Baýden Ankarada saparda bolýar
Jo Baýden resmi saparynyň çäginde ilki Türkiýäniň Beýik Millet Mejlisine bardy
ABŞ-nyň Wise-prezidenti Jo Baýden Ankarada saparda bolýar.
Jo Baýden resmi saparynyň çäginde ilki Türkiýäniň Beýik Millet Mejlisine bardy.
Baýden Mejlisiň başlygy Ismail Kahraman bilen duşuşdy.
Kahraman dost we hyzmatdaş ýurt ABŞ-nyň Wise-prezidenti Baýdene agdarlyşyk synanşygyndan soň guraýan duýgudaşlyk sapary sebäpli öz minnetdarlygyny bildirdi.
Baýden hem agdarlyşyk synanşygyna gynanç bildirýändigini nygtap, “Wakanyň ertesi güni bu ýerde bolmak islärdim. Öz esgerleriňiziň Mejlise hüjüm edendiklerini öwrenenimde şeýle gynandym. 11-nji sentýabrda ýurdumda başdan geçirlen wakalary ýatladym” diýdi.
Türkiýedäki demokratiýa ynam bildirýändiklerini aýdan Baýden “Türkiýe güçli ýurt, gatnaşyklarymyz dowam etmeli” diýdi.
Baýden metbugata ýapyk ýagdaýda geçen duşuşykdan soň Mejlisiň başlygy Kahraman bilen birlikde Mejlisiň agdarlyşyk synanşygynda bombalan bölümlerine baryp gördi.
Mejlisiň ýykylan bölümlerine baryp gören Baýden “şeýle elhenç ýagdaý”diýip belledi.
Degişli Habarlar
Kalyn Amerikan Wekiliýeti Bilen Duşuşar
Kalyn, ABŞ-nyň Wekiller palatasynyň agzalary bilen şu gün paýtagt Ankarada duşuşar.
Fidan Amerikan Wekiliýetini Kabul Etdi
Bu barasynda Daşary işler ministrliginiň X sosial media hasabyndan habarnama berildi.