولا قویولیار.

ت.ر.ت-اینت یایلیملاری، یوردونگ ایچینده بللی مرکزلره، داشاری یورت‌لارا هِمرا آرقالی اساساندا تـﯚرک رایاتلارینینگ کؤپچولیکلهیین یاشایان یرلرینده ن بیری بولان گرمانییا (آلمانیا) یالی یورت‌لارا یتیریلیأر.

ت.ر.ت-اینت-ینگ یایلیم مرکزی آنکارا تله ویدنیاسیدیر…

ت.ر.ت-تـﯚرک (تـﯚرک دونیأسی)

ت.ر.ت-تـﯚرک یایلیمی؛ بیلیم، مدنیت، دراما، آیدیم-ساز گپلشیکلریندن و حابارلاردان عیباراتدیر. رکلاما‌لارا اورون بریلیأر.

ت.ر.ت-تـﯚرک یایلیمی؛ داشاری یورت‌لاردا همرا آرقالی اورتا آسیادا تـﯚرکی حالقلارینگ یاشایان یورتلارینینگ أهلیسینه یتیریلیأر.

ت.ر.ت-تـﯚرک یایلیمی تـﯚرکچه دووام اتدیریلیأر. گپلشیکلر، آیراتینلیغی و نییتلنن قاتلاغا اﯚنس بریلیپ، گرهک بولان حالاتیندا داشاری یورت دیلینده و تـﯚرک دیلینینگ دورلی لهچه لرینده یازغیلی گؤرنوشده یایلیما بریلیپ بیلینیأر. شول ساندا نوباتینا گؤرأ کسگیتلنن گپلشیکلرینگ DVS-S (همرا آرقالی اؤیجوکلی یایلیمچیلیق) استاندارتلارینا لاییقلیقدا کؤپ دیللی دونلیاژی ادیلیپ، یایلیما بریلمگی یولا قویولیار.

ت.ر.ت-تـﯚرکینگ یایلیم مرکزی آنکارا تله ویدنیاسیدیر…

ت.ر.ت تله ویدنیا حاقدا حاس گینگ ماغلومات آلماک اوچین: http://trt.net.tr/TV/TvAna.aspx