Owgantystanda dört aýry hüjüm guraldy
Ýurtda 4 aýry ýerde guralan hüjümlerde 18-i esger bolan jemi 23 adam ýogaldy
Hüjümleriň jogapkärçiliklerini terror guramalary DAIŞ we Taliban öz üstlerine aldylar.
Terror guramasy Taliban Farah welaýatynyň günbataryndaky harby bölüme hüjüm gurady.
Hüjümde 18 esger ýogaldy, 2 esger ýaralandy.
Ýüze çykan çaknyşykda Talibana agza 2 terrorçy öldürildi.
Ýurdyň paýtagty Kabulda hem kamikaze hüjümi guraldy.
Kamikaze hüjümçisi üstündäki bombany Kabulyň 9-nji etrapçasyndaky polisiýa merkeziniň golaýynda partlatdy.
2 adamyň ýogalmagy, 7 adamyň ýaralanmagy bilen netijelenen hüjümiň jogapkärçiligini terror guramasy DAIŞ öz üstüne aldy.
Ýaralanan käbir adamlaryň ýagdaýlary agyr.
Ýurdyň Helmand welaýatynda hem harby bölümleriň nyşana alynyp 2 aýry kamikaze hüjümi guraldy.
Hüjümiň jogapkärçiligini Taliban öz üstüne aldy. Hüjümlerde howsyzlyk güýjünden 3 adam ýogaldy, 7 adam ýaralandy.
ABŞ-nyň Prezidenti Donald Trampyň Owganystanda Talibana we beýleki terrorçylykly toparlara garşy operasiýalaryň artdyryljakdygy baradaky kararyndan soň, ýurtdaky hüjümler artdy.
