Ymam Maturidi maslahaty 25-nji oktýabrda başlar
Türk Dünýäsiniň Parlamentarlar gaznasy oktýabr aýynyň 25-27-si aralygynda Ankarada “Halkara Ymam Maturidi Işjeň Maslahatyny” geçirer
Işjeň maslahatda “Yslam dünýäsinde 10-njy asyrda başlan giň aýdyňlanmanyň başyny başladan musulman alymy Ymam Maturidiniň düşünjesiniň mirasy seljeriler, taryhda bolşy ýaly Türk-yslam medeniýetini döretme pikiriniň düýbi tutular.
Maslahatda musulman dünýäsiniň meselelerini seljermek, analiz etmek we yslam düşünje taryhyna uly goşant goşan Abu Mansur Al Maturidiniň pikirdir düşünje dünýäsiniň seljerilmegi nazarda tutulýar.
Maslahatda 4 sany nutuk okalar we gatnaşýan adamlar bulary 3 günüň dowamynda ara alyp maslahatlaşar.
Maslahata ABŞ-dan, Germaniýadan, Gazagystandan, Gyrgyz Respublikasyndan we Özbegistandan , Türkiýeden 50 alym gatnaşar.
Işjeň maslahatyň soňky gününde geçiriljek metbugat ýygnagynda türk, iňlis, rus, arap, fransuz we pars dillerinde taýarlanan jemleýji jarnama ýerli we halkara köpçülikleýin habar beriş serişdeleriniň dykgatyna ýetiriler.
Ymam Maturidi 852-nji ýylda Samarkant şäheriniň Maturidi obasynda eneden doguldy.
Maturidi ýazan eserleri bilen Yslam dininiň esaslarynyň düşünilmegini üpjün edýän 2 meşhur alymyň biri hökmünde kabul edilýär. Beýleki alym bolsa Ymam Eşaridir.
Işjeň maslahatyň hemaýatkärlerinden biri hem TRT bolar.
