Afrin operasiýasy dowam edýär

Baş ştab tarapyndan berilen beýanata görä 20-nji ýanwarda başlan Zeýtun şahajygy operasiýasynyň çäginde terror guramalary ÝPG/PKK-DAIŞ-e agza terrorçylaryň täsirsiz ýagdaýa getirilmegi üçin howadan we gury ýerden operasiýalar guraldy.

Geçirilen soňky operasiýalar bilen täsirsiz ýagdaýa getirilen terrorçylaryň sany 1715-e ýetdi.

Türkiýäniň Ýaragly güýçleri we Azat Siriýa goşuny Afriniň Daýr Sawwan obasyny PÝD/ÝPG-den saplap, Kilis welaýatynyň Siriýa tarapyndaky ýerlerini saplap, terrorçylaryň Türkiýe serhedi bilen baglanşgyny kesildi.

Şu gün irdenden bäri Afriniň günorta-günbataryndaky Jinderes etrapçasynyň Merwane we Heýgeje obalary bilen Kalki diýilen ýeri, Afriniň demirgazygyndaky Bülbül etrapçasynyň Akanly, Haýýam, Surain, Çarkanly obalary, Şeran etrapçasynyň Zeýtinak we Arpawiran obalary bilen Jemilliýe diýilen ýeri ÝPG/PKK-DAIŞ-den saplandy.

Türkiýäniň Ýaragly güýçleri we operasiýa goldaw berýän Azat Siriýa goşuny operasiýanyň başlan güni bolan 20-nji ýanwardan bäri ÝPG/PKK-DAIŞ-iň gözegçiligi astyndaky Afriniň 5 etrapçasynda 1-i etrapça merkezi bolmak bilen 61 oba, 6 kiçi oba we 20 strategik taýdan wajyp bolan dagdyr-depe we ÝPG/PKK-a degişli baza bolmak bilen jemi 89 aýry nokady guramadan saplady.

Beýleki tarapdan Zeýtun şahajygy operasiýasynyň çäginde Hataý welaýatynyň Reýhanly, Kyrykhan we Hassa etraplarynyň Siriýa tarapyndaky terrorçylaryň ýerleri gaubisalar arkaly od açyldy.

Uçarmansyz howa ulaglarynyň hem serhetde uçýandygy görüldi.

Sebitde çaknyşyklaryň sesleri eşidilýär.

Beýleki tarapdan sebite goşmaça iberilen köp sanda harby ulag bellenen ýere baryp ýetendigi mälim edildi.